ဒီကဗျာမှာ လူ့အဖွဲ့အစည်းဟာ အဓမ္မအကျင့်ခံထားရတဲ့ အနုပညာနဲ့ တစ်သားထဲ ဖြစ်နေတယ်

သွေးရိုးသားရိုး အခြေအနေ ဘာတစ်ခုမှ မရှိတော့ဘူး
ကိုယ်မနေ့ က တိုက်ပွဲမှာ ကမ္ဘာအပြင်ဘက်ကို ခဏထွက်သွားလိုက် တယ်
တစ်ယောက်ယောက်ကို နူတ်ဆက်လိုက်ဖို့တောင် ကိုယ့်သွေးသားတွေဟာ အေးစက်
ဘ၀ဟာ သိပ် ပင် ပန်း ပါ တ ယ်  ထရီဇာ
ကိုယ်ဟာ ရာသီဥတု ဒဏ်ကို ဘယ်လို ပျော်ရွှင်ဖွယ်ရာတွေနဲ့ တောင့်ခံထားရသလဲ
လူငယ်တစ်ယောက် ဟာ ဒဏ်ရာတွေကို ခေါက်ဓါးတစ်လက်လို ဆွဲသိမ်းလိုက်တယ်
ဘယ်လို အကြောင်းအရာတွေကို ကိုယ် ကဗျာအဖြစ် ချရေးလိုက် ရမလဲ
ကိုယ်ဟာ နာကျင်မှုတွေကို ဘ၀မှာ အနူးညံ့ဆုံး သိမ်မွှေ့ပစ်တတ်တဲ့ လူငယ်
သမိုင်းစာအုပ်တွေနဲ့ အောင်မြင်ကျော်ကြားလူကြိုက်များမှုတွေကို ကိုယ်ကဗျာလုပ်မရေးနိုင်ဘူး
အနုပညာ ဟာ ယုံကြည်မှု၊ ခံနိုင်ရည် ရာခိုင်းနူန်းဘယ်လောက်အတိုင်းအတာမှာ တည်ရှိနေလဲ
အနုပညာဆိုတာ ဗိုလ်ချုပ်အောင်ဆန်း အနုပညာဆိုတာ ဒေါ်အောင်ဆန်းစုကြည်၊
အနုပညာဆိုတာ ဦးသိန်းစိန်၊ ဘာတွေလဲ ၊ ဘာတွေလဲကွာ ဒီကမ္ဘာကြီးဟာ ရွဲ့စောင်းနေပုံ
အနုပညာ ဆိုတာ ရွံ့ရှာဖွယ်ရာကောင်းတဲ့ ဟာသ ပြက်လုံး
အနုပညာဆိုတာ ဖေါ်ချွတ်ဓါတ်ပုံကို မျက်နှာဖုန်းတင်ထားတဲ့ မဂ္ဂဇင်းစာမျက်ပေါ်က
မော်ဒယ်အမျိုးသမီး တစ်ယောက်ရဲ့ အင်တာဗျူးသတင်းခေါင်းစဉ်
အနုပညာဆိုတာ ခပ်ကြောင်ကြောင် ရပ်ပါတစ်ယောက်ရဲ့ မွေးနေ့ပွဲ ၊
အနုပညာဆိုတာ ဘယ်လိုအဓိပါပယ်ဖွင့်ဆိုမှုမျိုးနဲ့ သောက်သုံးနေကြတဲ့ ၀ီစကီအမျိုးအစားလဲ ၊
လက်ခုပ်သံတွေကြားရတိုင်း စင်ပေါ်ပြေးတက်ရအောင် ကိုယ်က ဆပ်ကပ်ဝိုင်းထဲက မျောက်တစ်ကောင်မှ မဟုတ်ဘဲ
ကမ္ဘာကြီးရဲ့ လည်ပတ်နေမှုမှာဘယ်အရာမှ သွေးမှန်သားမှန် မရှိတော့ဘူး၊ ကိုယ့် စွန့်ခွါ.
လူငယ်တစ်ယောက် မသေချာတဲ့ အမှန်တရားကို ခေါက်ဓါးတစ်လက်ကို ဆွဲသိမ်းလိုက်တယ်
ဒီကဗျာမှာ လူ့အဖွဲ့အစည်းဟာ အဓမ္မအကျင့်ခံထားရတဲ့ အနုပညာနဲ့ တစ်သားထဲ ဖြစ်နေတယ်
ကိုယ်ရေးကိုယ်တာ ကိန်းဂဏန်း အချက်အလက် သတင်းခေါင်းစဉ်၊ ရပ်တည်ချက် အရာင်လွင့် ဖိနပ်
တွေးခေါ်စဉ်းစားမှုတွေကနေစပြီး နှလုံးခုံသံတွေအထိ စိတ်ကို ဆင်ခြင်တုံတရား ဘောင်တွေထဲမှာ သော့ခတ်လိုက်တယ်
ကိုယ်ရုန်းထွက်နေတယ် သာမန်အခြေအနေ အခန်းလွတ်များ ၊
လိင် လိုအပ်ချက်က ချစ်ခြင်းမေတ္တာနောက်မှာ အပေါစားဇတ်လမ်းထဲက မုဒိန်းကောင်လို ပြုံးရယ်
ကိုယ်ဟာ သိပ်ရှက်တတ်တဲ့ လူငယ်ပဲ ထရီဇာ ဘယ်လောက် နူးညံ့သိမ်မွှေ့လိုက်သလဲလို့
ကိုယ်ဝန်ဆောင်သည် အမျိုးသမီးငယ်ငယ်တွေ တွေ့တိုင်း စိတ်မှာ လှပ်ခနဲ့ ကြည်နူးတတ်တဲ့ ရင်ခုန်သံတွေနဲ့
ဘယ်လို ဘ၀မျိုးကိုများ တည်ဆောက်ချင် နေတဲ့ လူငယ် လဲ
ဘ၀ဟာ သိပ် ပင် ပန်း ပါ တယ် ထရီဇာ သတင်း အချက် အလက် နေ့စဉ်အမျှ ရှင်သန်မှုဟာ
စက်ရုပ်သွေးနဲ့  သတင်းလူသား၊ ကိုယ့်ကဗျာတွေထဲမှာ နာကျင်မှုတွေကလွဲလို့
ကျေးဇူးပြုပြီး တစ်ခြားဘာကို မှ ရှာဖွေကြည့်မနေပါနဲ့တော့ ၊
မသန့်ရှင်းမှုနဲ့ ရောထွေးဆက်နွယ်မှုတွေကို ချေဖျက်ပစ်ချင်တဲ့ လူငယ်
အရာအားလုံးကို တော်လှန်ချင်နေတဲ့ စိတ်ဟာ သေနတ်မောင်းကို ဖြုတ် ပစ် လိုက်တယ်
ဘ၀ ဟာ သိပ် ပင် ပန်း ပါ တယ် ထရီဇာ ဘာကို မှ မယုံကြည်တတ်တော့တဲ့ စိတ်ဟာ
ပို ပြီး ပင် ပန်း စေတယ် ။ ဒါပေမယ့် ကိုယ် က တော့ ရင်း ရ မှာ ပဲ
လူငယ်တစ်ယောက်ဟာ နာကျင်ရွံ့ရှာမှုကို လူ့အခွင့်အရေးနဲ့ အလျော်အစား လုပ်ပစ်ချင်နေတဲ့ အရသာနဲ့
ကိုယ်ချင်းစာတရားဆိုတာကို ကိုယ်က ရာသီဥတုဒဏ်ကို ဘယ်လောက်ခံနိုင်သလဲ ဆိုတာနဲ့ အဓိပါယ်ဖွင့်ထားတယ်။


မှူးသစ်။

နီ ယိုေ မာ် ဒ န် ( သို့ မ ဟု တ် ) အ နာ ဂ တ် က ဗျာ

နီယိုမော်ဒန်နိဒါန်း
                     
                  မြန်မာကဗျာသမိုင်းကို သမင်လည်ပြန်လှည်.ကြည်.ရင်ခန်.မှန်းပျမ်းမျှအနှစ်နှစ်ဆယ်လောက်အကြာမှာ တစ်ကြိမ်နှုန်းနဲ.ကဗျာယဉ်ကျေးမှုရှော.ခ်(သို.မဟုတ်)ကဗျာလမ်းကြောင်း အပြောင်းအလဲတွေ ဖြစ်ပေါ်လေ.၇ှိတာတွေ.၇ပါတယ်။ခေတ်စမ်းကဗျာခေတ်(၁၉၃၄၀န်းကျင်)၊စာပေသစ်ခေတ် (၁၉၅၀၀န်းကျင်)၊တော်လှန်ကဗျာနဲ. မိုးဝေကဗျာခေတ် (၁၉၇၀ ၀န်းကျင်)၊ခေတ်ပေါ်ကဗျာခေတ် (၁၉၉၀၀န်းကျင်)တွေဟာ မြန်မာကဗျာ သမိုင်းမှာ သိသာထင်ရှားတဲ.ကဗျာယဉ်ကျေးမှုရှော.ခ်တွေဖြစ်ပွားခဲ.တဲ.  နှစ်ကာလတွေပါပဲ။
                   ၁၉၉၀ ၀န်းကျင်ကစပြီး  အရှိန်မြှင်.လှုပ်ရှားသက်ဝင်လာတဲ.ခေတ်ပေါ်ကဗျာဟာမြန်မာကဗျာလောကရဲ. ပင်မရေစီးဖြစ်လာခဲ.ကာ ၂၀၀၅ ၀န်းကျင်အထိသြဇာကြီးမားသက်ရောက်နေဆဲဖြစ်ပါတယ်။၂၀၀၅၀န်းကျင်မှာတော. ကဗျာ ဆရာဇေယျာလင်းမိတ်ဆက်တင်သွင်းတဲ. အမေရိကန်ဘာသာစကားကဗျာ(L=A=N=G=U=A=G=E= POETRY)အယူအဆတွေထွက်ပေါ်လာပြီး ဆယ်စုနှစ်တစ်ခုနဲ. တစ်ဝက်နီးပါးထီးနန်းစိုးစံနေတဲ.၊လမ်းဟောင်းအတိုင်းမပြောင်းလဲ တေ၇ွ.ေ၇ွ.စီးဆင်းနေတဲ. ပင်မေ၇စီးခေတ်ပေါ်ကမ်းပါးကို တိုက်စားဖြိုချပစ်လိုက်ပါတယ်။L.Pကဗျာလှုပ်၇ှားမှုကြောင်.ခေတ်ပြိုင် မြန်မာကဗျာလောကမှာ ပို.စ်မော်ဒန်ကဗျာဗေဒ သြဇာယူခဲ.တဲ.ကဗျာဂိုဏ်းနဲ.နိုင်ငံရပ်ခြားကဗျာဗေဒကို ဆန်.ကျင်ငြင်းဆန်ပြီးကိုယ်.နည်းကိုယ်.ဟန်နဲ.အသစ်လုပ်မယ်. နီယိုမော်ဒန်ကဗျာဂိုဏ်းတွေကွဲပြားထွက်ပေါ်လာခဲ.ပါတယ်။
                   အဲဒီကာလတွေမှာ ပင်မရေစီးခေတ်ပေါ်ကဗျာယဉ်ကျေးမှုအဟောင်းနဲ. ဘာသာစကားကဗျာဗေဒယဉ်ကျေးမှုအသစ်အကြား အနုပညာနဲ. အယူအဆရေးရာ ဆန်.ကျင်တိုက်ခိုက်မှု၊ထိတွေ.ပွတ်တိုက်မှု၊ရောယှက်ပေါင်းစပ်မှု စတဲ. ယဉ်ကျေးမှုရှော.ခ်တွေဖြစ်ပွားခဲ.ရာကမြန်မာကဗျာလောကမှာနောက်ထပ် ကဗျာယဉ်ကျေးမှုအသစ်တစ်ခု ပေါ်ပေါက်ဖြစ်ထွန်း လာခဲ.ပါတယ်။
                  အဲဒီ မြန်မာကဗျာယဉ်ကျေးမှုအသစ်ကတော.  နီယိုမော်ဒန်ကဗျာယဉ်ကျေးမှုပဲဖြစ်ပါတယ်။

နီယိုမော်ဒန်ဆိုတာ
               
                 နီယိုမော်ဒန်ကဗျာအယူအဆတွေဟာ ၂၀၀၇မတ်လ ၂၁ ရက်နေ. ကမ္ဘာ.ကဗျာနေ.မှာ ထုတ်ဝေတဲ.”မြန်မာခေတ်ပေါ်ကဗျာသစ် ကြေညာစာတမ်း၂၀၀၇”မှာအစပြုသန္ဓေတည်ခဲ.ပါတယ်။နီယိုမော်ဒန်ဟာပင်မရေစီးခေတ်ပေါ်ကဗျာအာရုံခံစားပုံ၊အာရုံခံစားမှု၊ရေးဟန်၊နည်းစနစ်တွေကိုချဲ.ထွင်ကျော်လွန်ဖို.ကြိုးစားရင်းခေတ်ပြိုင်မြန်မာကဗျာလောကထဲက ပို.စ်မော်ဒန်စာပေအယူတချို.နဲ.ကဗျာအနုပညာလက်ရာတွေကိုဆန်.ကျင်ဝေဖန်ရင်းက အသစ်ဖြစ်ပေါ်လာတဲ. ကဗျာအယူအဆတစ်မျိုးဖြစ်ပါတယ်။
               နီယိုမော်ဒန်ဟာ Neomodernism မဟုတ်ဘဲNew Poetic Concept တစ်မျိုးသာဖြစ်ပါတယ်၊
               နီယိုမော်ဒန်အကြောင်းပြောရင်Neomodern ဆိုတဲ. ဝေါဟာရအသုံးအနှုန်းကိုစတင်ရှင်းလင်းရပါလိမ်.မယ်။နီယိုမော်ဒန်မှာNeo ရှေ.ဆက်စကားလုံးရဲ.အဓိပ္ပာယ်ကိုnew/in the later from ဆိုတဲ. အနက်တွေနဲ.သုံးစွဲထားတာဖြစ်ပါတယ်။LONGMANDictionary of Contemporary English မှာတော. Neo-//based on a style,set ofideas,or political system that existed in the past ;လို.အနက်ဖွင်.ပေးထားပါတယ်။နီယိုမော်ဒန်မှာNeo ရှေ.ဆက်စကားလုံးကို new ဆိုတဲ.အဓိပ္ပာယ်နဲ. အဓိကသုံးစွဲတာဖြစ်ပေမယ်. ဆက်စပ်ချဲ.ထွင်အနက် ဖွင်.ရင်not before /notused before/unfamiliar/recently changed/recently discovered အဓိပ္ပာယ်တွေအထိကျယ်ပြန်သက်ရောက်မှုရှိပါတယ်။
               နီယိုမော်ဒန်ဆိုတာပင်မရေစီးခေတ်ပေါ်ကဗျာကိုupdate/vt /make more;bring up to dateဖြစ်အောင်လုပ်လိုက်တဲ.ကဗျာအမျိုးအစားတစ်မျိုးပါပဲ။

နီယိုမော်ဒန်နောက်ခံအယူအဆနဲ. သွင်ပြင်လက္ခဏာတချို.
               
               ပင်မရေစီးခေတ်ပေါ်ကဗျာကို ကျော်လွန်ဖို.ကြိုးစားနေတဲ. နီယိုမော်ဒန်မှာခိုင်မာသေချာတဲ. နောက်ခံအယူအဆနဲ.သွင်ပြင်လက္ခဏာတွေရှိပါတယ်။နီယိုမော်ဒန်နောက်ခံအယူအဆနဲ.သွင်ပြင်လက္ခဏာတွေကိုလိုရင်းအချက်အလက်အတိုင်း ဖော်ပြရရင်-
၁။ခေတ်ကိုကိုယ်စားပြုခြင်း၊ခေတ်ရဲ.ပုံရိပ်ထင်ဟပ်ခြင်း
၂။ကဗျာဆရာရဲ.ခံစားမှု/ဘ၀အမြင်ကို အခြေခံခြင်း
၃။ဘာသာစကားကိုမီဒီယမ်အဖြစ်သာအသုံးပြုခြင်း
၎။လူသားရဲ.ကိုယ်ရည်ကိုယ်သွေးပေါ်လွင်ခြင်း၊လူရဲ. ပုဂ္ဂလိကသဘောကို ပြန်လည်ဖော်ထုတ်ခြင်း
၅။ခေတ်ပြိုင်ထဲကModern/Neomodern&  PostmodernSensibility ပေါ်လွင်ထင်ရှားခြင်း
၆။လူအုပ်ကြီးထဲရောနှောပျောက်ဆုံးနေတဲ.Identity ကို ရှာဖွေ တည်ဆောက်ခြင်း
၇။ရေးဟန်နှင်.တင်ပြပုံပြောင်းလဲခြင်း
၈။ရသအပြောင်းအလဲ
၉။အဇ္ဈတ္တခံစားမှုပိုင်းစစိတ်မြွှာခြင်း
၁၀။အတွေးအမြင်များအချိုးပျက်ခြင်း
၁၁။အကြောင်းအရာများရောထွေးထားခြင်း
၁၂။အာရုံခံစားမှု ဗဟိုချက်ကင်းမဲ.ခြင်း
၁၃။လူ/လူအများရဲ.အမြင်နဲ.အာရုံခံစားမှုများ ရောထွေးနေခြင်း၊ပေါင်းစပ်ရေးဖွဲ.ခြင်း
၁၄။နိမိတ်ပုံ၊သင်္ကေတများ လျှော.ချခြင်း
၁၅။အရပ်သုံးဘာသာစကားများရောနှောသုံးစွဲခြင်း
၁၆။ရိုးရှင်းလွယ်ကူသောအဓိပ္ပာယ်၊အနက်ဖွင်.စနစ်များတည်ဆောက်ခြင်း
၁၇။ကဗျာအတွင်းသားအပျော.ထည်(Software)များပြောင်းလဲခြင်း
၁၈။ပေါ်ပြူလာဖြစ်တဲ.အရေးအသား/ဟန်ပန်များကိုရှောင်ကြဉ်ခြင်းတို.ပဲ ဖြစ်ပါတယ်။
(ရည်ညွှန်း။ ။ နီယိုမော်ဒန်နောက်ခံ အယူအဆနှင်.သွင်ပြင်လက္ခဏာအချို.၊  နွယ်နီမဂ္ဂဇင်း)

နီယိုမော်ဒန်သွင်ပြင်လက္ခဏာများ              
                 နီယိုမော်ဒန်ဟာပင်မရေစီးခေတ်ပေါ်ကဗျာကို ချဲ.ထွင်ကျော်လွန်ဖို.ကြိုးစားရာကအသစ်ဖြစ်ပေါ်တဲ.ကဗျာအယူအဆအသစ်တစ်မျိုးလို.ဆိုရင် ပင်မရေစီးခေတ်ပေါ်ကဗျာလက္ခဏာတွေကိုဘယ်လိုဘယ်ပုံ ဆန်.ကျင်ချဲ.ထွင်လာသလဲဆိုတာနှိုင်းယဉ်စဉ်းစားသုံးသပ်ကြည်.ဖို.လိုပါလိမ်.မယ်။မြန်မာကဗျာလောကရဲ.ပင်မရေစီးခေတ်ပေါ်ကဗျာဟာ၁၉၆၉ သပြေညိုဝပ်ရှော.၊ဆရာမြဇင်ရဲ.“ခေတ်ပေါ်ကဗျာကြေညာစာတမ်း”ခေတ်ပေါ်ကဗျာယေဘုယျလက္ခဏာတွေအပေါ်အခြေခံတည်ဆောက်ထားတဲ.ကဗျာအမျိုးအစားဖြစ်ပါတယ်.ခေတ်ပေါ်ကဗျာရဲ. ယေဘုယျလက္ခဏာတွေက-
၁။ထွေပြားတယ်၊ရိုးရိုးစင်းစင်းမဟုတ်
၂။သိပ်သည်းတယ်၊ကျဲတဲတဲမဟုတ်
၃။ကျယ်ကျယ်ဝန်းဝန်းလွှမ်းခြုံတယ်၊မကျဉ်းမြောင်း
၎။ရိပ်ကာဝဲကာပြောတယ်၊တိုက်ရိုက် မပြော
၅။ဧကန်သဘောတရားများကိုဆောင်တယ်၊ပြုအပ်တဲ.သဘောတရားကိုမဆောင်
၆။အကွက်သဘောကိုဆောင်တယ်၊မျဉ်းသဘောကိုမဆောင်စတဲ. သွင်ပြင်လက္ခဏာတွေဖြစ်ပါတယ်။
                 ဆရာမြဇင်ရဲ. ခေတ်ပေါ်ကဗျာယေဘုယျလက္ခဏာတွေအပြင်ကဗျာလေ.လာသူတစ်ဦးပေါင်းစပ်တင်ပြခဲ.တဲ.အတွင်းစိတ်ခံစားမှု (Inner Feeling)၊စကားပြောရစ်သမ်(Spoken Rhythm)၊လွတ်လပ်စွာဖော်ပြချက်(Freedomof Expression)ဆိုတဲ. ခေတ်ပေါ်ကဗျာအဓိကလက္ခဏာတွေလည်း ရှိပါသေးတယ်။
                 နီယိုမော်ဒန်မှာတော. ပင်မရေစီးခေတ်ပေါ်လက္ခဏာတွေနဲ.ဆန်.ကျင်ကွဲလွဲနေတဲ.လက္ခဏာအသစ်တွေကို တွေ.မြင်လာရပါတယ်။နီယိုမော်ဒန်ရဲ. သွင်ပြင်လက္ခဏာတွေက-
၁။အကွက်သဘောမဟုတ်၊ချည်မျှင်ဆန်သောလိုင်း(FibrousLines) များဖြင်. ဖွဲ.စည်းခြင်း
၂။ချည်မျှင်ဆန်သောစာသားများ(FibrousText)နှင်. အပိုင်းအစများ(Fragments)ရောစပ်ရေးဖွဲ.ခြင်း
၃။ကဗျာဘာသာစကားလျှော.ချပြီးအရပ်သုံးစကားကို အလေးပေးရေးဖွဲ.ခြင်း
၎။ပြင်းထန်လေးနက်သောအတွင်းစိတ်ခံစားမှု(InnerFeeling)များမဟုတ်၊ ယနေ.ခေတ်နှင်.အညီ အပေါ်ယံဆန်သောလွတ်လပ်ပေါ.ပါးသောအမြင်များဖြစ်ခြင်း
၅။ရိပ်ကာဝဲကာမပြော၊တိုက်ရိုက်ပြောခြင်း
၆။ကျစ်လစ်သိပ်သည်းမှုမရှိ၊ဖောင်းပွခြင်း
၇။ထွေပြားေ၀၀ါးမှုမရှိ၊ရိုးစင်းကြည်လင်ပြတ်သားခြင်း
၈။ပုဂ္ဂလိကအာရုံခံစားမှု/အမြင်နှင်. ခေတ်ပြိုင်မြင်ကွင်းကိုချတ်ဆက်ထားခြင်း
၉။အခြားသူ၏အမြင်များရောနှောတင်ပြခြင်း
၁၀။အရပ်သုံးဘာသာစကားကိုပင်ကဗျာဘာသာစကားကဲ.သို.အနက်ခွန်အားမျိုးရအောင်သုံးစွဲခြင်း
၁၁။ကြည်လင်ရှင်းလင်းသည်.အဓိပ္ပာယ်ဆောင်သောစာသားများကိုအသုံးပြုခြင်း
၁၂။ခေတ်ပြိုင်လူ.အဖွဲ.အစည်း၏အားနည်းသောစရိုက်လက္ခဏာများကို ဝေဖန်ခြင်း
၁၃။လူမှုဆက်ဆံရေးပူနွေးလာမှုကိုသတိပေးခြင်း
၁၄။ပုဂ္ဂလိကခံစားမှုနှင်. လူ.အဖွဲ.အစည်းအပေါ် အမြင်ရောစပ်ခြင်း
၁၅။နီယိုနှင်.ပို.စ်မော်ဒန်သွင်ပြင်လက္ခဏာ မျိုးစပ်ထားခြင်း
၁၆။(သဒ္ဒါနည်းအရ)မျိုးစုံပါဝင်ပေါင်းစပ်နေသောဘာသာစကားကိုသုံးစွဲခြင်း စတာတွေပဲဖြစ်ပါတယ်။
(ရည်ညွှန်း။  (၁)ပင်မရေစီးခေတ်ပေါ်ကဗျာ၊နီယိုမော်ဒန် နှင်.ပို.စ်မော်ဒန်ခေတ်ပြိုင်ကဗျာလမ်းမြွှာများ
                  (၂)နီယိုမော်ဒန် = ပို.စ်မော်ဒန်
                      နွယ်နီမဂွှဇင်း၊ အမှတ် (   )၊ ၂၀၁၀
               ပင်မရေစီးခေတ်ပေါ်ကဗျာရဲ. လက္ခဏာတွေနဲ.နီယိုမော်ဒန်လက္ခဏာတွေကိုနှိုင်းယှဉ်ကြည်.ရင်ဆန်.ကျင်ကွဲလွဲမှုတွေနဲ.ချဲ.ထွင်ဆန်.ကားမှုတွေကိုထင်ရှားမြင်သာနိုင်ပါလိမ်.မယ်။
               ပင်မရေစီးခေတ်ပေါ်ကနေ နီယိုမော်ဒန်ဆီအရွေ.မှာရေးဟန်အပြောင်းအလဲ(Stylistic Transformation)ဟာအရေးကြီးပါတယ်။နီယိုမော်ဒန်ရဲ.Techniqueပိုင်းဖြစ်တဲ.ရေးဟန်အပြောင်းအလဲမှာ-
(၁)စကားလုံးသုံးစွဲပုံအပြောင်းအလဲ
(၂)ပါဒ၊၀ါကျ၊သဒ္ဒါ၊အနက်အပြောင်းအလဲ
(၃)အသံနဲ.လေယူလေသိမ်းအပြောင်းအလဲ
(၄)စီစဉ်တင်ပြပုံအပြောင်းအလဲ
(၅)ဖွဲ.စည်းတည်ဆောက်ပုံအပြောင်းအလဲ
(၆)အကြောင်းအရာအပြောင်းအလဲ
(၇)ကဗျာအမြင်အပြောင်းအလဲ
(၈)အာရုံခံစားပုံအပြောင်းအလဲနဲ.
(၉)ရသအပြောင်းအလဲတွေပါဝင်ပါတယ်။

နီယိုမော်ဒန်လမ်းသွယ်များ
        
                ဒီနေ. ခေတ်ပြိုင်ကဗျာယဉ်ကျေးမှုဟာ ပင်မရေစီးခေတ်ပေါ်ကဗျာပြိုကွဲမှုနဲ.နီယိုမော်ဒန်၊ပို.စ်မော်ဒန်ကဗျာအသစ်ဖြစ်ထွန်းမှုစပ်ကြားကာလကိုဖြတ်သန်းနေပါတယ်။ခေတ်ပြိုင်မြန်မာကဗျာ(ContemporaryMyanmarPoetry)ဆိုတဲ.စကားရပ်မှာ ပင်မရေစီးခေတ်ပေါ်ကဗျာ၊နီယိုမော်ဒန်၊ပို.စ်မော်ဒန်၊ဘာသာစကားကဗျာ၊စမ်းသပ်ကဗျာ၊စကားပြေကဗျာ၊ကောလာ.ဂ်ျကဗျာနဲ.ကွန်ဆက်ချူရယ်ကဗျာ အမျိုးအစားတွေပါဝသ်ပါတယ်၊
       ခေတ်ပြိုင်ကဗျာတွေမှာ အမျိုးအစားတစ်ခုချင်းအလိုက်ကိုယ်ပိုင်အမှတ်လက္ခဏာတွေနဲ.သီးခြားဖြစ်နေတဲ.ကဗျာတွေရှိသလိုအမျိုးအစားတစ်ခုနဲ.တစ်ခုနယ်ပယ်ချင်း၊လက္ခဏာချင်းရောထွေးနေတာမျိုးလည်းရှိပါတယ်။ကာယကံရှင် ကဗျာဆရာကပို.စ်မော်ဒန်လို.ပြောပေမယ်.နီယိုမော်ဒန်ဖြစ်နေတဲ.ကဗျာတွေ၊နီယိုမော်ဒန်လို.ပြောပေမယ်.ပို.စ်မော်ဒန်ဖြစ်နေတဲ.ကဗျာတွေ၊နီယိုနဲ. ပို.စ်မော်ဒန်လက္ခဏာရောထွေးနေတဲ.ကဗျာတွေ ဒီနေ.ခေတ်ပြိုင်ကဗျာလောကမှာအများအပြားမြင်တွေ.နေရပါတယ်။
        ၂၀၀၇၊၂၀၀၈၊၂၀၀၉သုံးနှစ်တာကာလအတွင်းမှာခေတ်ပြိုင်မြန်မာကျှာယဉ်ကျေးမှုကိုဆန်းသစ်ချဲ.ထွင်လိုတဲ.၊လွတ်လပ်ကျယ်ပြန်.တဲ.ကဗျာအမြင်ရှိတဲ. ကျှာဆရာတစ်ချို.ဟာနီယိုမော်ဒန်ကဗျာတွေဆန်းသပ်ရေးသားလာခဲ.ကြပါတယ်။လူအများနားလည်အောင်အကြမ်းဖျဉ်းပြောရရင်ပင်မရေစီးခေတ်ပေါ် ကဗျာလက္ခဏာတွေကိုကျော်လွန်လာပြီး ဘာသာစကားကဗျာနဲ.ပို.စ်မော်ဒန်ကဗျာနယ်ပယ်ကို မရောက်တဲ.ကဗျာအမျိုးအစားတွေကိုနီယိုမော်ဒန်ကဗျာတွေလို. ခြုံငုံခေါ်နိုင်ပါတယ်။ဒီနေရာမှာဘာသာစကားကဗျာနဲ.ပို.စ်မော်ဒန်ကဗျာနယ်ပယ်ဆိုတာအဲဒီကဗျာဗေဒတွေနဲ.ဘာသာစကားအယူအဆ၊အနုပညာအယူအဆ၊ရသအယူအဆ၊သွင်ပြင်လက္ခဏာတွေသြဇာသက်ရောက်လွှမ်းခြုံမှုရှိတဲ.နယ်နိမိတ်ကို ဆိုလိုပါတယ်။ပင်မရေစီးခေတ်ပေါ်ကဗျာကိုကျော်လွန်လာတဲ.အပြင်ဘာသာစကားကဗျာနဲ. ပို.စ်မော်ဒန်ကျှာတွေရဲ.အရိပ်သြဇာလွှမ်းမိုးမှုကလွတ်ကင်းနေတယ်ဆိုရင် နီယိုမော်ဒန်ကျှာလို.အကြမ်းဖျဉ်းပြောနိုင်ပါတယ်။
       ခေတ်ပြိုင်မြန်မာကဗျာဆရာအချို.ရဲ.နီယိုမော်ဒန်ကဗျာတွေဟာနီယိုမော်ဒန်နောက်ခံအယူအဆနဲ. သွင်ပြင်လက္ခဏာတွေအနည်းနဲ.အများကိန်းအောင်းရောနှောပါဝင်နေတဲ. ကဗျာတွေပဲဖြစ်ပါတယ်။ပြီးခဲ.တဲ.(၃)နှစ်ကာလအတွင်းနီယိုမော်ဒန်လမ်းကြောင်းဆီဦးတည်ရွေ.လျားလာတဲ. နီယိုမော်ဒန်ကဗျာမျိုးကွဲတွေအများအပြားအသစ်ပေါ်ပေါက်ဖြစ်ထွန်းလာတာတွေ.ရပါတယ်။နီယိုမော်ဒန်ကဗျာမျိုးကွဲတွေကတော.-
(၁) ဆီမီနီယိုမော်ဒန်(Semi-Neomodern/Semineo)
(၂) နီယိုမော်ဒန်(Neomodern/Neo)
(၃) နီယိုမော်ဒန်မူကွဲ(AlternativeNeomodern/Alterneo)
(၄) စမ်းသပ်နီယိုမော်ဒန်(ExperimentalNeomodern/Experneo)
(၅) စကားပြေနီယိုမော်ဒန်(ProseNeomodern/Prosneo)
(၆) ကောလာ.ဂ်ျနီယိုမော်ဒန်(CollageNeomodern/Collaneo)
(၇) ပို.စ်နီယိုမော်ဒန်(Post+Neomodern/Poneo)
(၈) ဟိုက်ဘရစ်ဒ်နီယိုမော်ဒန် ( Hybrid Neomodern/ Hybrineo )
(၉) ကွန်ဆက်ခြူရယ် နီယိုမော်ဒန် ( Conceptual Neomodern/ Concepneo )
(၁၀) အက်ခ်စ်ပရက်ဇစ်ဗ် နီယိုမော်ဒန်( Expressive Neomodern/ Experneo)
ကဗျာအမျိုးအစားတွေပဲဖြစ်ပါတယ်။
(ရည်ညွှန်း။   နီယိုမော်ဒန် လမ်းသွယ်လမ်းမြွှာများ၊အလင်းတန်းဂျာနယ်၊၂၀၀၉)
         အဲဒီနီယိုမော်ဒန်  ကဗျာမျိုးကွဲတွေအားလုံးကို ပေါင်းစုပြီးNeomodernsလို.ခေါ်ဝေါ်သုံးစွဲနိုင်ပါတယ်။နီယိုမော်ဒန်ကဗျာအဖြစ် သတ်မှတ်ရာမှာ-
(၁)နီယိုမော်ဒန်နောက်ခံအယူအဆတွေနဲ. သွင်ပြင်လက္ခဏာတချို.ကို အခြေပြုစဉ်းစားပါတယ်။
(၂)နီယိုမော်ဒန်သွင်ပြင်လက္ခဏာတွေနဲ. တိုက်ဆိုင် ညှိနှိုင်းပါတယ်။
(၃)နီယိုမော်ဒန်ရဲ.Techniqueပိုင်း၊ရေးဟန်အပြောင်းအလဲဖြစ်/မဖြစ်အကဲဖြတ်ပါတယ်။
(၄)နီယိုမော်ဒန်မျိုးကွဲဖြစ်နိုင်ခြေ အလားအလာတွေကို မှန်းဆစဉ်းစားပါတယ်။
(၅)နီယိုမော်ဒန်ရဲ.POM ဘာသာစကားအယူအဆနဲ. တိုက်ဆိုင်ညီညွတ်မှုရှိ/မရှိ စဉ်းစားပါတယ်။
(၆)နီယိုမော်ဒန်Idelogy & Concept တွေနဲ. နီယိုမော်ဒန်အာရုံခံစားပုံ/မှု ရမရဆိုတာကိုလည်းအချက်အလက်တစ်ခု အဖြစ် ထည်.သွင်းစဉ်းစားပါတယ်။

နီယိုမော်ဒန်# ပို.စ်မော်ဒန်
     ကျွန်တော်တို.ဆီမှာ တချို.ကဗျာဆရာတွေက နီယိုမော်ဒန်နဲ.ပို.စ်မော်ဒန်ကိုကဗျာအမျိုးအစားတစ်ခုတည်းလို. ယူဆပြီးရောထွေးနားလည်ထားကြပါတယ်။

     တကယ်တမ်းက Neo နဲ. Pomo ဟာ စကားလုံးဝေါဟာရအဓိပ္ပာယ်၊ဘာသာစကားနဲ.  အနုပညာအယူအဆ၊ကဗျာဗေဒနဲ. ရသအမြင်၊အနုပညာဖန်တီးမှု သဘောထားတွေမှာလုံးဝကွဲပြားခြားနားမှုရှိပါတယ်။ဒီလိုကွဲပြားခြားနားမှုရှိနေတဲ.အကြောင်းရင်ခံ/အယူအဆတွေအပေါ်မူတည်ပြီး Neo နဲ.Pomoကိုခွဲခြားနားလည်နိုင်ပါတယ်။ကျွန်တော်.အနေနဲ.တော.  Neo နဲ. Pomo ကို Aesthetic &PoeticSensibility  နဲ. ခံစားသိမြင်ခွဲခြားနားလည်နိုင်တယ်လို. ယူဆပါတယ်။Sensibility ဆိုရာမှာအာရုံခံစားမှု၊အာရုံခံစားပုံ၊အာရုံခံစားနိုင်စွမ်းရည်  အနေအထား(၃)မျိုးလုံးအကျူံးဝင်ပါတယ်။ဒါ.အပြင်ခေတ်ပြိုင်လူမှုအကြောင်းခြင်းရာတွေပါမပါ၊ကဗျာဓာတ်ကိန်းမကိန်း ၊စာသားတွေဆီကတဆင်.ခံစားရရှိတဲ. ရသပုံစံစတဲ. အချက်အလက်တွေအပြင်ပုဂ္ဂလိကတန်ဖိုးစံနှုန်းတွေနဲ.လည်း  Neo နဲ. Pomo ကိုခွဲခြားနားလည်နိုင်ပါတယ်။

     Neo နဲ. Post ဟာ စကားလုံးဝေါဟာရ အဓိပ္ပာယ်ချင်းလည်းမတူညီပါဘူး။

     Neo ဆိုတဲ.ရှေ.ဆက်စကားလုံးကို OXFORD Advanced English Dictionaryမှာ[neo//new,modern,in  the later form]လို.အနက်ဖွင်.ပေးထားပါတယ်။

     Post ရှေ.ဆက်စကားလုံးကိုတော.Post // later than or aftersomething;လို. LONGMAN Dictionary  ofContemporary English မှာအနက်ဖွင်.ပေးထားပါတယ်။LONGMAN အဘိဓာန်ထဲမှာပဲPostmodernism//a  styleofbuilding,painting,writing etc,developed  inthe late  thatcentury,that uses amixture of old and new styles as a reaction againstMODERNISM....

     Postmodern//1.relating to  or influenced  by  Postmodernism;2.used to described styles,attitudes  etc..,thatare  typical  of thesocil life  that  is found  in many western  countries  now,in which television,video,the  buying of  goods  and services etc  are very  important;ဆိုပြီး အဓိပ္ပာယ်အကျဉ်း ဖွင်.ဆိုပေးထားပါတယ်။

     OXFORD&  LONGMAN  အဘိဓာန်နှစ်ခုလုံးမှာ Neomodern စကားလုံးအဓိပ္ပာယ်ဖွင်.ဆိုချက်မပါဝင်တဲ.အတွက် စကားလုံးဝေါဟာရအဓိပ္ပာယ်အရ Neo  နဲ.Pomo ကိုအတိအကျနှိုင်းယဉ်ပြဖို.မဖြစ်နိုင်ပါဘူး။Neo နဲ. Postရှေ.ဆက်စကားလုံးတွေရဲ. အနက်အဓိပ္ပာယ်ကွဲပြားခြားနားမှုနဲ.  Pomo အဓိပ္ပာယ်ဖွင်.ဆိုချက်တွေကိုဆက်စပ်ချဲ.ထွင်စဉ်းစားကြည်.ရင်စကားလုံးဝေါဟာရအဓိပ္ပာယ်အရ Neo နဲ. Pomo ကြားကကွဲပြားခြားနားမှုကိုနားလည်သိမြင်နိုင်မယ်လို. ယူဆပါတယ်။

    ကျွန်တော်တို.ပြောဆိုသုံးစွဲနေတဲ. Neomodernဝေါဟာရထဲက modern စကားလုံးဟာ အနောက်တိုင်းလူ.အဖွဲ.အစည်းထဲက Modern/Modernism ကိုရည်ညွှန်းပြောဆိုတာမျိုးမဟုတ်ဘူး။Neomodern ဝေါဟာရထဲက modern ဟာ ကျွန်တော်တို.ဆီမှာ၁၉၉၀ ၀န်းကျင်နောက်ပိုင်း ပင်မရေစီးခေတ်ပေါ်ကဗျာ(သို.)မော်ဒန်ကဗျာလို.ခေါ်ဝေါ်ကြတဲ.ကဗျာအမျိုးအစားကိုသာ သီးခြားရည်ညွှန်းပါတယ်။အဲဒီတော.Neomodern ဆိုတာ ပင်မရေစီးခေတ်ပေါ်ကဗျာရဲ. အာရုံခံစားပုံ၊အာရုံခံစားမှု၊ရေးဟန်နည်းစနစ်တွေကိုချဲ.ထွင်ကျော်လွန်ဖို.ကြိုးစားတဲ. ၊အသစ်ဖြစ်အောင်ပြုပြင်ပြောင်းလဲဖို.ကြိုးစားထားတဲ.ကဗျာအမျိုးအစားလို.ပဲ အဓိပ္ပာယ်ထွက်ပါတယ်။

    တပြိုင်တည်းမှာပဲနီယိုမော်ဒန်ဟာ ခေတ်ပြိုင်မြန်မာကဗျာလောကထဲက  ပို.စ်မော်ဒန်စာပေ အယူအဆတချို.နဲ. ကဗျာအနုပညာလက်ရာတွေကိုဆန်.ကျင်ဝေဖန်ရင်းက အသစ်ဖြစ်ပေါ်လာတဲ.ကဗျာအယူအဆတစ်မျိုးဖြစ်နေပြန်ပါတယ်။
   Neomodern ဟာAnti-Postmodern  Poetryအမျိုးအစားဖြစ်ပါတယ်။Anti-ရှေ.ဆက်စကားလုံးကိုopposed to /angainst / instead of ဆိုတဲ.အနက် အဓိပ္ပာယ်နဲ. သုံးစွဲတာဖြစ်ပါတယ်။ကျွန်တော်တို.ခေတ်ပြိုင်မြန်မာကဗျာနယ်ပယ်အတွင်းမှာနီယိုမော်ဒန်ဟာ ပို.စ်မော်ဒန်စာပေအယူအဆ/ကဗျာအနုပညာလက်ရာတွေနဲ. ဘယ်လိုဆန်.ကျင်ကွဲလွဲမှုရှိနေပါသလဲ။နီယိုမော်ဒန်ဟာ-

၁။ခေတ်ပြိုင်လူမှုအကြောင်းခြင်းရာ(Social Issues)တွေကို  မျက်ကွယ်ပြုခြင်းကိုဆန်.ကျင်ပါတယ်။

၂။သက်ရှိလူသားရဲ.အာရုံခံစားမှုနဲ. အသိအမြင်ထက် သက်မဲ.ဘာသာစကားသင်္ကေတအဆောက်အအုံကို ရှေ.တန်းတင်ကိုးကွယ်ဆည်းကပ်နေခြင်းကို ဆန်.ကျင်ပါတယ်။

၃။စာသားတွေကပေးတဲ. ဆိုလိုရင်း/အနက်အဓိပ္ပာယ်တွေ  ဖရိုဖရဲဖြစ်သွားတဲ.အထိ ချိုးဖျက်/ရပ်ဆိုင်း/ဟန်.တားတဲ.  Language Game ပြုလုပ်ခြင်းကိုဆန်.ကျင်ပါတယ်။

၎။စာသားအဆောက်အအုံတစ်ခုလုံးလွှမ်းခြုံကြည်.ရင် ဆိုလိုရင်းမပေါ်ဘဲအကြောင်းအရာ/အဓိပ္ပာယ်ရှုပ်ထွေးနေခြင်းကိုဆန်.ကျင်ပါတယ်။

၅။ကဗျာဖန်တီးခြင်းအယူအဆကိုလက်ခံပြီး ကဗျာပြုလုပ်ခြင်း အယူအဆကိုဆန်.ကျင်ပါတယ်။

၆။ပုံသဏ²ာန်ပိုင်းဆိုင်ရာပေါက်ကွဲမှုအစွန်းရောက်ခြင်း၊ပုံသဏ²ာန်ကို အဓိကထားလွန်းခြင်းကို  ဆန်.ကျင်ပါတယ်။

၇။စာသားအဆောက်အအုံမှန်သမျှ ကဗျာဖြစ်တယ်ဆိုတဲ.အယူအဆကို ဆန်.ကျင်ပါတယ်။

၈။ပဋိကဗျာအယူအဆ(Anti-Poetry Concept)ကို ဆန်.ကျင်ပါတယ်။ကဗျာဓာတ်(Sense  of Poetry)ကိုငြင်းဆန်ခြင်းကိုဆန်.ကျင်ပါတယ်။

၉။အာရုံခံစားမှုအနက်/အဓိပ္ပာယ်တွေကိုအဓိကမထားဘဲ  စာသားအဓိကထားခြင်းကိုဆန်.ကျင်ပါတယ်။

၁၀။အနုပညာရှင်က“ဒါ အနုပညာဖြစ်တယ်”လို.ပြောရင် အဲဒီလက်ရာဟာအနုပညာပဲဆိုတဲ.အာဏာရှင်ဆန်တဲ.အယူအမြင်ကို ဆန်.ကျင်ပါတယ်။

၁၁။စာရေးသူကဗျာဆရာကအနုပညာလက်ရာ/ကဗျာပါလို.ပြောတိုင်းမျက်လုံးစုံမှိတ်လက်မခံပါဘူး။စာသားအဆောက်အအုံတိုင်းကိုသံသယစိတ်နဲ.စစ်ဆေးပါတယ်။အနုပညာမြောက်မမြောက်၊ကဗျာဖြစ်မဖြစ်ကို ကိုယ်.အကြိုက် ၊အသိနဲ.ဆုံးဖြတ်ပါတယ်။အနုပညာလက်ရာတစ်ရပ်ကို ချဉ်းကပ်ခံစားရာမှာ ကိုယ်ပိုင်ရသဆိုင်ရာဆုံးဖြတ်ချက်(Self-Aesthetic Determination)ပြုလုပ်ခြင်းကို အလေးထားပါတယ်။

၁၂။အနုပညာလက်ရာအဆင်.အတန်းခွဲခြားခြင်းကို လက်ခံပြီး ပို.စ်မော်ဒန်တွေရဲ.အနုပညာလက်ရာအဆင်.အတန်းခွဲခြားမှုမရှိတဲ. အယူအဆကိုငြင်းဆန်ပါတယ်။

၁၃။အဓိပ္ပာယ်မရှိသောစာသားများ(Non-senseText)သုံးစွဲခြင်းကို ဆန်.ကျင်ပါတယ်။

၁၄။ခေတ်ပြိုင်လူ.အဖွဲ.အစည်းထဲကယဉ်ကျေးမှု၊ လူမှုရေးနဲ.ဆိုင်တဲ.ရုပ်ပိုင်းဆိုင်ရာဖြစ်စဉ်တွေကိုသာဝေဖန်လှောင်ပြောင်သရော်ပြီး ကဗျာအနုပညာအပေါ်လှောင်ပြောင်သရော်ခြင်းကိုဆန်.ကျင်ပါတယ်။

၁၅။အရာရာကိုရသပစ္စည်းပြုလုပ်နိုင်တယ်ဆိုတဲ.အားနည်းချက်ရှိတဲ. အယူအဆကို ဆန်.ကျင်ပါတယ်။

၁၆။လူသားအနေအထားကိုစာပေဆိုင်ရာ သဘောတရားရင်းမြစ်အားဖြင်.ဖော်ပြမှုအပေါ်သာအခြေပြုတွေးတေားမှုပြုခြင်းကို ဆန်.ကျင်ပါတယ်။

၁၇။စာရေးသူရေးသားတည်ဆောက်လိုက်တဲ. ဘာသာစကားရဲ.အပေါ်ယံအလွှာစကားလုံး၊သင်္ကေတ၊အမှတ်အသား၊အညွှန်းပြုတွေနဲ. သူတို.ကို အဓိပ္ပာယ်အနက်ဖွင်.ဆိုရာကရရှိလာတဲ. အညွှန်းခံ၊ အဓိပ္ပာယ်၊အနက်သဘောတွေထဲမှာပဲ  အာရုံစူးစိုက်နစ်ဝင်နေပြီး  ဘာသာစကားကိုဖြစ်ပေါ်စေတဲ. စာရေးသူရဲ.လိုအင်ဆန္ဒ၊အာရုံခံစားမှု၊အာရုံအတွေ.အကြုံ၊ရည်ရွယ်ချက်၊အဇ္ဈတ္တခံစားမှု၊စိတ်ကူးစိတ်သန်း၊ဘ၀အမြင်၊အာရုံသိမှုတွေကိုအလေးအနက်မပြုတဲ.စာဖတ်ခြင်းဖြစ်စဉ်သဘောထားကို ဆန်.ကျင်ပါတယ်။

၁၈။အနုပညာလက်ရာတစ်ရပ်ဖန်တီးပြုလုပ်ရာမှာ ခံစားချက်ကိုထုတ်ဖော်ပြခြင်း (Expression  of Emotion)၊ဈာန်ဝင်စားမှု(Inspiration)အနုပညာပါရမီ (Artistic Genius)၊တီထွင်စိတ်ကူးဥာဏ် (Creative Imagination)၊ပင်ကိုစွမ်းရည်(Orginality)၊လောကအမြင်(Philosophyof Artist)၊ထိုးထွင်းသိမြင်မှု(Intution)၊ရသခံစားနိုင်စွမ်းရည်(Asethetic Sensibility)အစရှိတဲ. အနုပညာအတွေ.အကြုံ(Art Experience)တွေဟာအရေးမပါဘူးဆိုတဲ. အယူအဆကို ဆန်.ကျင်ပါတယ်။

၁၉။CreationNeoaesthetic (ရသအသစ်ဖန်တီးခြင်း)နဲ.Aesthetic-shift (ရသအပြောင်းအလဲ)ကိုလက်ခံပေမယ်. Anti-aesthetic (ပဋိရသ)အယူအဆ၊အနုပညာမပါတဲ. အနုပညာအယူအဆတွေကိုဆန်.ကျင်ပါတယ်။

      နီယိုမော်ဒန်ဟာ  အထက်ပါအကြောင်းအရာ၊ပုံသဏ²ာန် ၊ဘာသာစကားအမြင် ၊ကဗျာအမြင်၊ရသအမြင်၊အနုပညာအပေါ်သဘောထားကိစ္စတွေမှာ ပို.စ်မော်ဒန်နဲ. ဆန်.ကျင်ကွဲလွဲမှုရှိပါတယ်။ဒါပေမဲ.နီယိုမော်ဒန်ဟာအတတ်ပညာ၊နည်းစနစ်နဲ. လက္ခဏာပိုင်းမှာပို.စ်မော်ဒန်နဲ.ဆင်တူယိုးမှား၊ရောနှောမှုတချို.တော.ရှိနေပါတယ်။နီယိုမော်ဒန်အနေနဲ. ပို.စ်မော်ဒန်နည်းစနစ်တချို.ကိုလိုအပ်ရင်လိုအပ်သလို ယူငင်သုံးစွဲမယ်လို. “မြန်မာခေတ်ပေါ်ကဗျာကြေညာစာတမ်းသစ် ၂၀၀၇”မှာတရားဝင်ပြောခဲ.ဖူးပါတယ်။နီယိုမော်ဒန်၇ဲ. ချည်မျှင်ဆန်သောလိုင်းများ(FibrousLines)နဲ. ပို.စ်မော်ဒန်ရဲ. အပိုင်းအစများ(Fragments)ပေါင်းစပ်ရေးဖွဲ.ခြင်းဟာ  နီယိုမော်ဒန်ကဗျာမှာ အရေးကြီးတဲ.လက္ခဏာတစ်ရပ်ဖြစ်လာပါတယ်။တချို.နီယိုမော်ဒန်ကဗျာ၊ အထူးသဖြင်. Post+ Neomodern(Poneo)ကဗျာတွေမှာနီယိုနဲ. ပို.စ်မော်ဒန် နည်းစနစ်ရောစပ်မှုဟာ ၇၀း၃၀  အချိုးလောက်ရှိပါတယ်။

      ဒီလိုနည်းစနစ်ရောထွေးမှုရှိပေမယ်.နီယိုနဲ. ပို.စ်မော်ဒန်ကို Sensibility နဲ.ခွဲခြားနားလည်နိုင်ပါတယ်။နီ.ယိုနဲ. ပို.စ်မော်ဒန်ဟာ Sensibility ချင်းမတူပါဘူး။

     နီယိုနဲ. ပို.စ်မော်ဒန်ဟာ  Sensibility ချင်းမတူရုံသာမကဘာသာစကားအယူအဆမှာ ဆန်.ကျင်ဘက် ပဋိပက္ခအသွင်ဆောင်တဲ.အထိသိသိသာသာကွဲပြားခြားနားနေပါတယ်။


နီယိုမော်ဒန်ရဲ့ ဘာသာစကား အယူအဆ


               နီယိုမော်ဒန် ဘာသာစကား အယူအဆကို မပြောခင် ဘာသာစကားနဲ့ဆိုင်တဲ့ ဇယားပုံကြမ်းကို အရင် ဖတ်ရှုကြည့်စေချင်ပါတယ်။

               ဒီဇယားကို " ဘာသာစကား အဆောက်အအုံ ပုံကြမ်း " လို့ပဲ ခပ်လွယ်လွယ် ခေါ်ဆိုနိုင်ပါတယ်။ ဒီ ပုံကြမ်းမှာ အပိုင်း (၂) ပိုင်း ပါဝင်ပါတယ်။ ဘယ်ဘက်ခြမ်းကို Under Layer of Language ဒါမှမဟုတ်　World of Reality of the Perceptions ဘယ်လိုပဲခေါ်ခေါ် ရပါတယ်။ ဇုန်တစ်ခု အနေနဲ့ သတ်မှတ်မယ် ဆိုရင်တော့ Artist / Writer's Zone ပေါ့။

              ညာဘက်ခြမ်းကတော့ Upper Layer of Language ဒါမှမဟုတ် World of Text ။ သူ့ကိုတော့ Audience / Reader's Zone လို့ ပြောနိုင်ပါတယ်။

              " ဘာသာစကားအဆောက်အအုံပုံကြမ်း " ရဲ့ အခြမ်းနှစ်ခြမ်း၊ ဇုန်နှစ်ဇုန်ကြားထဲမှာ ရှိနေတာက ဘာသာစကားမီဒီယမ် အသုံးပြုတဲ့ အနုပညာလက်ရာ/ ပစ္စည်းတွေပါ။ ဘာသာစကား အနုပညာလက်ရာ/ ပစ္စည်း မှန်သမျှဟာ ဘာသာစကားအပေါ်ယံလွှာ၊အောက်လွှာ နှစ်ခုလုံးနဲ့ ဆက်စပ်နေပါတယ်။ မျက်မြင်ပုံစံအခြေအနေအရ လိုအပ်ရင် " ဘာသာစကားအဆောက်အအုံ ပုံကြမ်း " ကို ဘယ်ညာအမြင်နဲ့ မကြည့်ဘဲ အထက်အောက် အမြင်နဲ့ ကြည့်နိုင်ပါတယ်။

              ကျွန်တော်တို့ဆီက ပို့စ်မော်ဒန်နစ်တွေဟာ ဘာသာစကားအကြောင်းပြောရင် ညာဘက်ခြမ်းက ဘာသာစကားအပေါ်ယံလွှာ၊ စာသားတွေရဲ့လောက၊ စာဖတ်သူနယ်ပယ်ထဲကနေ တရားသေရပ်တည်ရှုမြင်ပြောဆိုလေ့ ရှိပါတယ်။ ပို့စ်မော်ဒန်နစ်တွေက ဘာသာစကားရဲ့ အောက်ဘက်အလွှာ၊ အာရုံသိမြင်မှု အမှန်လောကနဲ့ စာရေးသူ အနုပညာရှင်ရဲ့နယ်ပယ်ကို ဥပေက္ခာပြုလေ့လည်း ရှိတတ်ကြပါတယ်။ ဒီအချက်က ကဗျာရေးသူ၊ အနုပညာဖန်တီးသူတွေနဲ့ ဘာသာပြန်တင်ဆက်သူတွေကြားမှာ ဆန့်ကျင်ဘက်လို အမြဲကွဲလွဲနေတဲ့ ရင်းမြစ်တစ်ခုပါပဲ။

              ပို့စ်မော်ဒန်နစ်တွေက ဘာသာစကား သင်္ကေတတွေဖြစ်တဲ့ စကားလုံး၊ဝေါဟာရ၊ အညွှန်းပြုတွေဟာ ထွေပြားမြားမြောင်တဲ့ အနက်အဓိပ္ပာယ်တွေ ဆောင်နေသလို တကယ်စစ်မှန်တဲ့ အဓိပ္ပာယ်ဆိုတာ မရှိဘူးလို့လည်း ယူဆထားပါတယ်။ သူတို့က " Sign/ Word/ Symbol/ Code/ Signifier ( S.W.S.C.S ) တွေထဲမှာ နဂိုမူလအရင်းခံအဓိပ္ပာယ်တွေ မရှိဘူး။ လူတွေက Sign/ Word တွေကို ဖတ်/ ကြည့်ပြီးတော့ အဓိပ္ပာယ်တွေ ထည့်ယူလိုက်တာ ။ အဓိပ္ပာယ်ဆိုတာ လုပ်ယူတာ၊ ထည့်ယူတာ၊ ဖန်တီးယူတာ။ အဓိပ္ပာယ်ဆိုတာ အစက မရှိဘူး။ Sign ဖြစ်တဲ့ စကားလုံးတွေ၊ Word တွေထဲမှာ ဘာ အဓိပ္ပာယ်မှ မရှိဘူး " လို့ နားလည်ယူဆထားကြပါတယ်။

             ပို့စ်မော်ဒန်နစ်တွေက " ဘာသာစကားဟာ အမှန်တရားကို ဖန်တီးတယ် " ဆိုတဲ့ အယူအဆကိုလည်း လက်ခံထားကြပါတယ်။ နီယိုမော်ဒန်အမြင်ကတော့ " ဘာသာစကားဟာ ပုဂလိကသဘောအရ အမှန်တရားလို့ ထင်မြင်ယူဆနိုင်ခြေရှိတဲ့ အရာတွေ " ကိုပဲ ဖန်တီးနိုင်တာပါ။ တကယ့် အစစ်အမှန်တရားကို ဘာသာစကားက ဖန်တီးတည်ဆောက်နိုင်ခြင်း လုံးဝ မရှိပါဘူး။ နီယိုမော်ဒန်ဟာ ဘာသာစကားရဲ့ အကြွင်းမဲ့ ပြီးပြည့်စုံတဲ့ စွမ်းဆောင်နိုင်ရည်ကို ဆန့်ကျင်ငြင်းဆန်ပါတယ်။

             ၀တ္ထုကဗျာ အက်ဆေး စတဲ့ စာပေအနုပညာလက်ရာတွေကို ဘာသာစကားမီဒီယမ်နဲ့ ဖွဲ့စည်းတည်ဆောက်ကြရပါတယ်။ ပို့စ်မော်ဒန်နစ်တွေ ပြောသလို S.W.S.C.S တွေထဲမှာ နဂိုမူလ အလိုလို ထင်ရှားနေတဲ့ အဓိပ္ပာယ်တွေ မရှိဘူးဆိုရင် အဲဒီ အယူအဆဟာ ဘာသာစကားအဆောက်အအုံပုံကြမ်းရဲ့ အပေါ်ယံလွှာကိုပဲ ကြည့်ပြောနေတာ ဖြစ်တဲ့အတွက် ရုပ်ကြမ်းဆန်တဲ့အမြင်လို့ ပြောနိုင်ပါတယ်။ ဒီအယူအဆကို အမှန်လို့ ယူဆမယ်ဆိုရင်တောင် ဘာသာစကားအောက်လွှာရဲ့ သဘောသဘာဝတွေ မပါဝင်တဲ့အတွက် တစ်ဝက်တစ်ပျက်ပဲ မှန်တဲ့ အမှန် ( ဒါမှမဟုတ် ) တစ်ဝက်တစ်ပျက်အစစ်အမှန်တရား ( Semi-Reality ) လို့ပဲ ပြောနိုင်ပါလိမ့်မယ်။

             ပို့စ်မော်ဒန်နစ်တွေ ပြောတဲ့ " အဓိပ္ပာယ် " ဆိုတာ စာသားတွေကတစ်ဆင့် ဖွင့်ဆိုထားတဲ့ အနက်အဓိပ္ပာယ်တွေကို ဆိုလိုတာပါ။ ဥပမာ- illusion/n[C] 1. false idea of believe. 2. something that a person wrongly believes to exist; an optical illusion ဆိုတဲ့ အဓိပ္ပာယ် ဖွင့်ဆိုချက်မျိုး ဖြစ်ပါတယ်။

             ဒီလို အနက်အဓိပ္ပာယ် ( Meaning & Significance ) တွေက လူသားကမ္ဘာလောကမှာ ဘာသာစကားဆိုတဲ့ သမုတိ သင်္ကေတစနစ်ကြီး တီထွင်ပေါ်ပေါက်လာပြီးမှ (လိုအပ်ချက်အရ ) ထပ်ဆင့်ဖွင့်ဆိုရှင်းလင်းနေရတဲ့ အဓိပ္ပာယ်တွေပါ။ အဲဒါတွေဟာ လူသားတွေ အာရုံ ၆ မျိုးနဲ့ တွေ့ကြုံခံစားရာက ဖြစ်ပေါ်လာတဲ့ အနက်အဓိပ္ပာယ်/ခံစားမှုတွေ မဟုတ်ပါဘူး။ စာသားတွေကတစ်ဆင့် ဖွင့်ဆိုရတဲ့ အနက်အဓိပ္ပာယ်တွေဟာ သမုတိသင်္ကေတဘာသာစကားရဲ့ အဆက်အနွယ်တွေ ဖြစ်တဲ့အတွက် သမုတိသဘော/ ပညတ်သဘော/ မစစ်မှန်တဲ့ သဘောတွေပါ။ သူတို့ ပြောတဲ့ အယူအဆတွေ မှန်တယ်လို့ သတ်မှတ်ယူဆရင်တောင် ဒါဟာ သမုတိအမှန်တရား ( Relative Truth ) ပါပဲ။ ဒါကိုပဲ သူတို့က အစစ်အမှန်တရား ( Reality ) လို့ သတ်မှတ်ခေါ်ဝေါ်နေကြတာပါ။

             အဲဒီလို အမှန်တရားမျိုးကို ပို့စ်မော်ဒန်တွေရဲ့ တစ်ဝက်တစ်ပျက်အမှန်တရားလို့ နီယိုမော်ဒန်တွေက ခေါ်ဝေါ်ပါတယ်။

P.O.M ဘာသာစကား အယူအဆ

             illusion ဆိုတဲ့ စကားလုံးမပေါ်ခင်ကတည်းက လူသားတွေမှာ illusion ဆိုတဲ့ သဘောသဘာဝ ရှိနှင့်နေပါတယ်။

             ချစ်ခြင်းမေတ္တာ၊ သေခြင်း၊ တိရစ္ဆာန်၊ လူသား၊ သစ်ပင်၊ အ၀ါရောင်၊ နှင်းဆီရနံ့၊ ချိုမြိန်မှု၊ ခါးသီးနာကျင်မှု၊ လိင်ရမ္မက်၊ ဆင်ခြင်တုံတရား၊ ဖောဌဖ္ဗာရုံ၊ အာရုံမှောက်မှားမှု၊ ရူးသွပ်ခြင်းတွေကို အင်္ဂလိပ်၊ ပြင်သစ်၊ ရုရှား၊ အာရဗီ ဘာသာစကားတွေနဲ့  ဘယ်လိုခေါ်ဝေါ်သုံးစွဲကြပါသလဲ။

             စကားလုံးဝေါဟာရအမျိုးမျိုး ၊ အရေးအသားအသွယ်သွယ် ဖြစ်ပါလိမ့်မယ်။

             ဒါပေမဲ့ အဲဒီ စကားလုံးတွေ မပေါ်ခင်ကတည်းက လူသားတွေရဲ့ အာရုံတွေထဲမှာ၊ ကမ္ဘာလောကမှာ အဲဒီလို သဘောသဘာဝတွေ ရှိနှင့်နေပါတယ်။ အဲဒီ သဘောသဘာဝတွေကို ဘာသာစကားအဆောက်အအုံပုံကြမ်းရဲ့ ဘယ်ဘက်ခြမ်းမှာ ( စကားလုံးဝေါဟာရတွေ အားဖြင့်ပဲ ) နေရာချထားပါတယ်။ ကျွန်တော် ဆိုလိုတာက ပို့စ်မော်ဒန်နစ်တွေပြောတဲ့ " စာသားတွေက တစ်ဆင့် ဖွင့်ဆိုထားတဲ့ အနက်အဓိပ္ပာယ်တွေ မဟုတ်ပါဘူး။ S.W.S.C.S ဆိုတဲ့ ဘာသာစကားသင်္ကေတတွေ မရှိခင်ကတည်းက ကြိုတင်ရှိနှင့်နေတဲ့ " တရားကိုယ်အဓိပ္ပာယ်သဘော " တွေကို ပြောချင်တာပါ။ ဥပမာ- " သေခြင်းသဘော " ဟာ သေခြင်းဆိုတဲ့ စကားလုံး မရှိခင်ကတည်းက ကမ္ဘာလောကမှ ကြိုတင်ရှိနှင့်နေတယ်။ ဒီလို မူလအခြေခံ အဓိပ္ပာယ်သဘောတွေကို Primary or Original Meaning before the Existence of Language ( P.O.M ) လို့ ခေါ်နိုင်ပါတယ်။

              P.O.M တွေဟာ ဘာသာစကားအောက်လွှာ ( Under Layer of Language ) ထဲမှာ ရှိနေပါတယ်။

              လူသားတွေရဲ့ ကမ္ဘာလောကမှာ အာရုံအတွေ့အကြုံ၊ လိုအင်ဆန္ဒ၊ ခံစားမှု၊ စိတ်ကူးထည်၊ အာရုံအသိအမြင်၊ လောကအမြင်၊ စိတ်နေသဘောထား စတဲ့ P.O.M တွေဟာ နဂိုကတည်းက ရှိနှင့်နေတယ်။ တစ်နည်းအားဖြင့် ပြောရရင် လူသား/ ဘာသာစကားအနုပညာလက်ရာ ဖန်တီးသူ ရည်ညွှန်းလိုတဲ့ အကြောင်းခြင်းရာ၊ ဆိုလိုရင်း အဓိပ္ပာယ်တွေဟာ နဂိုကတည်းက ရှိတယ်။ ဒီလို ရှိနှင့်နေပြီးတဲ့ အခြေခံအဓိပ္ပာယ်သဘော ( P.O.M) တွေကို ဘာသာစကားအားဖြင့် ပြန်လည်ဖော်ထုတ် တင်ပြတဲ့အခါ ဘာသာစကား အခြေခံယူနစ်တွေဖြစ်တဲ့ S.W.S.C.S တွေထဲမှာ နဂိုမူလအဓိပ္ပာယ်တွေ အပြည့်အ၀၊ အတိအကျ၊ မိတ္တူဆွဲ၊ ဓာတ်ပုံရိုက်သလို ပါမလာနိုင်တော့ဘူး။

              ဒါဟာ ဘာသာစကားရဲ့ အားနည်းချက်ကြောင့်ပဲ ဖြစ်ပါတယ်။

              စာရေးသူ အနုပညာရှင်က သူ ပြောဆိုရည်ညွှန်းလိုတဲ့ P.O.M တွေကို S.W.S.C.S တွေ မီဒီယမ်အဖြစ်သုံးပြီး အနုပညာလက်ရာထဲ ထည့်ပေးလိုက်တယ်။ စာဖတ်တဲ့ ဖြစ်စဉ်ဟာ အနုပညာရှင်က တည်ဆောက်ပြလိုက်တဲ့ ဘာသာစကား အဆောက်အအုံ၊ စာသားအစုအဝေးတွေကို ဖတ်ရှုပြီး သူတို့နောက်ကွယ်မှာ ပုန်းလျှိုးကွယ်ဝှက်နေတဲ့ P.O.M တွေကို အနက်ပြန်တူးဖော်ရတဲ့ ဖြစ်စဉ်ပဲ ဖြစ်ပါတယ်။

             အဲဒီအခါကျမှ ပို့စ်မော်ဒန် ဘာသာဗေဒပညာရှင်တွေ ပြောတဲ့ ဘာသာစကားစွမ်းရည်တွေ၊ ဆက်သွယ်မှုစွမ်းရည်တွေရဲ့ အခန်းကဏ္ဍကို ရောက်လာတာပါ။

 P.O.M တွေနဲ့ S.W.S.C.S တွေကြားက ဆက်နွှယ်မှု

              ပို့စ်မော်ဒန်နစ်တွေ ယူဆသလို S.W.S.C.S တွေထဲမှာ စာသားတွေကတစ်ဆင့် ဖွင့်ဆိုထားတဲ့၊ အလိုလို ထင်ရှားနေတဲ့ အနက်အဓိပ္ပာယ်တွေ မရှိဘူးဆိုရင် တစ်ဝက်တစ်ပျက် မှန်ပါတယ်။ ဒါပေမဲ့ S.W.S.C.S တွေရဲ့ နောက်ကွယ်မှာ ကဗျာဆရာ၊ စာရေးဆရာ ( လူသား ) က ရည်ညွှန်းပြောဆို ထုတ်ဖော်ပြလိုတဲ့ P.O.M တွေ ရှိနေသေးတယ်။ လူသားတွေ ဘာသာစကားကို အသုံးပြုရတဲ့ ရည်ရွယ်ချက်ကလည်း ကိုယ် ရည်ညွှန်းလိုတဲ့ P.O.M တွေကို တခြားသူ ( နားထောင်သူ / ပရိသတ် ) သိအောင် ပြောပြချင်လို့ပါပဲ။

              S.W.S.C.S ဆိုတာ P.O.M တွေကို ထုတ်ဖော်ပြောပြဖို့ လူသားတွေ တီထွင် ဖန်တီး၊ သတ်မှတ်တည်ဆောက်ထားတဲ့ ဘာသာစကားသင်္ကေတစနစ်တွေပါ။ အဲဒါတွေကို ကျွန်တော်တို့ လူသားတွေ ဖန်တီးခဲ့တာ။ ဘာသာစကားက ကျွန်တော်တို့ လူသားတွေကို ဖန်တီးခဲ့တာ မဟုတ်ဘူး။ ပို့စ်မော်ဒန်နစ်တွေ ပြောသလို ကမ္ဘာလောကကို ဘာသာစကားနဲ့ တည်ဆောက်ထားတာ မဟုတ်ဘူး။ ကမ္ဘာလောကထဲက လူသားက ဘာသာစကားကို ဖန်တီးတည်ဆောက်ယူထားတာပါ။

             P.O.M တွေကို S.W.S.C.S  တွေနဲ့ သင်္ကေတ ပြုထားတာ။

             S.W.S.C.S တွေကို အနုပညာရှင်က စာရွက်ပေါ် ချမရေးခင် သူ့စိတ်အာရုံထဲမှာ P.O.M တွေ ရှိနှင့်နေတယ်။ S.W.S.C.S တွေထဲမှာလည်း အနုပညာရှင် ဆိုလိုချင်တဲ့ P.O.M တွေ ရှိနေတယ်။ P.O.M တွေရဲ့ ရှိမှု၊ ဖြစ်မှုကို ပို့စ်မော်ဒန်နစ်တွေရဲ့ ရုပ်ကြမ်းဝါဒမျက်မှန်နဲ့ ကြည့်ရင်တော့ မြင်နိုင်မှာ မဟုတ်ပါဘူး။

             နီယိုမော်ဒန်ရဲ့ ဘာသာစကား အယူအဆအရ P.O.M တွေကို အကြောင်းရင်းခံ ဇာစ်မြစ်ပြုပြီးမှ S.W.S.C.S တွေနဲ့ Represent လုပ်ပြီး စာပေအနုပညာလက်ရာ ပစ္စည်းတွေ ဖန်တီးလိုက်တာ ဖြစ်ပါတယ်။ နီယိုမော်ဒန် အမြင်မှာ P.O.M တွေက အဓိက၊ S.W.S.C.S တွေက သာမည။ ဒီအယူအဆကြောင့်ပဲ နီယိုမော်ဒန်နစ်တွေက S.W.S.C.S တွေကို အဓိက မထားဘဲ ကဗျာဘာသာစကား နိမိတ်ပုံ သင်္ကေတတွေကို လျှော့ချပစ်ဖို့ စဉ်းစားခဲ့ကြတာပါ။ ဒီ အယူအဆကြောင့်ပဲ ဘာသာစကားအပေါ်ယံအလွှာကို ဦးစားပေး ရှေ့တန်းတင်လွန်းတဲ့၊ ရုပ်ကြမ်းဆန်လွန်းတဲ့ ပို့စ်မော်ဒန် အယူအဆတချိူ့နဲ့ L=A=N=G=U=A=G=E Poetry ကဗျာအယူအဆတချို့ကို ဆန့်ကျင်ငြင်းဆန်ဖို့ စဉ်းစားမိခဲ့ကြတာ ဖြစ်ပါတယ်။

              ဘာသာစကား အဆောက်အအုံ ပုံကြမ်းရဲ့ အလယ်ဗဟို L=A=N=G=U=A=G=E လိုင်းပေါ်မှာ အနုပညာလက်ရာ/ ပစ္စည်း ( Artwork/ Artifact ) ရှိနေပါတယ်။ ဒီ Artifact ထဲမှာ Sign/ Word/ Symbol/ Code/ Signifier ဆိုတဲ့ S.W.S.C.S တွေ ရှိနေပါတယ်။ S.W.S.C.S တွေဟာ ဘာသာစကားအဆောက်အအုံ ပုံကြမ်းရဲ့ ဘယ်ဘက်ခြမ်းက P.O.M တွေကို ကိုယ်စားပြု ဖော်ပြနေတဲ့ (a) Simile, Metaphor, Antithesis, Epigram, Hyperbole, Euphemism, Oxymoron, Irony, Pun, Metonomy စတဲ့ အလင်္ကာတန်ဆာ အသုံးအနှုန်း အမျိုးမျိုး ရှိတာ တွေ့ရပါလိမ့်မယ်။

             ( ကဗျာဘာသာစကား ကျွမ်းကျင်သူ ပညာရှင်များ လိုအပ်ပါက ဘာသာပြန်ယူကြပါ။ နီယိုမော်ဒန်မှာတော့ ကဗျာဘာသာစကားကို လျှော့ချမယ်ဆိုတဲ့ အယူအဆကြောင့် အဲဒါတွေ အရေးမကြီးပါ။ )

             S.W.S.C.S တွေကို ဘာသာဗေဒပညာရှင်( စာဖတ်ပရိသတ်) ရှုထောင့်ကနေ de-code (အဓိပ္ပာယ်ဖွင့်) လုပ်ကြည့်လိုက်ရင် Signified & Meaning တွေ ရလာပါတယ်။ ဘာသာစကားမီဒီယမ်သုံး အနုပညာလက်ရာတစ်ရပ်( အထူးသဖြင့် ကဗျာတစ်ပုဒ်) ကို အဓိပ္ပာယ်ဖွင့်ရင် အနုပညာရှင် ရည်ညွှန်းလိုတဲ့ P.O.M တွေနဲ့ ကွဲပြားခြားနား လွဲချော်နေတဲ့ အနက်အဓိပ္ပာယ်တွေ ထွက်လာတတ်ပါတယ်။ ဒီလို လွဲချော်မှုဟာ de-code ( အဓိပ္ပာယ်ဖွင့် ) ၊ re-code ( အနက်ဖွင့်) စနစ် အဆင့်နှစ်ဆင့်လုံးမှာ ဖြစ်တတ်ပါတယ်။ လွဲချော်မှု ဖြစ်ရတဲ့ အကြောင်းရင်းကတော့ ဘာသာစကားရဲ့ ဘဘာဝကိုက စကားလုံး( Word/ Signifier ) တစ်လုံးမှာ ကွဲပြားခြားနား/ ထွေပြားမြားမြောင်တဲ့ စာသားအဓိပ္ပာယ် ဖွင့်ဆိုချက် ( Textual Meaning ) တွေ ရှိနေလို့၊ ပြီးတော့ စာဖတ်သူက သူ့မှာ ရှိနှင့်နေတဲ့ အခြေခံ အသိစနစ်တွေနဲ့၊ အတ္တနောမတိနဲ့ တိုက်ဆိုင်ညှိနှိုင်းပြီး ကိုယ် လိုချင်တဲ့ အဓိပ္ပာယ်ကို ဆွဲယူတည်ဆောက် ဖန်တီးယူလိုက်လို့ပါပဲ။

            နီယိုမော်ဒန် အမြင်က စကားလုံး ဝေါဟာရ စာသားတွေဟာ ထွေပြားမြားမြောင်တဲ့ အဓိပ္ပာယ်တွေ ဆောင်နေကြပေမဲ့ အကန့်အသတ်မဲ့ သဘောမျိုး မဟုတ်ဘဲ အကန့်အသတ်ဘောင်တစ်ခု အတွင်းမှာသာ ထွေပြားမြားမြောင်နေခြင်း ဖြစ်ပါတယ်။ စကားလုံးစာသားတွေမှာ သူတို့က တစ်ဆင့် ပြန်လည်ရည်ညွှန်းနေတဲ့ ဆင့်ပွားစာသား အဓိပ္ပာယ်တွေ ရှိနေတယ်။ အဲဒီ စကားလုံး၊ စာသားတွေရဲ့ ဆင့်ပွားစာသား အနက်အဓိပ္ပာယ်တွေမှာ အကန့်အသတ်ဘောင် ရှိပါတယ်။ ကဗျာတစ်ပုဒ်မှာဆိုရင် တိုက်ရိုက်အနက်၊ ဆင့်ပွားအနက်၊ ဂယက်အနက်၊ ဆက်စပ်အနက်၊ သင်္ကေတအနက် စသဖြင့်ပေါ့။ နီယိုမော်ဒန် အမြင်အရ စကားလုံး၊ စာသားတွေကို အဓိပ္ပာယ် အနက်ဖွင့်တဲ့အခါ သူတို့က ရည်ညွှန်းပေးဆောင်နေတဲ့ အနက်အမျိုးအစားအလိုက်ပဲ အဓိပ္ပာယ် ဖွင့်ဆိုသင့်ပါတယ်။ စကားလုံး၊ စာသားတွေရဲ့ အနက်အဓိပ္ပာယ် အကန့်အသတ်ဘောင်ကို ကျော်လွန်ပြီး ကိုယ့် အတ္တနောမတိနဲ့ တိုက်ဆိုင်ညှိနှိုင်း၊ လိုရာ အနက်ဆွဲယူဖွင့်ဆိုခြင်းဟာ အတွေးခေါင်ခြင်း သက်သက်ပါပဲ။ ဒါဟာ နဂိုမူရင်းစာသားတွေက ပေးတဲ့ အနက်အဓိပ္ပာယ်တွေကို သစ္စာမစောင့်သိရာ ကျပါတယ်။ နီယိုမော်ဒန် ဘာသာစကားအမြင်က မူရင်းစာသားနဲ့ စာသားအနက်အဓိပ္ပာယ်တွေအပေါ် သစ္စာစောင့်သိရပါမယ်။

Language, Ideology & Concept, Technique & Characteristics

             နီယိုမော်ဒန်အကြောင်း ပြောကြရင် Language, Ideology & Concept , Technique ဆိုပြီး အပိုင်း ( ၃) ပိုင်း ခွဲခြားပြောမှ ပြည့်စုံနိုင်ပါလိမ့်မယ်။

              Language ပိုင်းမှာ နီယိုမော်ဒန်က ဘာသာစကားဆိုတာကို အာရုံခံစားမှု၊ အသိအမြင်၊ အတွေးအခေါ်တွေကို ထုတ်ဖော်ပြဖို့ သင်္ကေတ/ မီဒီယမ် လက်နက်တစ်မျိုးအဖြစ်ပဲ သဘောထားပါတယ်။ ကဗျာဆရာ ပြောဆိုလိုတဲ့ အနက်အဓိပ္ပာယ်တွေ ပေါ်လွင်အောင် ဖော်ပြဖို့ ဘာသာစကားကို မီဒီယမ်အဖြစ် သုံးစွဲတာ ဖြစ်ပါတယ်။ နီယိုမော်ဒန်က ဘာသာစကားရဲ့ သဘောသဘာဝတွေကို အဓိက မထားပါဘူး။ ဘာသာစကားရဲ့ ပရိယာယ် မာယာတွေထဲမှာ တ၀ဲလည်လည် ဖြစ်မနေပါဘူး။ နီယိုမော်ဒန်က ကဗျာနဲ့ အနက်အဓိပ္ပာယ်တွေကိုပဲ အာရုံစူးစိုက်ပါတယ်။ အပေါ်ယံစာသား၊ ဘာသာစကားတွေကို အာရုံစူးစိုက်အောင် မလုပ်ပါဘူး။

             ဘာသာစကားနဲ့ ပတ်သက်ရင် နီယိုမော်ဒန်က ကဗျာဆိုင်ရာ အနက်မျိုးစုံအထိ အကျယ်ပြန့်ဆုံး လက်ခံပါတယ်။ ဒါပေမဲ့ စာသားတွေက ပေးတဲ့ အနက်အဓိပ္ပာယ်တွေ ဖရိုဖရဲ အချိုးပျက်သွားတဲ့ အထိ၊ အဓိပ္ပာယ်တွေကို ချိုးဖျက်ရပ်ဆိုင်းပစ်တဲ့ ရေးသားဖန်တီးမှု အပြုအမူမျိုးကိုတော့ ရှောင်ကြဉ်ပါတယ်။ နီယိုမော်ဒန်မှာ ကဗျာဘာသာစကားထက် အရပ်သုံးဘာသာစကားကို အလေးပေးပါတယ်။ နီယိုမော်ဒန်မှာ ကဗျာဘာသာစကားရဲ့ အခန်းကဏ္ဍ မှေးမှိန်လာတယ်။ နီယိုမော်ဒန်က ဘာသာစကား စာသား အဆောက်အအုံတိုင်းကို ကဗျာလို့ အလွယ်တကူ လက်မခံပါဘူး။ သံသယစိတ်နဲ့ စစ်ဆေးပါတယ်။ နီယိုမော်ဒန်ရဲ့ အရေးကြီးတဲ့ ဘာသာစကားအယူအဆတစ်ခုက ပို့စ်မော်ဒန်နစ်တွေ ပြောသလို ကမ္ဘာလောကကို ဘာသာစကားနဲ့ တည်ဆောက်ထားတာ မဟုတ်ပါဘူး။ ကမ္ဘာလောကထဲက လူသားက ဘာသာစကားကို တည်ဆောက်ထား/နေ တာပါ။ ပြီးတော့ ကမ္ဘာလောကမှာ ဘာသာစကားနဲ့  လွတ်ကင်းနေတဲ့ ရုပ်လွန်/ ပညတ်လွန် သဘောတွေ ရှိပါတယ်။ ဒါကို သာမန်မျက်စိနဲ့ ဥာဏ်ပညာနဲ့ မမြင်နိုင်လို့သာ လူတွေ အထူးသဖြင့် ပို့စ်မော်ဒန်နစ်တွေက လက်မခံနိုင်ကြတာပါ။

             Ideology & Concept ပိုင်းကတော့ သဘောတရား အယူအဆရေးရာ ကဏ္ဍပါ။

             နီယိုမော်ဒန်က အနုပညာမြောက်မှု၊ ကဗျာဓာတ် စတဲ့ ရုပ်လွန်သဘောတွေကို ယုံကြည်ပါတယ်။ ဒါတွေက ဘာသာစကားအားဖြင့် ဖွင့်ဆိုရှင်းပြဖို့ မလွယ်ကူပေမဲ့ အနုပညာဖန်တီးမှု၊ ရသခံစားမှု အတွေ့အကြုံတွေကတစ်ဆင့် အာရုံခံစား သိရှိနိုင်တဲ့ ပုဂလိက သဘောမျိုးတွေပါ။ နီယိုမော်ဒန်က ခေတ်ကို မျက်နှာချင်းဆိုင်ထားတယ်။ ခေတ်ပြိုင်လူသားရဲ့ အာရုံခံစားမှု၊ ဘ၀အမြင်တွေကို ကဗျာထဲ ထည့်တယ်။ ခေတ်ပြိုင်လူမှုအကြောင်းခြင်းရာတွေနဲ့ လူ့အဖွဲ့အစည်းကို ဝေဖန်သုံးသပ်တယ်။ လူရဲ့ တစ်သီးပုဂလတန်ဖိုးကို ပြန်လည်ဖော်ထုတ်တယ် ဆိုပေမဲ့ လူ့အဖွဲ့အစည်းအပေါ် အမြင်ကို ပို အလေးထားတယ်။ တခြားသူတွေရဲ့ အမြင်တွေကိုလည်း ရောနှောတင်ပြပါတယ်။

             နီယိုမော်ဒန်က ရုပ်ဝတ္ထုနဲ့ နည်းပညာရဲ့ ကျေးကျွန်ဖြစ်နေတဲ့ ခေတ်သစ်လူ့အဖြစ်ကို အလေးထားရှုမြင်ပါတယ်။ နီယိုမော်ဒန်က ရုပ်ဝတ္ထု၊ နည်းပညာနဲ့ ပေါ့ပ်ယဉ်ကျေးမှုရဲ့ ဆွဲဆောင်ဖြားယောင်းမှုကြောင့် ၊ ခေတ်ပြိုင်လူသားတွေရဲ့ စိတ္တဇနာမ်တွေအပေါ် သဘောထားအမြင် ပြောင်းလဲမှုကြောင့် တန်ဖိုးနိမ့်ကျ အချိုးပျက်ယွင်းလာနေတဲ့ ချစ်ခြင်းမေတ္တာ၊ အမှန်တရား စတဲ့ တစ်ချိန်က ကြီးကျယ်မြင့်မြတ်ခမ်းနားခဲ့တဲ့ အကြောင်းအရာတွေကို လှောင်ပြောင်သရော်ပါတယ်။

            နီယိုမော်ဒန်က ဒီနေ့ ခေတ်ပြိုင်လူ့အဖွဲ့အစည်းထဲက Neomodern Sensibility တွေကို အမိအရ အာရုံဖမ်းဆုပ်ခံစားနိုင်ဖို့ ကြိုးစားပါတယ်။ ကမ္ဘာကို မျက်မှောက်ပြုထားပါတယ်။ ကဗျာအနုပညာအသစ် ဖန်တီးနိုင်ဖို့ ကြိုးစားပေမဲ့ ကဗျာစတန့် ဖြစ်မသွားအောင်တော့ သတိထားရှောင်ကြဉ်ပါတယ်။

            နီယိုမော်ဒန်မှာ ထင်ရှားမြင်သာတဲ့ အပိုင်းကတော့ Technique & Characteristics အပိုင်းပဲ ဖြစ်ပါတယ်။
         
            ဒီအပိုင်းကို နီယိုမော်ဒန် နောက်ခံအယူအဆနဲ့ သွင်ပြင်လက္ခဏာတချို့ ဆောင်းပါးမှာ အထိုက်အလျောက် ပြောဆို ဆွေးနွေးပြီးခဲ့ပါပြီ။

            နီယိုမော်ဒန်က ပင်မရေစီး ခေတ်ပေါ်ကဗျာရဲ့ နိမိတ်ပုံသင်္ကေတတွေကို လျှော့၊ အကွက်သဘောကနေ ကန့်လန့်ဖြတ် ချည်မျှင်လိုင်း ( Fibrous Lines ) တွေဆီ ရွေ့၊ Fragments+ Fibrous Text တွေ ရောနှော၊ အကြောင်းအရာစုံ တင်ပြ၊ ၀င်္က၀ုတ္တိသဘောကနေ တိုက်ရိုက်ပြောခြင်းဆီ ပြန်ရွေ့၊ ရေးဟန်အပြောင်းအလဲလုပ်ပြီး ရေးဟန် အရှင်နဲ့ သွားရာက အသစ်ဖြစ်ပေါ်လာတဲ့ ကဗျာအမျိုးအစားသစ် ဖြစ်ပါတယ်။

ခေတ်ပြိုင်မြန်မာကဗျာယဉ်ကျေးမှုရဲ့ အနာဂတ်ဟာ ကဗျာဆရာတွေ အထူးသဖြင့် မျိုးဆက်သစ် လူငယ်ကဗျာဆရာတွေရဲ့ လက်ထဲမှာပဲ ရှိပါတယ်။ ရှေ့လူတွေ လျှောက်ခဲ့တဲ့ အစဉ်အလာလမ်းကြောင်းအတိုင်း ဆက်လိုက်နေမလား၊ ကိုယ့် ဘာသာကိုယ် လမ်းသစ်ချဲ့ထွင် ရှာဖွေလျှောက်လှမ်းကြမလား၊ နိုင်ငံရပ်ခြား ကဗျာအယူအဆတွေကို မျက်လုံးရော အသိဥာဏ်ပါ စုံမှိတ်အားကိုးနေကြမလား ဆိုတဲ့ ဆုံးဖြတ်ရွေးချယ်မှုအပေါ် မူတည်ပြီး မြန်မာကဗျာယဉ်ကျေးမှုဟာ ဆုတ်ယုတ်/ရပ်တန့်/ တိုးတက်မှု ဖြစ်လာပါလိမ့်မယ်။

             အနုပညာ ဖြတ်သန်းမှု အတွေ့အကြုံ ရင့်ကျက်ခိုင်မာပြီးတဲ့ လူကြီးတွေ အနေနဲ့ လူငယ်တွေရဲ့ အသစ်ပြုပြင်ပြောင်းလဲဖို့ ကြိုးစားအားထုတ်မှုကို အသိအမှတ်ပြု နားလည်လက်ခံပေးဖို့ မေတ္တာရပ်ခံလိုပါတယ်။ လူငယ်တွေ အနေနဲ့လည်း ရှေးရိုးအစဉ်အလာတွေကို ဆန့်ကျင်တော်လှန်ပြီး လမ်းသစ်ထွင် လျှောက်လှမ်းသွားကြဖို့ တိုက်တွန်းလိုပါတယ်။

            လက်ရှိလူငယ်တွေရဲ့ ခေတ်ပြိုင်ကဗျာယဉ်ကျေးမှုကို ဆန့်ကျင်တော်လှန်မယ့် နောက်ထပ်မျိုးဆက်သစ်တစ်ခု ပေါ်ထွက်လာနိုင်လိမ့်မယ်လို့ မျှော်လင့်ပါတယ်။

ခေတ်ပြိုင်မြန်မာကဗျာလောက ဖွံ့ဖြိုးတိုးတက်နိုင်ပါစေ။

ေ အာ င် ရင် ငြိ မ်း
၁၅ မတ် ၂၀၁၀
ခေတ္တ- ရန်ကုန်