Depression တံဆိပ် မျိုးဆက်သစ် စက်ရုပ်များ ကော်ပိုရေးရှင်း နည်းပညာပစ္စည်းသစ် မိတ်ဆက်

လူကြီးမင်းတို့ မြင်ရတဲ့ အတိုင်းပဲ၊ အသက် ၂၀ ၀န်းကျင်၊ မျိုးဆက်သစ် စက်ရုပ်တွေဟာ လူသားနဲ့ ခွဲခြား မရအောင် ချွတ်စွပ် တူပါတယ်၊
အီမိုဖက်ရှင်၊ ပန့်ခ်စတိုင်လ်၊ ကိုရီးယားပုံစံ၊ ကြိုက်နှစ်သက်ရာ ဒီဇိုင်းကို ရွေးချယ်ပါ၊ လူကြီးမင်းတို့ အလိုကျ လှုပ်ရှားပေးပါလိမ့်မယ်၊ အသိဥာဏ်စနစ်မှာ လူလို့ ထင်မှတ်မှားအောင် လုပ်ထားတယ်၊ အမှန်က ကျွန်တော်တို့ ထုတ်လုပ်ထားတဲ့ စက်ရုပ်တွေ၊ မိုဒယ်လ်ဟောင်းတွေထက်IQ  & EQ Level မြင့်၊ မှတ်ဥာဏ်မှာ အချက်အလက်တွေ သိန်းသန်းချီ ထည့်သွင်းထား၊ သာမန် တက္ကသိုလ်ပညာရေး ပြီးဆုံး၊ အင်္ဂလိပ်စကား အနည်းငယ် နားလည်၊ အင်တာနက် သုံးတတ်၊ Google Search Box က တစ်ဆင့် လိုချင်တာ မှန်သမျှ ရှာဖွေ ရယူနိုင်၊ ပိုက်ဆံကိုသာ ယုံကြည်မယ်၊ ချစ်ခြင်းမေတ္တာနဲ့ ဥာဏ်ပညာကို အယုံအကြည်မရှိ၊ Depression တံဆိပ်တပ်ထားပေမယ့် Suicide တော့ မလုပ်ပါ၊ လျှာအရသာခံ ပြောရုံပဲ၊ လုပ်စရာ အလုပ်မရှိရင် ကိုယ်ပိုင် အမှတ်အသား Depression စာသားကို ပွတ်သပ်နေတတ်တယ်၊ ဈေးနှုန်း တန်ဖိုး အမျိုးမျိူး ၊ မိုဒယ်လ်အနိမ့်အမြင့် အလိုက်၊ မြန်မာငွေ ၅၀၀၀၀ိ/ မှ ၃၀၀၀၀၀ိ/ ကြား၊ ဒီငွေကြေးပမာဏနဲ့ စက်ရုပ်တစ်ရုပ် ပိုင်ဆိုင်ခွင့် ရတာ လူကြီးမင်းတို့ အတွက် ရွှေရောင် အခွင့်အလမ်း၊ ရွေးချယ်ပါ ၀ယ်ယူပါ အသုံးချပါ၊ အန္တ၇ာယ် တစ်စုံတစ်ရာ မရှိ၊ တစ်သက်တာ အာမခံ၊ နိုင်ငံရေး စိတ်မ၀င်စား၊ စက်ရုပ်ဆိုတော့ Po-Mechanism ဆိုတာ နားမလည်၊ နည်းပညာ နောက်ဆုံးပေါ်ဖက်ရှင်နဲ့ ပေါ့ပ်ယဉ်ကျေးမှုထဲ အာရုံနစ်နေအောင် အထူးတီထွင် ဖန်တီးထားပါတယ်၊ ၀ယ်ပြီး ပစ္စည်း စိတ်ကြိုက်မဖြစ်ရင် အချိန်မရွေး ပြန်လဲနိုင်၊ ဖရက်ဒရစ်နစ်ရှေးနဲ့ ချေဂွေဗားရား ၊ သမိုင်းဇာတ်လမ်းတွေ မသိတဲ့ စက်ရုပ်တစ်ရုပ်ပါ မေတ္တာလက်ဆောင် ပေးလိုက်ပါဦးမယ်၊ ၂၁ ရာစုအ၀င် နည်းပညာသစ် မိတ်ဆက်ပွဲ၊ 20 % Discount ၊ စက်ရုပ်တွေက စာဖတ်ဝါသနာပါ၊ မှတ်ဥာဏ်ထဲ ၀င်လာတဲ့ ဘာသာစကားမှန်သမျှ အသေမှတ်သား၊ ခေတ်ပေါ် ဗန်းစကားတွေ သိပေမယ့် ရှေးဟောင်းစကားလုံးတွေ မသိ၊ ကြိုးဆွဲရာ ကနေရလို့ လူကြီးမင်းကို မော့ကြည့်ဖို့ စဉ်းစားမိမှာလည်း မဟုတ်ပါ၊ တစ်ခုတော့ သတိထား၊ Philosophy ၊ Ethic ၊ Aesthetic ၊ Morality ၊ Liberal Democracy ၊ တချို့စကားလုံးတွေ ကြားရင် သူတို့ ရှော့ခ် ဖြစ်သွားတတ်တယ်၊ စက်ရုပ်တွေမှာ ပါဝါမျက်မှန် အထူကြီးတွေနဲ့၊ ခေတ်ပြိုင် လူ့အဖွဲ့အစည်းအပေါ် ဘာသာပြန်အမှား ဆော့ဖ်ဝဲနဲ့၊ အမှန်တ၇ားကို နားလည်မှု လွဲမှားစေတဲ့ ပရိုဂရမ်အသစ်နဲ့၊ ရုပ်ရှင်ဆို ဟာသဇာတ်လမ်းပဲ ကြိုက်တယ်၊ စိတ်အပန်းပြေဖို့ အချစ်သီချင်းချိုချိုီလေးတွေ၊ အာရုံဖျော်ဖြေမှုရဖို့ ရောင်စုံရုပ်ပုံလှလှ ပေါ့ပ်  Magazine တွေ၊ ဘော်ဒါတွေ ဆုံရင် လူပြိန်းကြိုက်ဘာသာစကားနဲ့ ဟေးလားဝါးလား ပြောရတာ အရသာတွေ့ပါတယ်၊ ဦးနှောက်ထဲမှာ ရုပ်ဝတ္ထုတွေကို ဘုရားသခင်လို့ အာရုံမှောက်မှားစေတဲ့ အသိစနစ်ထည့်သွင်းထား၊ လူကြီးမင်းတို့ အကျိုးစီးပွားအတွက်ပါပဲလေ၊ ကဗျာဆရာတွေရဲ့ အမြင်လား၊ ကျွန်တော်တို့ နောက်ကွယ်မှာ " အမှောင်ခေတ် ကော်ပိုရေးရှင်း " လို့ နာမည်ဖျက်နေကြတယ်၊ အဆိုးမြင်ဝါဒီတွေရဲ့ အမနာပ စကားတွေ၊ နားမယောင်ပါနဲ့၊ ဟောဒီမှာ အနာဂတ်အတွက် အထူးတီထွင်ဖန်တီးထားတဲ့ Depression တံဆိပ် မျိုးဆက်သစ်လူငယ်များ၊ တန်ဖိုးနိမ့် ၊ အရည်အသွေးမြင့်၊ ခေတ်ပေါ်ဖက်ရှင်ဒီဇိုင်းစုံ၊ ရွေးချယ်ပါ ၀ယ်ယူပါ အသုံးချပါ၊ ပိုက်ဆံသုံးနိုင်ရင် လူကြီးမင်းတို့ ရဲ့ ရင်သွေးပုံစံအတိုင်းအတိအကျ၊ မျိုးရိုးဗီဇကော်ပီကူး၊ မိတ္တူပွား၊ ကျွန်တော်တို့ဆီ အော်ဒါမှာကြားနိုင်ပါတယ်၊ အလိုရှိသလောက် အရေအတွက်။

အောင်ရင်ငြိမ်း
၂၇ ဇန်န၀ါရီ ၂၀၁၁
ရယ်စရာ Magazine ၊ ၂၀၁၁