အနာအဖျားညများထဲ တစ်ကိုယ်ရည် သွေးပျက်

   - ၁ -

                    ရှင်ကွဲဆိုတာ သေကွဲရဲ့အနက်အဓိပ္ပာယ်ကို နားဝင်ချိုအောင် မွမ်းမံထားတဲ့စကားလုံးပဲ။
                    အမှောင်ညတွေနဲ့ကိုယ်ပဲ အခွံသက်သက် ကျန်ရစ်ခဲ့ရတယ်။

                                                                   - ၂ -

မျှော်လင့်ထားတဲ့ကံဆိုးမိုးမှောင်ကျမှုတွေဟာ မျှော်လင့်ထားတာထက်စောပြီး လူတစ်ယောက်ဆီ
ရောက်ရှိလာတဲ့အခါ . . .။သူငယ်ချင်းရေ...နောင်ရဲရေ...ငါ့နည်းငါ့ဟန်နဲ့ငါ ရူးရူးသွပ်သွပ်ယုံကြည်တဲ့
ချစ်ခြင်းသစ္စာနဲ့ ငါ့ကဗျာတွေကြောင့်သာ ငါ ယိုင်လဲမသွားခဲ့တာပေါ့။အချစ်က အသည်းကွဲသီချင်းကို
သီဆိုခိုင်းဖို့ ငါ့ဆီရောက်လာခဲ့။စောင်၊အင်္ကျီအ၀တ်အစားအသစ်တွေနဲ့သွားတိုက်ဆေး၊သွားတိုက်
တံတွေ ကိုယ့်အတွက် မလိုအပ်ပါဘူးကလေး။ကိုယ် အမှန်တကယ်လိုအပ်နေတာက မင်းပဲ။အရိုးထဲထိ
စိုက်ဝင်သွားအောင် အေးစက်တုန်ယင်နေတဲ့ဆောင်းညတွေမှာ စောင်တစ်ထည်ကို အငမ်းမရ တမ်းတ
မိသလိုမျိုး၊လူကြားသူကြား သွားလာတဲ့အခါ သစ်လွင်လတ်ဆတ်တဲ့အ၀တ်အစားတွေ လိုအပ်သလိုမျိုး၊
နောက်ဆုံး...ကိုယ် နေ့စဉ်သုံးနေရတဲ့အသေးအဖွဲပစ္စည်းလေးတွေကို ထိတွေ့ကိုင်တွယ်ဖို့ လိုအပ်သလို
မျိုးပေါ့။မင်းကို ကိုယ် အဲဒီလို လိုအပ်ခဲ့တာပါကလေးရာ။မင်း သိပြီးသားအဲဒီစကားကိုပဲ ထပ်တလဲလဲ
ပြောနေမိတာကိုက ကိုယ့်ရူးသွပ်မှုရဲ့လက္ခဏာတစ်ရပ်ပါပဲ။
                 ကိုယ့်ကို ရုပ်ဝတ္ထု၊ငွေကြေးနဲ့အစားအသောက်တွေ ဘာတစ်ခုမှ မပေးပါနဲ့။ယသော်ဓရာနံ့သင်းတဲ့
မင်းရဲ့ရင်ညွန့်ဖူးဖူးပေါ်မှာ ကိုယ့်ကို ခဏလေးပဲ သိပ်ပါ။မင်းရဲ့စလင်းဘက်(ဂ်)ထဲ ကိုယ့်ကို ခွေခေါက်ထိုးထည့်ပြီး
မင်းသွားလေရာ ခေါ်ဆောင်ပါ။သူငယ်ချင်းမိုဃ်းဇက်သော်ရေ....တစ်ဆိုင်လုံးမှာမှ ငါတို့စားပွဲဝိုင်းတစ်ဝိုင်းတည်းပဲ
နေရိုင်းဟာ အလျှံညီးညီး စွဲလောင်နေတယ်။ငါတို့စားပွဲဝိုင်းမှာမှ ငါတို့နှစ်ယောက်တည်းကိုပဲ နေမိုက်က
ရမ်းရမ်းကားကား တိုက်ခိုက်တယ်။မိုက်ခနဲ မူးဝေ...နားထင်တွေရဲ့အတွင်းဘက်နံရံကနေ အပ်အချောင်းပေါင်းများစွာ
တစွပ်စွပ် ထိုးစိုက်နေတာ ငါ ခံရတယ်။
                  ကိုယ့်ကို တစ်ယောက်တည်း မထားခဲ့ပါနဲ့။ရှည်လျားထွေပြားလွန်းတဲ့ လောကတောကြီးမျက်မည်းထဲမှာ
မရင့်ကျက်သေးသူကိုယ့်ကို တစ်ယောက်တည်း ခုတ်လှဲမထားခဲ့ပါနဲ့ကလေးရယ်။စိုးရိမ်ကြောက်ရွံ့မှုတွေနဲ့ အမြဲတမ်း
လန့်လန့်ဖျားတတ်တဲ့ကိုယ့်ကို မာသာထရီဆာတံဆိပ်လက်ချောင်းလေးတွေနဲ့ ဆုပ်ကိုင်အားပေးဖို့ မင်း ဘာကြောင့်
နှမြောတွန့်ဆုတ်နေရတာလဲကလေးရဲ့....။
                  နောင်ရဲရေ....သူငယ်ချင်းရေ....ကျေးဇူးပြုပြီး ငါ့ကို ကိုယ်ချင်းမစာပါနဲ့ကွာ။သွေးထွက်လွန်ဆက်ထုံးတွေနဲ့
ငါ့ညတွေ အက်အက်လာ....။

                                                            
                                                                             - ၃ -


                            နားလည်ရခက်တယ်ဆိုတာ ဘ၀တစ်ခုလုံး တစ်စစီပြိုကွဲစေတာပါပဲ။သူငယ်ချင်းနောင်ရဲ ... ဒါဟာ ရန်ကုန်။
ငါတို့ဘ၀အခြေအနေတွေနဲ့ သွေးဝေးလွန်းတဲ့မဟာရန်ကုန်ပေါ့။ချစ်ခြင်းမေတ္တာမှာ ငါတို့ ဘယ်လောက်ပဲ ရိုးသားတမ်းမက်စွာ
နစ်ဝင်တွယ်ကပ်နေပါစေ၊အဲဒီရိုးသားမှုမှာ ငါတို့တွေ အောင်ပွဲခံရဖို့ဆိုတာ မသေချာဘူး။ဘ၀မှာ ကိုယ် လူပီသခဲ့ပါတယ်ကလေး။
ကိုယ့်ကိုယ်ကို အိမ်စောင့်ခွေးတစ်ကောင်လို သဘောထားပြီး လက်ဆောင်ပေးခဲ့တာကိုတောင် ရွံ့ရှာစက်ဆုပ်စွာ အငြင်းပယ်ခံခဲ့
ရတာအတွက်ရော၊နောက်ပြီး ဖရိုဖရဲဆန်လွန်းတဲ့ခြောက်ခြားဖွယ်အတိ ကိုယ့်အထီးကျန်သိမ်ငယ်မှုတွေဆီ မညည်းမညူ မင်း
အရောက်လာခဲ့ပေးတဲ့အတွက်ရော ကိုယ် ဘာကိုမှ ငြင်းပယ်နိုင်စွမ်းမရှိခဲ့ပါဘူး။
                    တစ်နေ့နေ့တစ်ချိန်ချိန်မှာ ဖျပ်ခနဲ ပွင့်လာလိမ့်နိုးနိုးပေါ့။ဖန်တစ်ရာတေနေတဲ့စကားလုံးနဲ့ ပြောရရင် ရင်ထဲမှာ
တိတ်တိတ်ဆိတ်ဆိတ် ပျိုးခဲ့တဲ့ပန်းကလေးပါပဲ။ရုတ်တရက် ယန္တရားအတောင်ပံတွေ ဖြန့်ကားထွက်လာ။ကျွန်တော့်ရင်နံရံတွေကို
ရိုက်ချိုးထိုးခွဲ။ကျွန်တော့်စိတ်နဲ့တောင် ထိစမ်းလို့မမိနိုင်တဲ့အရပ်ဆီ ပြေးထွက်ပျံသန်းသွားခဲ့တယ်။
                     ရင်ကွဲနာဆိုတာ အဲဒါလား။ကိုယ့်အသက်ကို နှုတ်ယူမယ့်ဓားဦးလှည့်ရာ ရင်ဖွင့်ပြီး အပြေးလာခဲ့တာမျိုးလေ။
အပြောင်အပြက်စကားလေးတစ်ခွန်းမှာတောင် ရင်လုံးကျွတ်အောင် နင့်နင့်နဲနဲ စူးရှခဲ့ရသူပါကလေးရဲ့....။
                     ကိုယ့်ကို ခေါင်းမော့အောင် အသက်သွင်းပြီး လည်မြိုကို တစ်ချက်တည်းပိုင်းချလိုက်ပါတော့ကွာ။ကိုယ့်ကြေကွဲမှုတွေ
အိုင်ထွန်းပြီး ကိုယ့်သွေးအိုင်ထဲကိုယ် ပေါလောမျောပုပ်ပွနေရတော့မယ်။စိမ်းကားပြတ်သားမှုဆိုတာ အဲဒီလောက်တောင် ထက်ရှနေမယ်
ရယ်လို့ ကိုယ် တစ်ခါမှ မတွေးခဲ့ဖူးတာဝန်ခံပါရစေ။

                                                                - ၄ -

                   ကိုယ်တို့ မကာရရာသီဖွားတွေက ဒီအတိုင်းပဲလား။စိတ်ထိခိုက်လွယ်တယ်။အစွဲအလန်းကြီးတယ်။အနုပညာကို အသက်နဲ့ရင်းပြီး
တန်ဖိုးထားမယ်။အကျအရှုံးများမယ်။တစ်ဘ၀လုံးစာ အခိုက်ဓာတ်တွေ အစီးအနင်းခံရမယ်။ကိုယ်ဟာ မင်းမျက်တောင်လေးတွေရဲ့ပရိသတ်တစ်
ယောက်ပါ။မင်းမျက်နှာမှာ ရေးသားထားတဲ့မင်းမျက်ဝန်းဘာသာစကားကို ကိုယ် အမြဲတမ်း ဖွင့်ဖတ်ချင်နေတော့တာပဲ။ကိုယ်ဟာ မင်းပါးပြင်လေး
တွေပေါ်က အနမ်းတစ်ပွင့်ပါ။ကိုယ့်ဘ၀ဟာ မင်းခြေမင်းလက်ပါ။ကိုယ်ကိုယ်တိုင်ကလည်း မင်းစိတ်ရဲ့အစေအပါးပဲ မဟုတ်လားကလေးရဲ့...။

                                                               - ၅ -

      နားထဲမှာ နျူကလိယဓာတ်ပေါင်းဖိုတစ်ထောင် ပေါက်ကွဲသံတွေ ထစ်ချုန်း။မျက်လုံးကို အပူဆုံးသံခဲသံချွန်တွေ အရှိန်ပြင်းပြင်း
ထိုးစိုက်မွှေနှောက်နေတယ်။ကျွန်တော့်ဦးခေါင်းဟာ ကျွန်တော့်ခန္ဓာကိုယ်ပေါ်ကနေ ပြတ်ကျလွင့်စင်လုမတတ်....။အသိဥာဏ်နဲ့ဆင်ခြင်တုံတရား
နှစ်ခုစလုံး ကန်းခဲ့တယ်။


                                                             - ၆ -

                                                      ကလေးရေ . . .
                                                      ကလေးရေ . . .
                                                      ကလေးရေ . . .

                                                           - ၇ -

                               တကယ်တမ်း လက်ညှိုးထိုးကြစတမ်းဆိုရင် အပြစ်ရှိသူက ကိုယ်ရယ်ပါ။မင်းရင်ခွင်ထောင်တံတိုင်းထဲမှာ တစ်သက်တစ်ကျွန်း
ကျခံပစ်လိုက်ချင်တဲ့စိတ်နဲ့ အချစ်မှာ ကိုယ် ကံဇာတာနိမ့်ခဲ့တယ်။ချစ်ခြင်းမှာ ကိုယ်ဟာ ကြယ်တွေကိုမော့ကြည့်ရင်း အမှောင်ကျခဲ့တယ်။
                              တကယ်တော့ ကိုယ်ဟာ မျက်စိသူငယ်နားသူငယ်ကလေးလေးတစ်ယောက်ပါကလေးရယ်။ရန်ကုန်မြို့ရဲ့လမ်းမတွေပေါ်မှာ
နှစ်ယောက်အတူ လမ်းလျှောက်ရင်း၊တွေ့ရာကြုံရာလက်ဘက်ရည်ဆိုင်တွေထဲ အထိအရှတွေကို မေ့လျော့ပြီး တစ်ယောက်မျက်ဝန်းထဲ တစ်ယောက်အား
ငယ်စိတ်တွေ ပုန်းခိုရင်း၊အပြန်ညတွေဆီ ကိုက်ခဲနေတဲ့ရောဂါပိုးမွှားတွေကို နှစ်ဦးသဘောတူ ကုစားရင်း ခွဲခွာသွားမယ်လို့ အကြိမ်ကြိမ်သတိပေးခဲ့တဲ့
မင်းရဲ့စကားတွေကို ကိုယ် စူးစူးဝါးဝါး မေ့ပစ်လိုက်မိတယ်။
                               အခုတော့...ဝေးခဲ့ကြရပေါ့။ဘယ်မလဲ...။သူငယ်ချင်းနောင်ရဲရေ...မိုဃ်းဇက်သော်ရေ....
ငါ့ရင်ကို အကြည့်တွေနဲ့ ဓားပေါက်ကျင့်ခဲ့တဲ့မျက်ဝန်းစူးစူးလေးတွေ ဘယ်မလဲ။သူ စိတ်ပါတိုင်း ငါ့ပုခုံးကို မှေးမှီခဲ့ဖူးတဲ့
မှော်ဆံနွယ်တွေ ဘယ်မလဲ။ငါကိုယ်တိုင် မနာလိုဖြစ်ခဲ့ဖူးတဲ့ ရှည်လျားသေးသွယ်လက်ချောင်းဖြူနုလေးတွေ ဘယ်မလဲ။

                                ကိုယ် သွေးလန့်လိုက်တာ...။ကိုယ် ဆောက်တည်ရာမဲ့လိုက်တာကလေးရယ်။

                               တကယ်တမ်းဆိုရင်တော့ အခုလိုအချိန်မျိုးမှာ ကိုယ် ရောက်ရှိနေသင့်တဲ့နေရာဟာ
အရက်ဆိုင်ပဲ။အကိုကဗျာဆရာတွေနဲ့အတူပေါ့။အရက်တွေ တစ်ခွက်ပြီးတစ်ခွက် သောက်မယ်။
ရီဝေလာမယ်။ယိမ်းထိုးမျောလွင့်လာမယ်။မင်းကို ပြောခွင့်မသာတဲ့စကားတွေအတွက် မင်းကိုရည်ညွှန်းပြီး
အကိုတွေကို စကားတွေပြောရမယ်။
                            ကျွန်တော် ကလေးကို စွန်လွှတ်ရမယ်မှန်းသိရက်နဲ့ ရူးရူးသွပ်သွပ် ချစ်မိသွားတာပါ။
ကျွန်တော့်အသိဥာဏ်က ကျွန်တော့်ကို ချွန်းမအုပ်နိုင်တော့ဘူး။
အခုတော့ ကျွန်တော့်ဘေးမှာ သူမရှိနိုင်တော့ဘူးပေါ့။ကျွန်တော်ကိုယ်တိုင်ကလည်း သူ့ကို ချစ်နေရတဲ့ဒဏ်ကို
မခံနိုင်လို့ သူနဲ့ဝေးရာ ပြေးထွက်နေခဲ့မိတယ်။
                            ကိုယ် အရက်မသောက်ဖြစ်တော့ပါဘူးကလေးရယ်။
ဘာကြောင့်မသောက်တော့တာလဲဆိုတဲ့အကြောင်းပြချက်ကို မင်းသိပြီးသားမို့ ထူးထွေပြီးပြောမပြချင်တော့ဘူး။

                                                          - ၈ -

                            ကိုယ် စကားတွေ အများကြီး မပြောချင်တော့ဘူး။လူတွေက ကြောက်စရာကြီးပါကလေးရာ။
ကိုယ် သိပ်ချစ်တဲ့မင်းကိုတောင် ကိုယ် ကြောက်နေခဲ့ရင်ကိုယ် သိပ်ကြောက်နေတဲ့လူတွေဆိုရင် ကိုယ် ဘယ်လောက်
ကြောက်နေလိမ့်မလဲ။ကိုယ့်ကဗျာစာသားတွေကို မင်းစကားလုပ်ပြီး ကိုယ့်ကို ပြောပါ။အခု မင်းသူငယ်ချင်းတွေ
အပျင်းပြေဖို့ မင်း ပြောပြနေတဲ့ပုံပြင်ဟာ ကိုယ် ဖြစ်ပါရစေ။ဒဏ်ရာတစ်ခုကို ဆွဲနှုတ်ဖို့ နောက်ဒဏ်ရာတစ်ခုနဲ့သပ်လျှိုထားရတယ်။
အဲဒါအမှန်တရားဖြစ်နေရင်လည်း ကိုယ့်အတွက် နာကျင်စရာဆိုရင်တော့ ဘယ်သူမဆို
အသံကုန်အော်ဟစ်ငြင်းဆန်မိမှာပဲ။ကိုယ့်ကဗျာကို မင်း ဖတ်ပါ။တနင့်တပိုး ဖတ်ပါ။သေလုမျောပါး ဖတ်ပါ။
ဘ၀ဆက်တိုင်း ကိုယ်နဲ့ပြန်မဆုံချင်တော့လောက်အောင် စိစိညက်ညက်ကြေအောင် ဖတ်ပါ။
မင်းဟာ လူသားစင်စစ်တစ်ယောက်ဆိုတာ ဘယ်တော့မှ မမေ့လိုက်နဲ့။ဘယ်လောက် ရဲတင်းပွင့်လင်းနေပါစေ...၊
ရှက်စရာရှိရင် ရှက်တတ်တဲ့မိန်းမတစ်ယောက်က မချစ်တတ်ဘူးဆိုတာ ညာတာကွဲ့...။

                                                                - ၉ -

                            ကမ္ဘာ့အညံ့ဆုံးကဗျာဆရာတစ်ယောက်နဲ့ သူကိုယ်တိုင် နတ်ဘုရားမတစ်ပါးအဖြစ် ယုံကြည်သက်ဝင်ခဲ့တဲ့ချစ်သူဟာ
ဘယ်လိုဂါထာမန္တာန်တွေကို ရေရွတ်လို့မှ မဆုံစည်းနိုင်တော့ဘူးလား။တွယ်တာမှုဟာ အသားစိုင်ထဲ တွယ်ချိတ်ထားတဲ့အပ်ချိတ်တစ်ချောင်း။
နာနာကျင်ကျင် ခိုင်မြဲတယ်။

                             အချစ်ဆိုတာ ငရဲပန်းတစ်ပွင့်ပါကလေးရယ်။              ။

                           ဒီညလည်း ကိုယ် အိပ်လို့မရဘူး။နောက်ညတွေလည်း ကိုယ် အိပ်လို့ရတော့မှာမဟုတ်ဘူး။
ရုတ်တရက် ကိုယ် ဖွာရှိုက်နေတဲ့ဆေးလိပ်မီးပွားတွေက ကိုယ့်တစ်ကိုယ်လုံးကို ခုန်အုပ်နေကြတယ်။ချောင်းတွေ
တဟွတ်ဟွတ် ဆိုးတယ်။အဆက်မပြတ်ပဲ။
                         သူငယ်ချင်းနောင်ရဲရေ....ငါ့ခန္ဓာကိုယ်က ပန်းထွက်လာတဲ့သွေးစသွေးနတွေဟာ ညထဲမှာ လျှံကျနေတယ်။
သူကိုယ်တိုင် ဖျားနာနေတဲ့ညဟာ သေလူတစ်ယောက်ကို မငြင်းဆန်သေးတာဟာ ကြံကြံဖန်ဖန် ဖြေသိမ့်စရာတစ်ခုလား။

                      ကိုယ် မပျော်ပါဘူးကလေးရယ် . . .။             ။


                                                           - ၁၀ -

                    မင်းသိပ်ကြိုက်တဲ့သီချင်းတစ်ပုဒ်ကို ဆိုညည်းသလိုမျိုး ကိုယ့်နာမည်ကို တိုးတိုးညင်းညင်းလေး ခေါ်ပါကလေး။
လူကိုယ်တိုင် အရောက်လာခွင့်မရှိတော့တဲ့အခါ မင်းအသံကို ကြားခွင့်ရဖို့ ကိုယ့်နားရွက်တွေကို သင်တုံးဓားနဲ့လှီးဖြတ်ပြီး မင်းဆီ
အရောက်ပို့လိုက်မယ်။
                    အမှောင်ညတွေနဲ့ကိုယ်ပဲ အခွံသက်သက် ကျန်ခဲ့ရတာပါကလေးရယ်။

                                                        - ၁၁ -

                                                 ကလေးရေ . . .
                                                 ကလေးရေ . . .
                                                 ကလေးရေ . . .
                                                 ..................................................
                                                 ..................................................
                                                 ..................................................


                                                                                                                                           ကိုသျှား
                                                                                                                           4th,5th Jan,2013 (A.D)