အာရုံနောက်လာတဲ့ အစိတ်အပိုင်းများ

တစ်ကစ သုညမှာဆုံးဖို့ ပိုင်ဆိုင်မှုအကုန်လုံးကို လွှတ်ချလိုက် အာရုံကပ်မရတဲ့ ကိုယ့်ဗီဇကို သူများမြစ်ထဲမှာ ပက်လက်မျှောချလိုက်ရမှာ နှမြောစရာ သူ့မျက်နှာသူ အရေပြားပေါ်ပြန်အုပ်လိုက်တဲ့ညက ခံစားမှုအသစ်တွေကို ဆာလောင်အော်ညည်းတယ် ငွေစက္ကူရဲ့တန်ခိုးက အသိဥာဏ်တွေကိုဖုံးလိုက်တာ money made everything ဆိုပဲ လောလောဆယ် အမေ့ဈေးခြင်းတောင်းလေးက ဂလိုဘယ်လိုက်ဇေးရှင်းခေတ်မှာ မျက်တွင်းဟောက်ပက်ဖြစ်နေတယ် လူသားရဲ့ရှင်သန်မှု သီအိုရီမှာ သဘာဝအတိုင်းနေထိုင်ဖို့ အစစအရာရာဟာ ဈေးနှုမြင့်တက်နေကြောင်း အသားအရေချင်းထိတွေ့ဆက်ဆံမှုများဟာ စတော့ခ်ရှယ်ယာဈေးကွက်မှာ ထိပ်ဆုံးဖြစ်နေကြောင်း ဒဿနိကဗေဒအတိုင်း ကိုယ့်ရဲ့ဖြစ်တည်မှုမှာ ပုံစံမဲ့ဖန်တီးလိုက်တာတွေက အတိုင်းသား ကြွရောက်လာတဲ့ လူကြီးမင်းများခင်ဗျာ ဟန်ဆောင်မှုတွေထိုင်နေတဲ့ကဖီးမှ ကြိုဆိုပါတယ် ချောင်းမြောင်းလုပ်ကြံခံရတဲ့ သစ္စာတရားကတော့ ချောင်တစ်ချောင်မှာ မျက်လုံးလေးကလယ်ကလယ်နဲ့ လူသားဆန်ဆန်နေဖို့ မကောက်ကျစ်ရင်မရတော့ဘူးလား ကိုယ်က အရှိန်ယူပြီးတော့မှ တစ်ကွက်ချင်းနင်းနေရတဲ့ နယ်ရုပ်တစ်ကောင် ကိုယ့်ကိုကြားခံဆက်ဆံရေးအဖြစ် အသုံးပြုပေးပါ ဝယ်မစားနိုင်တဲ့ စားစရာတွေများလာတော့ လူ့အခွင့်အရေးဆိုတာက တစ်ခုခုများမှားနေလား ပျို့တက်လာတဲ့ ရုန့်ရင်းကြမ်းတမ်းမှုတွေကို ထွေးထုတ်မိတော့မယ် အာဏာရှင်တွေကြီးစိုးတဲ့ကာလဆိုတာ တစ်သက်စာစားမကုန်အောင် ဖြစ်ထွန်းလို့ အရေခြုံထားတဲ့ခေတ်က ကိုယ်ကျင့်တရားဟောပြောပွဲကို ဥပဒေအတိုင်းကျင်းပမတဲ့ ကြာလာတဲ့အချိန်နဲ့အမျှ ဆင်ခြင်တုံတရားဟာ သူ့အလိုလိုကြွေကျသွားတယ် အဆိပ်ပင်ရေလောင်းဖို့ ခင်ဗျားလက် ခဏလောက်ငှားပါ အာသာပြေသုံးဆောင်ဖို့ ကျွန်တော့်အတွက် မုသားပါတဲ့လျှာတစ်ခု ပေးပါ အညောင်းမိနေတဲ့ ယဉ်ကျေးမှုမှာ ဆယ်နှစ်တာပျော်ဝင်ကြည့်လိုက်တယ် ပုပ်အဲ့နေတဲ့စိတ်တွေကို အပ်ဖျားတစ်ထောက်လောက်နဲ့ စမ်းသပ်ကြည့်တယ် ခန္ဓာကိုယ်ထဲမှာ ပွိုင်စင်တွေတစ်ပုံတစ်ခေါင်းနဲ့ ခပ်ပါးပါးလေးပဲမှုတ်ထုတ်လိုက် ညှီနံ့တွေလှိုင်နေတဲ့ tobacco free zone ကြီးရှိနေတယ် စစ်ပြီးလို့မြှားကုန်လိုက်တာ အကောင်းမြင်သမားက ဘုကြည့်ကြည့်တယ် အဆိုးမြင်သမားက နှာခေါင်းရှုံ့သွားတယ် ပစ္စုပ္ပန်တည့်တည့်ကြည့်ဖို့ ဘာဝါဒီတွေပြပြီး စည်းရုံးမရမလဲ ကိုယ့်ရဲ့ခံစားချက် အပိုင်းအစတွေကိုပဲ တစ်စစီဆွဲဖြဲလိုက်မှ မျိုးတူဆင့်ပွားပြဿနာတွေသာ ထွက်လာတယ် အခုတလော အာရုံတော်တော်နောက်နေတယ်..။

ကျော်ဦး (လှိုင်)