လူငယ်ကဗျာဆရာ ရဲမြင့်သူ၊ အောင်သက်နှင်း၊ ကဗျာဆရာမ သစ္စာခတို့နဲ့ အွန်လိုင်းလူငယ်ကဗျာစကားဝိုင်း

လွန်ခဲ့တဲ့ ၃ နှစ်လောက်က TeenMagazine က အယ်ဒီတာ ဆရာမျိုးမြင့်ညိမ်းက တောင်းဆိုလို့ခေတ်ပြိုင်လူငယ်ကဗျာဆရာများနဲ့ ကဗျာဒိုင်ယာလော့ဂ်ဆိုတဲ့ ခေါင်းစဉ်နဲ့ကဗျာစကားဝိုင်းအစီအစဉ်ကို ကျွန်တော် ပြုလုပ်ခဲ့ဖူးပါတယ်။ ပရင့်တ်မီဒီယာက ကဗျာဆရာစိုးမင်းအောင်၊ မင်းသက်ဇဉ်၊ သူရနီ၊ ဇော်လူစိမ်း၊ လင်းသဏ်ညီ၊ မြတ်ဝေတို့ အုပ်စုနဲ့အွန်လိုင်းက ဥက္ကာကိုကို၊ နေ့သစ်၊ ရုပ်သေး၊ သူရသ၀ါ၊ ယုန်ယုန်တို့ အုပ်စုတွေနဲ့အင်တာဗျူးလုပ်ပြီးမှ ကဗျာစကားဝိုင်းပုံစံ Presentation ပြန်ပြောင်းပြီးပုံနှိပ်မီဒီယာပေါ် တင်ဖြစ်ခဲ့တာပါ။

အဲဒီလို လူငယ်ကဗျာစကားဝိုင်းတွေဆက်လုပ်ပေးဖို့ လူငယ်တချို့က တောင်းဆိုခဲ့ပေမဲ့ ကျွန်တော်က အလုပ်တွေ များနေတာရယ်၊စိတ်အာရုံ တိမ်းညွတ်မှု ပြတ်တောက်နေတာရယ်ကြောင့် ဆက်မလုပ်ဖြစ်ဘဲ ရပ်တန့်နေခဲ့ပါတယ်။

အခုတော့အွန်လိုင်းလူငယ်ကဗျာစကားဝိုင်းကို ပြန် အသက်သွင်းဖို့ စဉ်းစားစီစဉ်လိုက်ပါတယ်။
အွန်လိုင်း လူငယ်ကဗျာစကားဝိုင်း အစီအစဉ်တွေကို fb နဲ့ www.neomodernmyanmarpoetry.blogspot.com မှာ Note& Post တင်ပေးသွားပါ့မယ်။ အွန်လိုင်းတင်ပြီးမှ Faces Magazine
မဂ္ဂဇင်း မှာ  2013 August Issue မှ စတင်ပြီး လစဉ် အလှည့်ကျပုံနှိပ်ဖော်ပြသွားဖို့ စီစဉ်ထားပါတယ်။
အွန်လိုင်းက  တခြားလူငယ်ကဗျာဆရာတွေ အနေနဲ့လည်း ဒီ လူငယ်ကဗျာစကားဝိုင်း အစီအစဉ်ကို စိတ်ဝင်စားကြမယ်ဆိုရင်( ဘယ်သူမဆို/ ကျားမ လိင်ခွဲခြားမှု မရှိ)  မေးခွန်းတွေကို ဖြေဆိုပြီး ကျွန်တော့်ဆီ Tag ပေးနိုင်ပါတယ်။ အမေးအဖြေတွေအပေါ် မူတည်ပြီး အွန်လိုင်းကဗျာစကားဝိုင်း အစီအစဉ်မှာ ထည့်သွင်းဖော်ပြသွားဖို့၊ ပရင့်တ်မီဒီယာမှာ ဆက်လက် ထည့်သွင်းဖော်ပြသွားဖို့ စီစဉ်ထားပါတယ်။


အောင်ရင်ငြိမ်း။          ။ အောင်ချိမ့်အစ မိုဃ်းဇော် အဆုံး ပင်မရေစီး ခေတ်ပေါ်ကဗျာခေတ်တုန်းက အနုပညာသြဇာနဲ့ ၀ါသမ္ဘာ တည်ဆောက်နိုင်ခဲ့ကြတဲ့ ၀ါရင့်ကဗျာဆရာ အများစု အနေနဲ့ ခေတ်နဲ့အညီ ကဗျာရေးဟန်အသစ်တွေ

ဆက် မဖန်တီးနိုင်တော့ဘဲ
ခေတ်ပေါ်ကဗျာအဟောင်းထဲမှာပဲ ရပ်တန့်ကျန်နေခဲ့ကြပြီလို့ ကိုယ် ထင်တယ်။ အာရုံခံစားပုံ လတ်ဆတ်ပြီး လူငယ်ဆန်တဲ့ နေမျိုး၊ ပိုင်၊ မောင်ဆေးရိုး၊ မင်းဆွေနှစ်၊ နိုင်မွန်အောင်သွင်၊ ခရမ်းပြာထက်လူ၊
ခိုင်မြဲကျော်စွာ၊ မောင်ဖီလာ၊ ကိုရွေး သူတို့ကတော့ ခြွင်းချက်ပေါ့လေ။ ကဲ လူငယ်တွေရဲ့ အမြင်ကို ပြောပါဦး။
ရဲမြင့်သူ။          ။ ဟံလင်း တို့ နဲ့ ပြီးခဲ့တဲ့ တနင်္ဂနွေနေ့ က လက်ဖက်ရည်ဆိုင်ထိုင်ရင်း အဲ့အကြောင်းပြောဖြစ်ခဲ့ကြတယ်။ ဦးအောင်ချိမ့် တို့ ဦးလှိုင် တို့ ဦးချောနွယ် တို့ လို ကဗျာရေးသူမျိုးဆက်တစ်ခုလုံး တည်ဆောက်ခဲ့တဲ့ ခေတ်ပေါ်ကဗျာလမ်းကြောင်း ကြောင့် ကြီးမားတဲ့အရွေ့ တစ်ခု ဖြစ်ပေါ်ခဲ့တယ်ဆိုတာ ငြင်းမရနိုင်ပါဘူး ။ ဒီမေးခွန်းကို ဟံလင်းစကားနဲ့ ပဲ ဖြေပါရစေ။ သူတို့ မျိုးဆက်ဟာ တာဝန်ကျေတယ်ဆိုတာထက်တောင် ပိုခဲ့ပါပြီ ။

အောင်သက်နှင်း။          ။ဘယ်ခေတ်ဘယ်အခါမှာမဆို အသစ်ကိုရူးသွပ်တဲ့သူတွေရှိသလို အဟောင်းကိုမှ ဖက်တွယ်နေတဲ့သူတွေလည်းရှိပါတယ်။ အသစ်ကိုလည်းလက်မခံ၊ အဟောင်းကိုလည်းမကြိုက်ဆိုတဲ့ ဘေးထိုင်ဘုပြောတွေလည်းရှိသေး။ဝါရင့်ကဗျာဆရာတွေဟာ သူ့ခေတ်နဲ့သူ ပုံစံတစ်ခုတည်ဆောက်နိုင်ခဲ့ကြပေမယ့် အခုအခါ ခေတ်ရဲ့တိုးတက်မှုတွေ၊ပြောင်းလဲမှုတွေ၊ လူငယ်တွေကြားဖြစ်ပေါ်နေတဲ့ လူမှုရေးစံနှုန်းကျိုးပျက်မှုတွေကို မသိကြတော့ပါဘူး။ဒါကြောင့် သူတို့အာရုံခံစားမှုကလည်း ဟောင်းနွမ်းပြီး နောက်ထပ်ရေးနည်းအသစ်တွေ မတည်ဆောက်၊မဖန်တီးနိုင်ကြတော့ ဘူးလို့မြင်ပါတယ်။ တချို့ အခုလိုက်ရေးနေတဲ့ကဗျာတွေကတော့ မယ်ဒလင်ကြီးနဲ့ ရောခ့်သီချင်းဆိုနေသလိုပဲ။

သစ္စာခ။          ။ ဟောင်းတယ်သစ်တယ်ဆိုတာထက် သူ့ခေတ်ကိုယ့်ခေတ်ပေါ့ဆရာ။ အခု ကိုယ်တွေ နီယိုမှနီယိုဖြစ်နေပေမယ့်လည်း နောက် ဆယ်စုနှစ်တွေကြာလာရင် ဘယ်လိုကဗျာအမျိုးအစားတွေလွှမ်းမိုးလာမလဲ မပြောနိုင်ဘူးလေ။ ခေတ်ကတော့ ရှေ့ကိုဆက်သွားနေမှာပဲ။ ကဗျာတွေကလည်း ခေတ်ရဲ့နောက်ကအရိပ်လိုကပ်ပါနေမှာပါပဲ။ 

အောင်ရင်ငြိမ်း။          ။ ညီလေး/ ညီမလေး တို့က ၂၀၁၀ အလွန်မှာ ထွက်ပေါ်လာတဲ့ နောက်ဆုံး မျိုးဆက်သစ် လူငယ်ကဗျာဆရာတွေပေ့ါ။ ခေတ်ပြိုင်မြန်မာကဗျာရဲ့ အနာဂတ်အလားအလာက ညီလေးတို့ ရဲ့ အနုပညာ ဖန်တီးမှုအပေါ်မှာ မူတည်နေပြီ။ ခေတ်ပြိုင်မြန်မာကဗျာယဉ်ကျေးမှု အသစ်ဟာလည်း ညီလေးတို့ လက်ထဲ ရောက်နေပြီလို့ ကိုယ် ယူဆတယ်။ ဒါပေမဲ့ လူငယ်ကဗျာဆရာတွေနဲ့ လူမှုရေးနဲ့ အနုပညာ ထိတွေ့ဆက်ဆံမှု သိပ်မရှိတဲ့ ၀ါရင့်ကဗျာဆရာတွေက နောက်ဆုံး မျိုးဆက်သစ် လူငယ်တွေ ပေါ်ထွက်နေပြီဆိုတာ သတိမထားမိကြသေးဘူး။ တချို့ ကဗျာဆရာတွေအယ်ဒီတာတွေကျတော့လည်း သတိထားမိပေမဲ့ လူငယ်တွေကို အသိအမှတ်ပြု တန်ဖိုးထား နေရာပေးဖို့ ၀န်လေးတွန့်ဆုတ်နေကြသေးတယ်။ သူတို့ကို ဘာပြောချင်လဲ။

ရဲမြင့်သူ။          ။ ခေတ်ပြိုင်မြန်မာကဗျာရဲ့ အနာဂတ်အလားအလာကအခုခေတ် ကဗျာရေးသူမျိုးဆက်ရဲ့ လက်ပေါ်မှာရှိသလို သူတို့ လက်ပေါ်ကနေလဲ လွတ်ကျကွဲ သွားနိုင်ပါတယ် ။ လူငယ်တွေကို အသိအမှတ်ပြု တန်ဖိုးထား နေရာပေးဖို့ ၀န်လေးတွန့်ဆုတ်နေကြသေးတာ မျိုးဆက်အကူးအပြောင်းတိုင်းမှာ ဖြစ်တတ်ပါတယ် ။ ဒါဟာ ကဗျာလူ့ အဖွဲ့ အစည်းတိုင်းမှာတင် မကပဲ ဘယ်လူ့ အဖွဲ့ အစည်းမဆို ဖြစ်တတ်တဲ့ ကိစ္စပါ။ ဒါပေမယ့်လဲ လူငယ်တွေအတွက်လဲ အဲ့တာဟာ အတားအဆီးတစ်ခုလို့ မယူဆစေချင်ပါဘူး။ ဒါဟာ တွန်းအားတစ်ခုပဲဖြစ်သင့်ပါတယ်။ နောက်ပီး ဖြစ်နိုင်ချေနောက်တစ်ခုက အသိအမှတ်ပြုခံရလောက်တဲ့ အရည်အသွေးမရှိသေးတာကြောင့်လဲ ဖြစ်နိုင်ပါသေးတယ်

အောင်သက်နှင်း။          ။ မြန်မာကဗျာရဲ့အနာဂတ်အလားအလာက ကျွန်တော်တို့အနုပညာဖန်တီးမှုပေါ်မှာ မူတည်နေတယ်ဆိုတာထက်မူတည်တယ်(နေမပါ)လို့ ခံယူထားရင်ကောင်းမယ်လို့ ကျွန်တော်မြင်တယ်။ ကဗျာယဉ်ကျေးမှုဆိုရာမှာယဉ်ကျေးမှုနဲ့ အစဉ်အလာခွဲမြင်ဖို့လိုပါတယ်။ အစဉ်အလာအားကြီးမားခဲ့တဲ့ ခေတ်ပေါ်ကဗျာကြီးကိုမှအမှန်တရားတစ်ခုအဖြစ် အသေအလဲဆုပ်ကိုင်ဖက်တွယ်ထားမယ်၊ အဲဒါကိုပဲ အဆင့်မြှင့်တင်နေမယ်ဆိုရင်တော့ကဗျာယဉ်ကျေးမှုအသစ်က ပေါ်ပေါက်လာမှာမဟုတ်တော့ဘူး။ ကဗျာအစဉ်အလာကြီးတစ်ခုပဲပေါ်လာမှာ။ ပြောရရင်ကားကို ဆေးအသစ်မှုတ် ထားလိုက်သလိုပဲဖြစ်နေမှာ။ မိတ်ကပ်လိမ်းကဗျာအစဉ်အလာကြီးပေါ့ဗျာ။အချို့ဝါရင့်ကဗျာဆရာတွေက နောက်ဆုံး မျိုးဆက်သစ်ကဗျာဆရာ တွေပေါ်ထွက်နေတာကို မသိကြသေးတာထက်သိနေတဲ့သူတွေက အသိအမှတ်ပြု တန်ဖိုး ထားမှုမရှိတာက ရှော့ခ်ပဲ။ အဓိကအချက်ကတော့ ကဗျာအာဏာရှင်ဆန်နေတယ်လို့မြင်မိတယ်။သူ့ခေတ် သူ့အခါအရ ကဗျာဆရာအသစ်တွေ ပေါ်ထွက်နေဦးမှာပဲ။ လက်မခံနိုင်ရင်လည်း မတတ်နိုင်ပါ။သူတို့လက်မခံနိုင်လည်း သမိုင်းမှာတော့ရှိခဲ့တယ်ဆိုတာ နောက်လူတွေကို လိမ်လို့မရဘူး။ပြောချင်တာကတော့ ကမ္ဘာလောကထဲကို ကျွန်တော်တို့ထက်စောစောစီးစီးရောက်လို့ကဗျာဆရာစောစောစီးစီးဖြစ်နေတာကို မနာလိုစရာ မရှိသလို ကဗျာဆရာအရင်ဖြစ်လာလို့ဝါရင့်သမ္ဘာရင့်ကွလို့ အပြောမျိုးလာပြောရင်တော့ ကျွန်တော်ပြန်ပြောမိမှာကခင်ဗျားတို့အသက်အရွယ်ရောက်ရင် ကျွန်တော်လည်းပြောလို့ရတာပဲဆိုတာပါ။ ဒါပေမယ့်အဲဒီစကားကို ဘယ်တော့ မှ ပြောမှာမဟုတ်သလို ပြောတဲ့သူကိုလည်းအထင်ကြီးလေးစားနေမှာမဟုတ်ပါဘူး။

သစ္စာခ။          ။ မြွေဟောက်ဆိုမှတော့ ငယ်ငယ်ကြီးကြီး အဆိပ်ရှိတာချည်းပေါ့ဆရာ။ အခါအခွင့်မတိုက်ဆိုင်သေးခင်တော့ မျက်စိလျှမ်းပြီး သတိမမူမိတာမျိုးလည်းဖြစ်ကောင်းဖြစ်နိုင်ပါတယ်။ အခြေအနေအချိန်အခါအပေါ်မူတည်ပြီး ပါးပျဉ်းထောင်ပြနိုင်တဲ့အခါမျိုးမှသာ မြွေဟောက်ဖြစ်ကြောင်းအသိအမှတ်ပြုခံရမှာဆိုတော့ ကျွန်တော်တို့လူငယ်တွေဘက်ကသာ အချိန်ကောင်းအခါကောင်းကို စောင့်ရင်း အနုပညာဝမ်းစာပြည့်အောင် ဖြည့်ထားကြရုံပေါ့ဗျာ။

အောင်ရင်ငြိမ်း။          ။ လက်ရှိ အခြေအနေအရ ၂၀၁၀ အလွန် ခေတ်ပြိုင်မြန်မာကဗျာ အခင်းအကျင်းမှာ ပင်မရေစီးခေတ်ပေါ်ကဗျာအပြင် အယ်လ်ပီ ၊ နီယိုမော်ဒန်၊ ကွန်ဆက်ခြူရယ်၊ စမ်းသပ်၊ စကားပြေကဗျာ၊ ဖလာ့ဖ် စသဖြင့် ကဗျာအမျိုးအစားသစ်တွေ အယူအဆတွေ အမျိုးမျိုး ရှိနေကြတယ်။ အဲဒီ ကဗျာအယူအဆ/ အနုပညာ လက်ရာတွေအပေါ် လူငယ်တွေရဲ့ အမြင်။

ရဲမြင့်သူ။          ။ အယ်လ်ပီ ၊ နီယိုမော်ဒန်၊ ကွန်ဆက်ခြူရယ်၊ စမ်းသပ်၊ စကားပြေကဗျာ၊ ဖလာ့ဖ် အစရှိတဲ့ ကဗျာအမျိုးအစားအားလုံးကို ရှင်သန်စေချင်ပါတယ် ။ နောက်ပီး အမျိုးအစားတစ်ခုနဲ့ တစ်ခု ဝေဖန်ဆန်းစစ်တာတွေ လုပ်တာကိုတော့ သဘောကျမိပေမယ့် လူပုဂ္ဂိုလ်ရေးတိုက်ခိုက်မှုတွေကိုတော့ ကျတော်တို့ မျိုးဆက်အနေနဲ့ သဘောမတွေ့ မိဘူး။ ဝေဖန်ရေး နဲ့ ပုတ်ခတ်ပြောဆိုတာ တော့ ခွဲခြားသိမြင်သင့်တယ် ။ နောက်ပီး စာဖတ်သူတွေဖက်ကကြည့်ရင်လဲ ကဗျာရေးတဲ့သူတွေဟာ အချင်းချင်းတိုက်ခိုက်နေကြတာပါလားလို့ မြင်သွားရင်လဲ ဘယ်ကောင်းပါ့မလဲ။ ကျတော်တို့ မျိုးဆက်မှာတော့ အဲ့လိုမျိုးတွေနည်းနိုင်သမျှနည်းချင်တယ်။ ကဗျာအယူအဆတွေအားလုံး ကဗျာရေးသူတွေအားလုံး ငြိမ်းချမ်းစွာယှဉ်တွဲနေထိုင်စေချင်မိတယ်။

အောင်သက်နှင်း။          ။ အယူအဆများတာ ကောင်းပါတယ်။အဲဒါမှ အမြင်များများပွင့်ပြီး အမြင်ကျယ်လာမှာပေါ့။ ကဗျာအမျိုးအစားများများစုံတော့ ဖတ်ရတာ ပိုကောင်းတယ်။ ဒါပေမယ့် ခေတ်အခြေအနေအရ မလိုအပ်ဘဲအယူအဆအသစ်တွေရှိ ပါတယ်ဆိုပြီး အတင်းထိုးထည့် မိတ်ဆက်နေတာမျိုးကတော့သိပ်မမိုက်ဘူးလို့ထင်တယ်။ ဥပမာအနေနဲ့ဆိုရင်တော့ လယ်လုပ်နေတဲ့လယ်သမားတစ်ယောက်ကိုပန်းသီးကွန်ပြူတာက ဘယ်လိုသုံးလို့ကောင်းတာလို့ သွားကြော်ငြာနေ သလိုဖြစ်မယ်။ ကိုယ်သိတာ၊တတ်တာ ခေတ်နဲ့အံဝင်ဂွင်ကျဖြစ်သလားဆိုတာ ချိန်ရမှာပေါ့။ ဒါမှဂရုမစိုက်ဘူးဆိုရင်လည်း ကိုယ်လုပ်ချင်ရာလုပ်ပေါ့။ တားစရာအကြောင်းမရှိပါ။

သစ္စာခ။          ။ အမျိုးအစား/အယူအဆတွေ ဘယ်လောက်ကွဲပြားကွဲပြား ကဗျာဟာ ကဗျာပါပဲဆရာ။ ကျွန်တော်တို့ဟာ တစ်လှေတည်းစီး တစ်ခရီးတည်းသွားကြသူတွေပါ။ သူ့အနုပညာ ကိုယ့်အနုပညာကို အပြန်အလှန် လေးစားတန်ဖိုးထားကြရမှာပါပဲ။


အောင်ရင်ငြိမ်း။            ။အဲဒီ ခေတ်ပြိုင်ကဗျာတွေထဲက တစ်ဦးချင်းစီ အာရုံတိမ်းညွတ်မှု ရှိတဲ့ ကဗျာအမျိုးအစား။ အဲဒီ ကဗျာဗေဒအပေါ် နားလည်ခံယူထားပုံ အနှစ်ချုပ်။ တကယ်လို့ လူငယ်တွေ လက်ရှိရေးနေတဲ့ ကဗျာအနုပညာလက်ရာ တွေကို ဖန်တီးသူကိုယ်တိုင် အမှတ်တံဆိပ်တစ်ခုခု ခွဲခြားပြောပြပါ။ ကိုယ့် အနုပညာကိုယ် တခြားသူတွေနဲ့ ကွဲပြားခြားနားအောင် ပြောပါလို့ မေးရင် ဘယ်လိုဖြေကြမလဲ။ တချို့ ကဗျာဆရာတွေ/ ကဗျာဖတ်သူတွေကတော့ ကဗျာအနုပညာကို အမည်အမှတ်တံဆိပ်တွေ တပ်တာ

အပေါ်ယံ ကိစ္စတွေပဲလို့ ယူဆပြီး နှစ်သက်လက်ခံမှု မရှိကြဘူး။ ကိုယ့် အမြင်ပြောရရင် ကဗျာကိုယ်တိုင်ကိုက
တခြား အနုပညာ အမျိုးအစားတွေနဲ့ ကွဲပြားခြားနားနေတဲ့ စာပေပုံသဏ္ဍာန်တစ်မျိုးပဲလေ။ အဲဒါကြောင့် မေးတာပါ။


ရဲမြင့်သူ။          ။ ကဗျာအနုပညာကို အမည်အမှတ်တံဆိပ်တွေ တပ်တာ
အပေါ်ယံ ကိစ္စလို့ ကျတော်မမြင်ပါဘူး ။ ကဗျာဗေဒ တစ်ခုအောက်ဝင်တာကြိုက်နှစ်သက်တဲ့သူလဲ ရှိသလို ၊ မကြိုက်နှစ်သက်တဲ့သူလဲ ရှိနိုင်ပါတယ်။ ဒါပေမယ့် ကိုယ်ကိုင်စွဲထားတဲ့ ကဗျာဗေဒဟာ ကဗျာရေးခြင်းအနုပညာကို လိုအပ်တာထက်ပို လွှမ်းမိုးဖို့ တော့မသင့်လှဘူးလို့ ကျတော့်ကိုယ်ကျတော်အမြဲပြောဖြစ်ပါတယ်။

အောင်သက်နှင်း။          ။ လောလောဆယ်ကြိုက်တဲ့ကဗျာအမျိုးအစားကတော့ နီယိုမော်ဒန်ပဲ။ လူငယ်ဆိုတာအသစ်ကိုကြိုက်တယ်။ ဒါက ကျွန်တော့် ကိုယ်ပိုင်အယူအဆပါ။ windows xp ပေါ်ရင် WindowsXp သုံးမယ်။ Windows 7 ပေါ်ရင် Windows 7 သုံးမယ်။ အခြေအနေအရ windows xp သုံးရင်လည်းသုံးရမှာပဲ။ ဒါပေမယ့် အမြဲသုံးမှာကတော့ အသစ်ပေါ်တာပဲ။ အယူအဆအတွေးအခေါ်တစ်ခုဟာ အတွေ့အကြုံတွေပေါ်မှာစဉ်းစားဆင်ခြင်ပြီး တည်ဆောက်ယူရတယ်လို့ သိပါတယ်။ ဒါကလည်း ကျွန်တော့်တစ်ယောက်တည်းအမြင်ပါ။အတွေ့အကြုံများ လေလေ အယူအဆတစ်ခုက ခိုင်မာလေလေပါပဲ။ အတွေ့အကြုံဆိုရာမှာ ကာယကံမြောက်အတွေ့အကြုံနဲ့ တွေးခေါ်မှုဆိုင်ရာအတွေ့အကြုံကို ဆိုလိုပါတယ်။ အဲဒီလိုပဲ နီယိုမော်ဒန်ဟာ ကာယကံမြောက်နဲ့ တွေးခေါ်မှုဆိုင်ရာအတွေ့အကြုံတွေပေါ်မှာအခြေခံပြီးတည်ဆောက်ထားတာလို့မြင်မိတယ်။ ပြောရရင် မြန်မာပြည်ထုတ် ပစ္စည်းတစ်မျိုးပေါ့။(အကြမ်းဆန်တယ်လို့ပြောပြော)နိုင်ငံခြားက တိုက်ရိုက် တင်သွင်းလာတဲ့အတွေးအခေါ်လောက်ကောင်းချင်မှကောင်းမယ်။ ကိုယ့်ဆီမှာတော့အဆင်ပြေနေတာပဲ။ ဒီနေရာမှာ တစ်ခုလောက်ပြောချင်တာက ထင်းခုတ်တဲ့ဓါးမကို နိုင်ငံခြားကမှာပြီးဘယ်သူမှမ၀ယ်ပါဘူး။ နိုင်ငံခြားသံ ပစ္စည်းတွေပေါ်မှာပဲအခြေခံပြီး ကိုယ့်နည်းကိုယ့်ဟန်နဲ့အဆင်ပြေအောင်လုပ်ထားတာပဲ။ နီယိုမှာလည်း အချို့နိုင်ငံ ခြားအတွေးအခေါ် လွှမ်မိုးမှုရှိကောင်းရှိမယ်။အဆင်ပြေရင်ပြီးတာပဲ။ ကဗျာကို တံဆိပ်ကပ်တာကတော့ရှိနေမှာပဲ။ ရှိသင့်တယ်လို့မြင်တယ်။ ဒါမှမဟုတ်ရင် ၀လုံးရေးလည်း ကဗျာဖြစ်နေ တော့မှာပေါ့။ဒါပေမယ့် ကဗျာရေးသူ၊ ဆရာက ကိုယ့်ကဗျာ ဘာအမျိုးအစားလဲသိဖို့တော့လိုတာပေါ့။ မြင်းစီးပြီးအထီး၊အမ မသိရင် ရှက်စရာအကောင်းသား။

သစ္စာခ။          ။ အခုလတ်တလောကျွန်တော်စိတ်ညွတ်နေတာကတော့ နီယိုပေါ့ဆရာ။ ဒီဘက်ရက်မှာကျွန်တော်ရေးဖြစ်တဲ့ကဗျာတွေဟာ နီယိုရဲ့လွှမ်းမိုးမှုအောက်ကို တဖြည်းဖြည်းရောက်လာတယ်လို့ ကိုယ့်ကိုယ်ကိုမြင်တယ်။ ဒါပေမယ့်ရေးဖြစ်သမျှအလုံးစုံဟာ နီယိုမော်ဒန်တွေပါလို့တော့ တံဆိပ်ကပ်မရပြန်ဘူးဆရာ။ လတ်တလောဖြစ်ပေါ်နေတဲ့ စိတ်ခံစားမှုအရ ရေးဖြစ်တဲ့ကဗျာဟာ မော်ဒန်ဆန်ချင်ဆန်နေမယ်။ ပို့စ်မော်ဒန်ဆန်ချင်ဆန်နေမယ်။ ဒီ့အတွက် ကျွန်တော်ဟာဘယ်ခေါင်းစဉ်အောက်ကကဗျာရေးသူပါလို့တော့ ကိုယ့်ကိုယ်ကို တံဆိပ်မတပ်နိုင်ပါဘူး။ စာဖတ်သူတစ်ယောက်အနေနဲ့ဆိုရင်တော့ ကဗျာအမျိုးအစားတိုင်းကို ဖတ်ဖြစ်ပါတယ်။

အောင်ရင်ငြိမ်း။            ။ လူငယ်တွေ အနေနဲ့ ကဗျာအနုပညာ လက်ရာတစ်ခုကို ဘယ်လို အတွေးအခေါ် ဘယ်လို အာရုံခံစားပုံ ဘယ်လို အတတ်ပညာပိုင်း နည်းစနစ်ပိုင်းတွေနဲ့ ရေးသားဖန်တီးနေကြသလဲ။ ကဗျာရေးသားခြင်းရဲ့ နောက်ကွယ်မှာ ဘယ်လို နောက်ခံ အယူအဆနဲ့ ခံယူ ယုံကြည်ချက်တွေ ရှိနေကြသလဲ။

ရဲမြင့်သူ။          ။ ကျတော့်အနေနဲ့ တော့ ကဗျာကိုဘယ်လိုရေးသလဲဆိုတာ ပြောပြရ အခက်ခဲဆုံးအရာပဲ ဗျ ။
အနုပညာသည် ပြည်သူ့ အတွက်
Sorry
အနုပညာသည် ပြည်သူ့ အတွက် ၊ အနုပညာဟာ အနုပညာအတွက် ၊ အနုပညာသည် ဘာအတွက်မှ မဟုတ် ဆိုတဲ့ အဆို၃ ခုအောက်မှာ အငြင်းမပွားလိုပါ ။

အောင်သက်နှင်း။          ။ ပြင်းထန်တဲ့အာရုံခံစားမှုအပေါ်မှာမူတည်ပြီး ကဗျာတစ်ပုဒ်ကိုရေးပါတယ်။အတွေးအခေါ်ပိုင်းဆိုင်ရာကတော့ နည်းနည်း ပြောဖို့ခက်နေတယ်။ နည်းစနစ်အနေနဲ့ ကိုယ် ကဗျာတစ်ပုဒ်မရေးခင်ဘယ်နည်းစနစ်(နီယို၊ မော်ဒန်၊ လေးလုံးစပ် စသည်ဖြင့်)နဲ့ ရေးမယ်ဆိုတာ စဉ်းစားပါတယ်။ အတတ်ပညာကတော့အာရုံခံစားမှုနောက်ကလိုက်နေ တယ်လို့ အခိုင်အမာယူဆတယ်။ ပွင့်ပွင့်လင်းလင်းဝန်ခံရရင် နည်းစနစ်၊အတတ်ပညာပိုင်းဆိုင်ရာမှာ ကျွမ်းကျင်မှု မရှိပါဘူး။ နည်းစနစ်ပိုင်းကဲသွားရင် ကဗျာက သချာင်္ပုစ္ဆာတစ်ခုလိုပဲ။လုံးဝကို မခံစားတတ်ပါ။

နောက်ခံအယူအဆကတော့လူမှုဝန်းကျင်မှာ စံနှုန်းတွေပြိုလဲနေတာ၊ ချစ်ခြင်းမေတ္တာပျောက်ဆုံးနေတာ၊ စနစ်တွေ ရွေ့နေတာကိုသိအောင် ပြောပြချင်တာပါ။ သိအောင်ရေးမယ် သိလည်းသိလာမယ်လို့ ခံယူထားတယ်။ ဒါပေမယ့် ကဗျာစာသားတွေကကဗျာဆရာကို ကိုယ်စားမပြုဘူးဆိုတာ လူတွေမသိကြတာ သိပ်ဝမ်းနည်းစရာကောင်းတဲ့အချက်ပဲ။

သစ္စာခ။          ။ ကျွန်တော်အတွက်ကတော့ ကဗျာတစ်ပုဒ်ဟာ စိတ်ထွက်ပေါက်တစ်ခုပဲဆရာ။ မျက်စိနဲ့ခလုတ်တိုက်မိလာတဲ့ ခေတ်ရဲ့အကြောင်းအရာတွေ၊ လူ့ပတ်ဝန်းကျင်အပေါ်/ကိုယ့်ပတ်ဝန်းကျင်အပေါ် စိတ်အချဉ်ပေါက်မှုတွေ အရာအားလုံးကို ကဗျာထဲထည့်ဖောက်ခွဲပစ်တယ်။ အတတ်ပညာ၊ နည်းစနစ်ဆိုတာထက် ကိုယ်ကိုယ်တိုင်ရော စာဖတ်သူအတွက်ပါအဆင်ပြေစေမယ့် စကားလုံးတွေ၊ စကားစုတွေကိုရွေးသုံးပါတယ်။ ကိုယ်ရေးတဲ့ကဗျာတစ်ပုဒ်ဟာ ကိုယ့်စိတ်ထဲကဖောက်ခွဲ/ပေါက်ကွဲချင်တဲ့ Limit ပြည့်ပြီဆိုမှ Public မှာ ချပြတယ်။ ကဗျာတစ်ပုဒ်ဟာ တစ်ပတ်ကြာချင်ကြာမယ်၊ တစ်လကြာချင်ကြာမယ်။ ကိုယ့်ကဗျာကို ကိုယ်ပြန်ဖတ်ကြည့်လို့မှသဘောမကျခင် Public ကိုချပြခြင်းဟာ ကဗျာဖတ်သူုကို မလေးမစားပြုရာရောက်တယ်လို့ ခံယူထားတယ်ဆရာ။


အောင်ရင်ငြိမ်း။          ။ မြန်မာနိုင်ငံက ကွန်ဆက်ခြူရယ်၊ အယ်လ်ပီ စသဖြင့်နဲ့ ပို့စ်မော်ဒန် ပထမမျိုးဆက် စာပေအယူအဆတွေကို လက်ခံယုံကြည်တဲ့ ကဗျာဆရာတွေမှာ ကဗျာဆရာရဲ့ တစ်သီးပုဂ္ဂလအာရုံခံစားမှုကို အဓိကမထားတဲ့၊ ခေတ်စနစ်လူမှုဝန်းကျင်ရဲ့ အကြောင်းအရာ အဖြစ်အပျက်တွေကို မျက်ကွယ်ပြုချင်တဲ့ အယူအဆမျိုးတွေ ရှိနေကြတယ်။ တကယ်တော့ အဲဒီ အယူအဆတွေက ၁၉ ရာစုအလယ်ပိုင်းလောက်က ပြင်သစ်နဲ့ အင်္ဂလန်နိုင်ငံတွေမှာ ခေတ်စားခဲ့တဲ့ Aestheticism ရဲ့ စာပေအနုပညာ အယူအဆတွေ။ Oscar Wilde တို့လို ကိုယ်တို့ဆီမှာဆိုရင် ဆရာသစာနီတို့လိုပေ့ါ အနုပညာရသအဓိက၀ါဒီတွေက သန့်စင်တဲ့ အနုပညာဟာ

လူမှုရေး၊ နိုင်ငံရေး၊ ကိုယ်ကျင့်တရားဆိုင်ရာ ဆုံးမသွန်သင်မှုတွေနဲ့ မရောထွေးသင့်ဘူးလို့ ယူဆခဲ့ကြတယ်။ အနုပညာဟာ အနုပညာအတွက်ဆိုတဲ့ ကြေညာချက်က Aestheticism ရဲ့ အနှစ်ချုပ် အယူအဆပေ့ါ။ ညီလေးတို့ အမြင်ကရော...ကဗျာအနုပညာမှာ ကဗျာဆရာရဲ့ တစ်သီးပုဂ္ဂလ အာရုံခံစားမှုနဲ့
ခေတ်စနစ်လူမှုဝန်းကျင်အပေါ် အမြင်တွေ ပါသင့် မပါသင့်။
ရဲမြင့်သူ။          ။ အနုပညာသည် ပြည်သူ့ အတွက် ၊ အနုပညာဟာ အနုပညာအတွက် ၊ အနုပညာသည် ဘာအတွက်မှ မဟုတ် ဆိုတဲ့ အဆို၃ ခုအောက်မှာ အငြင်းမပွားလိုပါ ။

အောင်သက်နှင်း။          ။  တစ်သီးပုဂ္ဂလအာရုံခံစားမှုနဲ့ ခေတ်စနစ်လူမှုဝန်းကျင်အပေါ် အမြင်တွေကကဗျာတစ်ပုဒ်မှာ ပါသင့်တယ်လို့မြင်တယ်။တစ်သီးပုဂ္ဂလအာရုံခံစားမှုကိုပစ်ပယ်ရင်ကဗျာကစာသားအဆောက်အအုံသက်သက်ဖြစ်သွားတော့မှာသေချာတယ်။ ဒါပေမယ့် တစ်သီးပုဂ္ဂလအာရုံခံစားမှုပါတိုင်းလည်း စာသားအဆောက်အအုံမဖြစ်ဘူးလို့ဆိုလိုတာမဟုတ်ဘူး။ တစ်သီးပုဂ္ဂလအမြင်ကိုအခြေခံပြီး ခေတ်လူမှုစနစ်အပေါ်ဝေဖန်တာကောင်းတယ်လို့ကျွန်တော်ယူဆတယ်။ အဲဒီလိုပဲ ကဗျာရေးတယ်။

သစ္စာခ။          ။ စာပေဟာ ခေတ်ရဲ့ကြေးမုံပါပဲဆရာ။ ကဗျာဆိုတာလည်း ခေတ်ကိုထင်ဟပ်စေတဲ့ အရာဖြစ်တဲ့အတွက် ခေတ်ရဲ့ ကောင်းခြင်းဆိုခြင်းနဲ့ မကင်းနိုင်ပါဘူး။ ကဗျာတစ်ပုဒ်မှာ ကဗျာဆရာရဲ့တစ်သီးပုဂ္ဂလ အာရုံခံစားမှုနဲ့ ခေတ်စနစ်လူမှုဝန်းကျင်အပေါ် အမြင်တွေပါဖို့ လိုအပ်တယ်လို့မြင်ပါတယ်ဆရာ။


အောင်ရင်ငြိမ်း။          ။ ကိုယ့် အမြင်ပြောရရင် မြန်မာစာပေလောကမှာ Realism အယူအဆနဲ့ တန်ဖိုးစံနှုန်းတွေကို စွဲလမ်းဆုပ်ကိုင်ထားတဲ့ အယ်ဒီတာတွေနဲ့ စာရေးဆရာတွေ ရှိနေလို့ မြန်မာဝတ္ထုတို/ အက်ဆေး အရေးအသားတွေဟာ Realism နယ်ပယ်ထဲမှာပဲ ပိတ်မိနေကြပြီး မြန်မာစကားပြေယဉ်ကျေးမှု အသစ်ဖွံဖြိုးတိုးတက်မှု မရှိဘဲ နှစ်ပေါင်းများစွာ ရပ်တန့်နေတာလို့ မြင်မိတယ်။ ၁၉၉၅ ၀န်းကျင်ကနေ ၂၀၀၅ လောက်အထိ ခေတ်စားရှင်သန်ခဲ့တဲ့ မော်ဒန်နဲ့ ပို့စ်မော်ဒန် စကားပြေတွေကတော့ ခြါင်းချက်ပေါ့လေ။ ကဗျာအနုပညာမှာ ဆိုရင်လည်း Modern Conservative ဖြစ်နေတဲ့ ၀ါရင့် ၀ါနုကဗျာဆရာတွေ၊ အယ်ဒီတာတွေ ကဗျာဖတ် ပရိသတ်တွေ ရှိနေကြသေးတယ် ထင်တယ်။ အဲဒီလို Modern Conservative တွေကို မြန်မာကဗျာယဉ်ကျေးမှု ဖွံ့ဖြိုးတိုးတက်ရေးကို မလိုလားတဲ့သူတွေ၊ အနှောင့် အယှက် အဟန့်အတား ဖြစ်စေမယ့် သူတွေလို့
ဆိုနိုင်မလား။

ရဲမြင့်သူ။          ။ Realism နဲ့ Modern လည်း အငြင်းမပွားစေလိုပါ။

အောင်သက်နှင်း။          ။  မြန်မာဝတ္ထုတို၊အက်ဆေးတွေ Realism ထဲမှာ ပိတ်မိနေသလား၊ မပိတ်မိဘူးလားဆိုတာကတော့ ၀တ္ထုတို၊ အက်ဆေးနဲ့ပတ်သက်လို့ဝေဖန်ရေးနဲ့ အယူအဆစာအုပ်တွေ ထွက်၊ မထွက်ပေါ်မှာမူတည်ပါတယ်။ ဆရာအောင်သင်းရဲ့ ၀တ္ထုရေးရာဆောင်းပါးများ၊မောင်ခင်မင်(ဓနုဖြူ)ရဲ့ စာတန်းငယ်စာပေစာတမ်းများဆိုတဲ့စာအုပ် တွေနောက်ပိုင်း ၀တ္ထု၊အက်ဆေးတွေနဲ့ပတ်သက်လို့ စာအုပ်တွေထပ်ထွက်လာတာ ကျွန်တော်မမြင်မိပါ။ မသိတာ လည်းဖြစ်ရင်ဖြစ်မည်။အယူအဆပိုင်းဆိုင်ရာဆိုပိုဆိုးပါတယ်။ ပိတ်မိနေတယ်လို့ ကျွန်တော်ကတော့ ပြောတယ်။

ခေတ်ကိုလိုက်ပြီးConservative တွေက ရှိနေဦးမှာပဲ။ အသွင်ပြောင်းသွားတာပဲရှိပါတယ်။ အဲ…ဒါပေမယ့် များလာရင်တော့ကဗျာယဉ်ကျေးမှုဖြစ်ဖြစ် မည်သည့်ယဉ်ကျေးမှုပဲဖြစ်ဖြစ် အနှောင့်အယှက်အကြီးအကျယ်ဖြစ်နေဦးမှာပဲ။

သစ္စာခ။          ။ အနှောင့်အယှက်အဟန့်အတားရယ်လို့တော့ ကျွန်တော်မမြင်ဘူးဆရာ။ ကဗျာဖတ်သူတွေရဲ့ အသက်အရွယ်၊နေထိုင်ရာဒေသအလိုက် လက်ခံနှစ်သက်တဲ့ကဗျာပုံစံ ကွဲပြားသွားနိုင်တာပဲ။ ကျွန်တော့်မိဘတွေကို ကျွန်တော်ရေးတဲ့ကဗျာတွေသွားပြရင် နင့်ဟာဘာတွေမှန်းမသိဘူးလို့ ပြောကြမှာပဲ။ သူတို့က ဆရာဇော်ဂျီတို့ ၊ဆရာမင်းသုဝဏ်တို့ရေးတဲ့ကဗျာတွေဖတ်ရင်း ကြီးပြင်းလာကြသူတွေကိုး။ တောရွာတစ်ရွာမှာ နီယိုမော်ဒန်ကဗျာတစ်ပုဒ်ရွတ်ပြတာထက်စာရင် ကောက်ကြီးဗုံသံက လက်ခုပ်သံပိုညံမှာပဲ။ ဘာပဲဖြစ်ဖြစ် ခေတ်ကတော့ ဆက်ရွေ့ နေမှာပါပဲဆရာ။

အောင်ရင်ငြိမ်း။         ။ အွန်လိုင်း ကဗျာယဉ်ကျေးမှုဘက် တစ်ချက်လောက် လှည့်ကြည့်လိုက်ရအောင်။ အွန်လိုင်းက ကဗျာဆရာတွေနဲ့ ကဗျာတွေအပေါ် ညီလေးတို့ အမြင်ကို အုပ်စုနဲ့ အမျိုးအစားတွေ ခွဲခြားဝေဖန်ပေးပါ။ အွန်လိုင်းနဲ့ ပရင့်တ်မီဒီယာ ပဋိပက္ခ ကိစ္စ၊ အနုပညာဗီဇနဲ့ ကဗျာဖန်တီးမှု အတွေ့အကြုံ အနုအရင့်ကိစ္စ၊ အယ်ဒီတာ မရှိတဲ့ မီဒီယာဖြစ်တဲ့အတွက် ကိုယ့်ကဗျာကိုယ် လွတ်လွတ်လပ်လပ် ရေးလို့ရနေတဲ့ အခွင့်အလမ်းရဲ့ နောက်ဆက်တွဲ ကောင်းကျိုး ဆိုးကျိုး၊ အနုပညာ အဆင့်အတန်း သိပ်မရှိတဲ့ ကဗျာတွေအောက်က Like & Comment ကိစ္စတွေက အစပေ့ါ။

ရဲမြင့်သူ။          ။ အွန်လိုင်းနဲ့ ပရင့်တ် လည်း အငြင်းမပွားစေလိုပါ ။၊ မြေကြီးပေါ်မှာဒုတ်နဲ့ ပဲရေးရေး ။ i Pad မှာ ထိတွေ့ မျက်နှာပြင်နဲ့ ပဲရေးရေး ကဗျာဟာ ကဗျာမဟုတ်လား။

အောင်သက်နှင်း။          ။ အွန်လိုင်းကဗျာမှာ အုပ်စု (၃)ခုရှိတယ်လို့ မြင်ပါတယ်။ တစ်စုကကဗျာယောင်ယောင် စာယောင်ယောင်အုပ်စု၊ တစ်စုက ရောယိမ်းလိုက်၊ ဘသားယိမ်းလိုက်အုပ်စု။  တစ်စုကကိုယ့်အနုပညာနဲ့ ကိုယ့်အထာနဲ့နေတဲ့အုပ်စု။ အမျိုးအစားတွေကလည်း အဲဒီအတိုင်းပဲ။ ဒီလောက်ဆိုထပ်ရှင်းစရာမလိုတော့ဘူး။ အွန်လိုင်းနဲ့ ပရင့်ကတော့ ပဋိပက္ခဖြစ်နေဦးမှာပဲ။ အယ်ဒီတာဆိုတာသူ့အလုပ်နဲ့သူရှုပ်နေတာကိုး။ စောစောကအုပ်စုတွေကို မသိ မဝေခွဲတတ်တာရယ်၊ သူကိုယ်တိုင်အယူအဆတစ်ခု(ကဗျာအမျိုးအစားတစ်ခု)အပေါ်မှာ တိမ်းညွတ်တာရယ်ကြောင့် ကဗျာတွေက ပရင့်ပေါ်ရောက်ဖို့ခက်ခဲနေမှာပါ။ အွန်လိုင်းမှာ ကဗျာရေးတဲ့ကောင်းကျိုးက ကိုယ့်ကဗျာကို လူတွေ မြန်မြန်သိတာ၊ဆိုးကျိုးက မြန်မြန်မေ့တာ၊ ကိုယ့်ကဗျာ Theme၊ စာသားကို သူများခိုးချနိုင်တာ။ Like& Comment ကိစ္စတွေကတော့ ရှင်းရှင်းပြောရရင် များများရတဲ့သူတွေအများစုက သစ်ရွက်ကြွေ၊လေတိုက်၊ ချစ်ကြိုက် သံဝေက တွေချည်းပဲ။ ငပြိန်းတွေများသလို ခေတ်အခြေအနေအရ အသည်းကွဲတဲ့သူများတော့ကဲ…ခင်ဗျားအချစ်ကဗျာ များများရေးလေ ငပြိန်းတွေရဲ့ Like & Comment များများရလေပဲ။

သစ္စာခ။          ။ အွန်လိုင်းကဗျာလောကဖြစ်ပေါ်လာခြင်းဟာ ကျွန်တော်တို့လို စာရေးစာဖတ်ဝါသနာပါသူတွေအတွက် အများရှေ့ မှာ ကကြီးခခွေးရေးပြဖို့ သင်ပုန်းတစ်ချပ်ရလာတယ်လို့ မြင်ပါတယ်ဆရာ။ သတ်ပုံမှန်မမှန်၊ လက်ရေးလှမလှ ချက်ချင်းအဆုံးအဖြတ်ပေးကြ၊ အမှတ်ပေးကြတယ်မဟုတ်လား။ အွန်လိုင်းမှာ ဖြစ်ဖြစ်၊ ပရင့်ထ်မှာဖြစ်ဖြစ် ကဗျာဟာကဗျာပါပဲ။ အွန်လိုင်းကလူတော်တော်များများ ပရင့်ထ်ဘက်ကိုကူးသလို ပရင့်ထ်ကလူတော်တော်များများကိုလည်း အွန်လိုင်းမှာတွေ့နေရတာပဲလေ။ ပရင့်ထ်မှာ ဖော်ပြလို့အဆင်မပြေတဲ့ တစ်ချို့သောစိတ်အချဉ်ပေါက်မှုတွေကို အွန်လိုင်းမှာ အရှိအတိုင်းချပြလို့ ရတယ်။ အနုပညာအဆင့်အတန်းဆိုတာကတော့ ကိုယ်ဖန်တီးလိုက်တဲ့အနုပညာဟာ ဘယ်အဆင့်အတန်းရှိတယ်ဆိုတာ ကိုယ့်ဘာသာမြင်တတ်မှရလိမ့်မယ်ထင်တယ်ဆရာ။ Like များရုံ၊ Comment များရုံနဲ့ ကိုယ့်ကိုယ်ကိုဟုတ်လှပြီထင်နေရင်တော့ ကဗျာလမ်းပိတ်သွားမှာပဲ။ ဂန္တ၀င်ဖြစ်ဖြစ်၊ မော်ဒန်ဖြစ်ဖြစ်၊ LP ဖြစ်ဖြစ်၊ နီယိုဖြစ်ဖြစ် အားလုံးဟာကဗျာလမ်းကိုသွားနေကြတာပဲ။ ဘယ်ကဗျာအမျိုးအစားကိုရွေးရွေး ကဗျာသွေးစည်းကြဖို့တော့ လိုတာပေါ့ဆရာ။

အောင်ရင်ငြိမ်း။         ။ မြန်မာကဗျာလောကမှာ ကဗျာချဉ်းကပ်ခံစား ဝေဖန်မှု လုပ်ကြတဲ့အခါ တန်ဖိုးထား နားလည်ခံစားမှု( Appreciation ) နဲ့ ကောင်းဆိုး ဝေဖန် ချဉ်းကပ်သုံးသပ်( Criticize ) လုပ်တာ ဆိုပြီး နှစ်မျိုးနှစ်စားလုံး လုပ်ဆောင်ကြတာ တွေ့ရတယ်။ ဆရာမြဇင်၊ ဆရာ မင်းလှညွန့်ကြူး၊ ဆရာမျုိုးသန့်၊ ကိုမင်းခက်ရဲ၊ သူရနီတို့ရဲ့ ကဗျာချဉ်းကပ်မှုတွေက Criticize ဘက်ကို အလေးသာပြီး ဆရာမောင်သာချိုနဲ့ ကို အောင်ခင်မြင့်တို့က Appreciation ဘက်ကို အလေးသာတယ်လို့ ကိုယ် မြင်တယ်။ မြန်မာကဗျာဝေဖန်ရေးအပေါ် ညီလေးတို့ရဲ့ အမြင်။ ပြီးတော့ အခု နှစ်ပိုင်း အွန်လိုင်းမှာ သဘောထားအမြင်မျုိုးစုံနဲ့ လူပြောသူပြောများနေတဲ့ မောင်ဂျိုကာရဲ့ ကဗျာချဉ်းကပ်မှုတွေနဲ့ လူမှုရေး ဝေဖန်ချက်တွေအပေါ် အမြင်။

ရဲမြင့်သူ။          ။ ။ အပြုသဘောဆောင်တဲ့ ပညာရှင်ဆန်တဲ့ ကဗျာဝေဖန်ရေးတွေ ကိုကြိုဆိုပါတယ် ။ ငါနဲ့မတူရန်သူ ဝေဖန်ရေးတွေတော့ စိတ်ပျက်မိတာအမှန်ပဲ ။

အောင်သက်နှင်း။          ။ ကျန်တဲ့ဝေဖန်ရေးတော့ မပြောလိုပါ။ ကဗျာမှာလူမှုရေးဝေဖန်ချက်ပါရင်တော့အမြင်သိပ်ကျဉ်းမြောင်းတယ်။ မိန်းမဆန်တဲ့အတွေးရှိတယ်လို့ပြောရမှာပဲ။ ကဗျာဆရာနဲ့ ကဗျာစာသားတွေတွဲမြင်တယ်၊အခြားအရာတွေရောပေါ့။ ခပ်ရိုင်းရိုင်းပြောရရင် သာမန်စာဖတ်ပရိတ်သတ်တွေက ကဗျာဆရာအပေါ်မြင်တဲ့အမြင်ကိုဝေဖန်ရေးထဲ ထည့်ရေးတာမျိုးပေါ့။ အဲဒီဝေဖန်ရေးမျိုး ဘယ်သူပဲလုပ်လုပ် ဂရုမစိုက်ပဲထားလိုက်ပါ။အချိန်တန်တော့ မောသွားပါလိမ့်မယ်။ သူ့ဘာသာ ဘာကောင်လဲ ငုံ့ကြည့်လိမ့်မယ်။ ဒါမှမဟုတ်ရင်သမိုင်းက သူ့နည်းသူ့ဟန်နဲ့ အချိန် တန်ရင် အပြတ်ရှင်းသွားလိမ့်မယ်။


သစ္စာခ။          ။ ဘယ်လိုပုံစံနဲ့ချဉ်းကပ်ချဉ်းကပ်ပါ။ ကဗျာတစ်ပုဒ်ကိုချဉ်းကပ်ရာမှာ ကိုယ်ချဉ်းကပ်မယ့်ကဗျာအပေါ်ထားတဲ့ စေတနာစိတ်သာ အခရာလို့ထင်ပါတယ်ဆရာ။ အကောင်းမြင်စိတ်နဲ့ကြည့်ရင် အပြုသဘောဆောင်ပြီး အဆိုးမြင်စိတ်နဲ့ကြည့်ရင်တော့ အပျက်သဘောဆောင်မှာပါပဲ။ ဝေဖန်တယ်ဆိုတဲ့နေရာမှာလည်း သူ့စည်းကိုယ့်စည်းတော့ စောင့်ရမပေါ့ဗျာ။ စည်းလွတ်ဝါးလွတ် ဘောင်ကျော်လာပြီဆိုရင်တော့ သူ့ဝေဖန်ချက်တွေရော သူကိုယ်တိုင်ပါ ကဗျာအသိုင်းအ၀ိုင်းရဲ့အပြင်ဘက်ကို အလိုလိုရောက်သွားမှာပါပဲ။

အောင်ရင်ငြိမ်း။          ။ ၂၀၁၀ အလွန် ခေတ်ပြိုင်မြန်မာကဗျာ အခင်းအကျင်းမှာ ခေတ်ပေါ်ကဗျာ၊ အယ်လ်ပီ၊ ကွန်ဆက်ခြူရယ်၊ စမ်းသပ်၊ ဖလာ့ဖ်၊ စကားပြေကဗျာ စသဖြင့် ကဗျာအယူအဆ/ အမျိုးအစားတွေ ရှိနေကြတယ်။ ခေတ်ပြိုင်ကဗျာ( Contemporary Poetry) ဆိုတဲ့ ဝေါဟာရအပေါ်မှာလည်း အမြင်နဲ့ ၀ိဝါဒ အမျိုးမျုိုး ကွဲပြားနေကြတယ်လို့ ထင်တယ်။ ကိုဇော်ဇော်ထွန်းကတော့ ခေတ်ပြိုင်ကဗျာလို့ မြန်မာလို မပြောဘဲ Contemporary Poetry လို့ အင်္ဂလိပ်လို တိုက်ရိုက် သုံးနှုန်းပြောဆိုဖို့ အကြံပေးထားတယ်။ ခေတ်ပြိုင်ကဗျာဆိုတာ တချိုကဗျာဆရာတွေ ယူဆနေသလို ကဗျာအမျိုးအစားသစ် တစ်ခုလား။ ဒါမှမဟုတ် ၂၀၁၀ အလွန် မြန်မာနိုင်ငံမှာ အသစ်ဖြစ်ထွန်းလာတဲ့ ကဗျာအမျုိုးအစားသစ်တွေကို ခြုံငုံခေါ်ဝေါ်တဲ့ ပညာရပ်ဆိုင်ရာ ဝေါဟာရတစ်ခုလား။ ညီလေးတို့ ဘယ်လို ခွဲခြားနားလည်ထားလဲ။ လူငယ်တွေ အမြင်နဲ့ဆိုရင် ခေတ်ပေါ်ကဗျာကိုရော ၂၀၁၀ အလွန် ခေတ်ပြိုင်ကဗျာစာရင်းထဲ ထည့်မလား။ ချန်ထားခဲ့ချင်လား။ ပြီးတော့ လာမယ့် ဆယ်စုနှစ်တစ်ခု အတွင်း ခေတ်ပြိုင်မြန်မာကဗျာရဲ့ အလားအလာ။ ဘယ်လို ကဗျာအမျိုးအစားတွေ ဆက်လက် ရှင်သန်ရပ်တည် နေနိုင်မယ် ထင်လဲ။ ဘယ်လို ကဗျာ အမျုိုးအစားသစ်တွေ အသစ် ပေါ်ပေါက် ထွန်းကားလာမယ်လို့ ခန့်မှန်း ထင်ကြေးပေးမလဲ။

ရဲမြင့်သူ။          ။ ခေတ်ပြိုင်ကဗျာဆိုတာ ကဗျာအမျိုးအစားသစ် တစ်ခုမဟုတ်ပါဘူး။ ကိုဇော်ဇော်ထွန်းပြောတာ မှန်ပါတယ်
ဘယ်လို ကဗျာအမျိုးအစားတွေ ဆက်လက် ရှင်သန်ရပ်တည် နေနိုင်မယ် ထင်လဲ ဆိုတော့ ကမ္ဘာမှာလိုပဲ ကဗျာအယူအဆတစ်ခုက အောင်ပွဲခံတာမျိုးမဟုတ်ပဲ အယူအဆ ပေါင်းစုံတစ်ပြိုင်နက်ရှင်သန်နိုင်မယ်လို့ ယုံကြည်မိပါတယ် ။ တော်လှန်ကြောင် တွေရဲ့ ဆောင်ပုဒ်လိုပေါ့ဗျာ (ကြော်ငြာဝင်) ကြောင်ပေါင်းတရာမွေးပါစေ။


အောင်သက်နှင်း။          ။ ခေတ်ပေါ်နဲ့ ခေတ်ပြိုင်ကနှစ်လုံးတည်းနဲ့ ဘောင်းဘီကျပ်တဲ့စကားလုံးတွေပဲဗျ။ ရိုးရိုးသားသားပြောရရင် ခေတ်ပေါ်ဆိုတာModern နဲ့ Post-modern အစပိုင်းကဗျာတွေပဲလို့ မြင်တယ်။ ခေတ်ပြိုင်ကတော့ လက်ရှိ လောလောဆယ်နှစ်ကာလ အပိုင်းအခြားအတွင်းပေါ်နေတဲ့ကဗျာကိုဆိုလိုတာလို့ မြင်တယ်။ ဒါပေမယ့် အခုခေတ်ပြိုင်ကလည်းနောင်တချိန်မှာ ခေတ်ပေါ်ဖြစ်မှာပဲ။ အဓိကကတော့ လိုက်ပါစီးမျောရေးသားနိုင်ဖို့ပါ။ မလိုက်နိုင်လည်းဘာမှမဖြစ်ပါ။ ကိုယ်ကြိုက်တာ ကိုယ်လုပ်ပေါ့။ ဆိုင်းတီးတဲ့သူတီး၊ ဒရမ်တီးတဲ့သူတီးပါ။ကိုယ့်ကဗျာမကြိုက်လို့လည်း ဘယ်သူ့မှ ဂရုစိုက်ဖို့မလို။ အချိန်တန်ရင် ကိုယ့်အနုပညာလက်ရာကလေးတွေဘယ်လောက်ကျန်မယ်ဆိုတာ ကိုယ်ကိုယ်တိုင်ရယ် နောက်လူတွေရယ်ကိုတော့ လိမ်လို့ရမှာမဟုတ်ဘူးဆိုတာရယ်ကျွန်တော့်အဖြေတွေက အကြမ်းဆန်ပြီး ပြောပုံဆိုပုံအချိုးမပြေ ဆရာ့ဆရာကြီးများရဲ့ အကိုးအကားတွေရွတ်ပြနေတာ မဟုတ်တော့ ခင်ဗျားတို့ကြိုက်မှာမဟုတ်သလို ကျွန်တော်ကလည်း ဂရုစိုက်မှာမဟုတ်ပါဘူး။ဘာဖြစ်လို့လည်းဆိုတော့ လူငယ်ဆိုတာ (Brave & Wild) ရဲရင့်တယ် ရိုင်းစိုင်းတယ်လို့ကျွန်တော်ခံယူထားလို့ပဲ။

သစ္စာခ။          ။ ကျွန်တော်ဖတ်ဖူးမှတ်ဖူးသလောက် စာပေသစ်ရဲ့နောက်ပိုင်းမှာဆန်းသစ်လာတဲ့ ခေတ်ပေါ်ကဗျာ(မော်ဒန်)၊ ပို့စ်မော်ဒန်၊ ခေတ်ပေါ်ကဗျာသစ်(နီယိုမော်ဒန်) တို့ကို ခြုံငုံပြီး ခေတ်ပြိုင်ကဗျာလို့ ခေါ်ဝေါ်သုံးစွဲကြတယ်လို့ သိခဲ့တယ်ဆရာ။(မှားနေရင်လည်းပြင်ပေးပါ။) ကျွန်တော့်အနေနဲ့ကတော့ ခေတ်ပြိုင်ဆိုတဲ့အသုံးအနှုန်းဟာ ကဗျာအမျိုးအစားထက် ကဗျာရေးသူလူပုဂ္ဂိုလ်တွေကို ကိုယ်စားပြုမယ်ဆိုရင် ပိုအဆင်ပြေလိမ့်မယ်လို့ထင်တယ်။ ဥပမာ ဆရာအောင်ချိမ့်နဲ့ ဆရာမောင်ချောနွယ်၊ ဆရာဇော်ဂျီနဲ့မင်းသုဝဏ်၊ ဦးပုညနဲ့အချုပ်တန်းဆရာဖေ တို့ဟာ ခေတ်ပြိုင်ကဗျာဆရာတွေ။ သူတို့ရေးတဲ့ကဗျာတွေဟာခေတ်ပြိုင်ကဗျာတွေ။ဒါ ကျွန်တော့်အမြင်ပေါ့နော်။ သက္ကရာဇ်တွေပြောင်းလာတာနဲ့အမျှ ရေးဟန်တွေကလည်း ဆန်းသစ်လာမှာပဲ။ နောက်ဆယ်စုနှစ်တစ်ခုအကြာမှာ ခေတ်ပေါ်ကဗျာသစ်ဆိုတဲ့နီယိုမော်ဒန်ဟာလည်း ဟောင်းကောင်းဟောင်းသွားနိုင်တာပဲ။ ဘာပဲဖြစ်ဖြစ် ကဗျာကတော့ သက္ကရာဇ်တွေနဲ့အပြိုင် ခရီးဆက်နေဦးမှာပါပဲဆရာ။

ချစ်ခြင်းမေတ္တာဖြင့်
( စီစဉ်တင်ဆက်သူ )
အောင်ရင်ငြိမ်း 
၂၂ ဇွန် ၂၀၁၃