သမားရိုးကျဆန်မှု တွေကိုခေတ်ရေစီးကြောင်းနဲ့ရောမွှေလိုက်တဲ့အခါ ယဉ်ကျေးမှု ပေါက်ကွဲထွက်လာတော့မှ လူငယ်တွေဆီတံတွေးစက်တွေလွင့်စဉ်ကျတာ နာ

ဒီခေတ်ကြီးမှာ Fleming ရဲ့ Penicillin နဲ့ မပျောက်တဲ့ရောဂါတွေ တကယ်ရှိတယ်
New generative antibiotic ကြောင့်ဖြစ်လာတဲ့ ကင်ဆာ
တစ်ယောက်နဲ့တစ်ယောက် သိသိမသိသိ ကြွားဝါချင်တဲ့ဝေဒနာ
ခေတ်လူငယ်တွေရဲ့ အသည်းကွဲဒဏ်ရာ
နောက်တစ်ခု Popular ဖြစ်လာတာက ဆင်ဆာ

ဆင်ဆာ ဆင်ဆာနဲ့ အော်ရင်း ဗီဒီယိုဖိုင်တွေ ပင်မခေတ်ရေစီးကြောထဲဝင်လာတယ်
အရှေ့နဲ့အနောက် ယဉ်ကျေးမှု့တွေ ခြေချင်းလိမ် နှစ်ပင်ယှက်ကုန်တယ်
ပြင်ပါ ပြင်ပါ လို့အော်နေကြတဲ့သူတွေက Download ဆွဲပြီး လူတကာသိအောင် ထုတ်ပြ ကြေငြာကြတယ်
(တစ်ခါတစ်ခါ ကုန်ပစ္စည်းတွေက သူတို့ကြောင့် လူသိများလာတယ်)
သတင်းထဲ ဖတ်ကြည့်ရင် တွေ့လိုက်ရတဲ့ပုဒ်မ 376 က ပိုပိုများလာတယ်

နေရာတကာ Sex ပါလေရာ Sex အီလည်လည် Sex အူကြောင်ကြောင် Sex
ဘယ်သူ စဖော်မှန်းမသိပဲ Sex က စာလုံးပေါင်းပိုကြီးလာတယ်
သမိုင်းကြောင်းတွေလှန် စာတမ်းတွေပါ ပြုစုကြကုန်တယ်
သူတို့ပြောတော့ ပညာပေး ဗဟုသုတ လူငယ်တွေ သင်ခန်းစာရဖို့
အပြောကတော့ ရွှေချပြီး ဘုရားစင်ပေါ်တင် ရှိခိုးပြီး ကိုးကွယ်ချင်စိတ်တွေ ပေါက်လာနိုင်လောက်တယ်
ပညာပေးတွေ ထုတ်နေမဲ့အစား ကျောင်းသင်ခန်းစာမှာ သင်ရိုးညွှန်းတမ်းအဖြစ် သင်လိုက်တာက
လူငယ်တွေပိုဗဟုသုတရ ပိုနားထောင်လို့ကောင်းမယ်ထင်မိ
(ကျောင်းမှန်မှန်တတ်တဲ့ ကလေးတွေလည်းပိုများပြားလောက်ရဲ့)

ဖိုမဆက်ဆံခြင်းက ကမ္ဘာဦးကတည်းက တည်ရှိနေတဲ့ သမားရိုးကျ Rap
Homosexual ဆိုတာဘယ်ချိန်က စခေတ်စားလာလဲ????
သူမသိ ငါမသိ ခင်ဗျားလှန်နေတဲ့သမိုင်းက အညစ်ညမ်းတွေချည်းပဲကို
လိင်တူချင်းတောင် လပ်ထပ်ခွင့်ပေးဖို့ ဟစ်ကြွေးတောင်းဆိုနေကြပြီဆို

မီဒီယာတွေကျယ်ပြန့်လာတဲ့ ခေတ်မှာ လိင်မှု့ရေးရာဆိုတာ Yoyo တစ်ခုလို
ပစ်ချလိုက် ပြန်ဖမ်းလိုက် အရှိန်ကိုတော့ သူတို့က ကြိုးနဲ့ညှိယူတယ်
Under 18 တွေက တော်တော်ထိန်းချုပ်ရခက်တယ်တဲ့
ခိုးစားတဲ့သစ်သီး ပိုအရသာရှိတာမှန်း ခင်ဗျားတို့ သင်ပေးခဲ့ကြတာပဲ

ပထမနဲ့ ဒုတိယ ကမ္ဘာစစ် လူတွေရဲ့ အတ္တနဲ့ လောဘတွေကြောင့်ဖြစ်ခဲ့တယ်
တတိယကမ္ဘာစစ် ရာဂစိတ်တွေကြောင့် မီးခိုးပိုမွှန်နိုင်တယ်

တိုးတိုးပြီးနက်လာတဲ့ ကမ္ဘာမြေရဲ့ Black Hole တိုင်းမရအောင် မှောင်တယ်
လူငယ်တွေရဲ့ လိင်ဗဟုသုတကြီးထွားလာမှု့တွေကြောင့်  နှိုင်းမရအောင် လောင်ကုန်တယ်
နေရာတကာ Guest House တွေပေါ်တယ်
မြို့သစ်တွေမှာ မြေကွက်တွေ ဈေးပိုပိုတက်လာတယ်
ခင်ဗျားတို့ရဲ့လောဘကြောင့် အလှည့်အရွှေ့တွေကြားမှာ ကျောင်းသားတွေ နာမည်ပိုပျက်တယ်

ဒိုးပြားပေးလိုက်တာနဲ့ ရွေ့လာတဲ့ ခေတ်
ပညာပေးကို ပညာပေးလိုမရေးတတ်မှတော့ စမ်းသပ်တဲ့လူငယ်တွေ လွဲမှားကုန်တဲ့ခေတ်
လမ်းလွဲနေတာကို အားပေးထောက်ခံတဲ့ခေတ်
တစ်ခါလေးဆိုရင်တောင် ဂုဏ်ယူစွာပြောတတ်လာတဲ့ခေတ်
မတွေ့ဖူး မကြုံဖူးရင် လူရာမ၀င်တော့သလို ရှောင်ထွက်လာတဲ့ခေတ်
ခေါင်းညိတ်တတ်တာနဲ့ ဖ ဦးထုပ်ရေးချာ ဖြစ်နိုင်တဲ့ခေတ်
ပျက်စီးခြင်းကို ပျားရည်လို မက်မောစေတဲ့ခေတ်
ခေတ် ခေတ် ခေတ် ခေတ် ခေတ် ခေတ် ....................

အခုတော့ ယဉ်ကျေးမှု့တွေ ပေါက်ကွဲလာတော့မှ
လူငယ်တွေကို လက်ညှိုးထိုးတယ်
အတို အဟိုက်တွေကို စာဖွဲ့တယ်
အပြာကားတွေကိုကြည့်ရင် မင်းဘာလူမျိုးလဲ လာမေးတယ်
အရိုးစွဲအသားကျနေတဲ့ အတ္တဆန်မှု့တွေနဲ့
အရွဲ့တိုက်နေကျ လူငယ်တွေရဲ့ အလေ့အထကြား
ရှုရှိုက်နေတဲ့လေတွေထဲမှာ အောက်စီဂျင်တွေ ပိုနည်းလာတယ်
အိုဇုန်းလွှာကြီး ပါးသထက်ပိုပါးလာတယ်
ယဉ်ကျေးတဲ့ အပြုအမူတွေ ပိုပို အရိုင်းဆန်လာတယ်။

ခင်ဂျူး
Faces Magazine, October 2013