ပုဂ္ဂလ ဝေဒနာများ

၁။

            မိုးရေတွေထဲမှာ လွယ်အိတ်ကိုမလုံ့တလုံကြွပ်ကြွပ်အိပ်ထဲထည့်ပျော်ပျော်ရွှင်ရွှင်နဲ့ကျောင်းကနေအိမ်ကိုပြန်ခဲ့ရတဲ့
နေ့ရက်တွေကို ကိုယ်ပြန်မရတော့ဘူး။ အခုရွာနေတဲ့ ကိုယ့်ခေါင်းပေါ်မှာရွှဲရွှဲစိုနေတဲ့ မိုးရေတွေကကိုယ်ငယ်ငယ်တုန်းက စိုရွှဲခဲ့တဲ့မိုးရေတွေ မဟုတ်တော့ဘူး...ကိုယ့်အတွက်ရွာပေးလိုက်တဲ့ မျက်ရည်မိုး...။

            ပျော်ရွှင်မှုရဲ့အဓိပ္ပါယ်နောက်လိုက်ရင်းပျော်ရွှင်မှုတွေက တကွဲတပြားစီဖြစ်သွားတယ်သံသရာ။ စာမေးပွဲအောင်တဲ့ေ ပျာ်ရွှင်မှု၊အလုပ်ရတဲ့ပျော်ရွှင်မှု၊ ပိုက်ဆံရလိုက်တဲ့ပျော်ရွှင်မှု၊ မိသားစုပျော်ရွှင်မှု၊တရားမျှတပျော်ရွှင်မှု၊ မနာလိုပျော်ရွှင်မှု၊ သူများဒုက္ခရောက်တာပျော်တဲ့ပျော်ရွှင်မှု...။

            ပျော်ရွှင်မှုအဓိပ္ပါယ်တွေပြိုကွဲကုန်တယ်။ကိုယ်  ဘယ်ပျော်ရွှင်မှုကိုပျော်ရွှင်မှုစစ်စစ်ပါလို့ ပြောလိုက်/ယုံလိုက်/လက်ခံ လိုက်ရမလဲ။ ကိုယ့်ကိုပျော်ရွှင်မှုပေးပါ။ အစစ်အမှန်ကိုပေးပါ။ သာယာမှုမပေးပါနဲ့။

            မိုးမလုံတဲ့အိမ်မှာကိုယ် နေထိုင်ခဲ့ရတယ်။ မိုးတွေအရမ်းရွာနေပြီ။ အခုလိုအချိန်မိုးမလုံတဲ့ကိုယ့်အိမ်မှာထရံပေါက်က ပက်ဝင် လာတဲ့ ရေခိုးရေငွေ့တွေကို ရှူရှိုက်ရင်းအိပ်ရတာကအရသာ။ အိမ်ရှေ့အဖီကလေးက မိုးသိပ်ပက်လို့ အိမ်ဘုရားခန်းမှာ ကိုယ်တို့စုဝေးပြီး အိပ်ခဲ့ရတာပေါ့သံသရာ။ ကိုယ် အဲဒိအချိန်တုန်းကဆို သိပ်စိတ်ချမ်းသာတာပဲ။ကိုယ့်မှာ အပူအပင်မရှိဘူး။
ရှေ့ရေးကို ကိုယ်မပူ။

            အခုလုံခြုံစိတ်ချတဲ့တိုက်ခန်းက ကိုယ့်ကို ဘာလို့ချုပ်နှောင်ထားရတာလဲ။ ကိုယ့်မိသားစုကမိုးမလုံတဲ့အချိန်မှာ ကိုယ်က ဒီမှာ အေးချမ်းစွာအိပ်နေရမှာလား။  ပြောစမ်းပါ...ပြော..စမ်း..ပါ..သံသရာ။ကိုယ်..ကိုယ်လွတ်ရုန်းထွက်ခဲ့တာလား??? ကိုယ်…မိသားစုကိုတကယ်ထောက်ပံနိုင်မှာလား??? တကယ်တော့ ကိုယ့်မိသားစု ဒုက္ခရောက်နေချိန်မှာ ကိုယ်က အဝေးမှာအေးအေးဆေးဆေး အနားယူ လို့ပေါ့။ ကိုယ့်မိသားစုဟာ ဘယ်တုန်းကမှ ပျော်ပျော်ရွှင်ရွှင် မနေခဲ့ရဘူး။

            ကိုယ့်ကိုချုပ်ကိုင်နေတာကိုယ့်အတွေးလား။ ကိုယ့်အခန်းလား။ ကိုယ့်အလုပ်လား။ ကိုယ် စက္ကူတွေကြောင့် မိသားစုကိုခွဲခွါခဲ့ ရတာပါ။ မိသားစုတွေတကွဲတပြား ကိုယ် ဘယ်နေချင်ပါ့မလဲ။ စက္ကူတွေက ကိုယ်တို့လူသားတွေကိုအဆင့်အတန်းခွဲခြားတဲ့ အမှိုက်ပဲ။

၂။

            နွေနေ့လယ်ခင်းတွေမှာကိုယ်ငယ်ငယ်က တွေးခဲ့ဖူးတဲ့အကြောင်းက သေခြင်းတရား။ ကိုယ် သိတတ်စအရွယ်မှာ ကိုယ့်ဘေးမှာ အမြဲတမ်းရှိနေတာက အထီးကျန်မှု။ ကိုယ်တွေးခေါ်သမျှအားလုံးက ခွဲခွါဖို့ ဘယ်လိုပြင်ဆင်ရမလဲ။သံယောဇဉ်ဆိုတာ ကိုယ်တစ်ခါမှ မရ/မခံစားဖူးခဲ့တဲ့ အိပ်မက်ထဲက ဘာသာစကား။ ကိုယ်နဲ့တွေ့တဲ့လူတိုင်းကိုပြောတတ်တဲ့ စကားတစ်ခွန်းက အမှန်တရား။သေချာတယ်။ ကိုယ်က သာမန်မဟုတ်ဘူး။

            လူ့အဖွဲ့အစည်းတစ်ခုလုံးဆုပ်ကိုင်ထားတာ၊သတ်မှတ်လက်ခံကျင့်သုံးတာ တစ်ခုပဲရှိတယ်။ အဲဒါ အမှန်တရားဆိုတာ တစ်ခု တည်းတဲ့။ သိပ်ရယ်ရတယ်သံသရာ။ သူတို့ပြောပြောနေတဲ့ အမှန်တရားဆိုတာ အများကြီးပဲ။ တစ်ယောက်ချင်းစီမှာရှိတဲ့ အမှန်တရားဘယ်တူနိုင်ပါ့မလဲ။ တူနေရင် ဘာသာတရားတစ်ခုတည်းရှိမယ်။ အဲဒီအချိန်ကျမှ ကမ္ဘာဆိုတာ ရွာဖြစ်မှာ။

            စကားလုံးတစ်ခုမှာ ပညတ်အနက်ရှိသလို ပရမတ်အနက်လည်းရှိတယ်။ အပေါင်းဆိုင်ရာအနက်ရှိသလိုအနှုတ်ဆိုင်ရာ အနက် လည်းရှိတယ်။ ကိုယ်တို့ မျဉ်းတစ်ခုပေါ်မှာ အမှတ်တစ်ခုကိုမှတ်လိုက်ပြီးညာဘက်ကို အပေါင်း ၁၊၂…၊ ဘယ်ဘက်ကို အနှုတ် ၁၊၂…… စသည်ဖြင့် မှတ်လိုက်သလိုပေါ့။ အမှန်တရားကလည်းအဲဒီမျဉ်းသဘောပဲ။ အဲဒီမျဉ်းဟာ အမှန်တရားဆိုရင် အမှန်တရားမှာအပေါင်းဆိုင် ရာလက္ခဏာတွေရှိသလိုအနှုတ်ဆိုင်ရာလက္ခဏာ တွေရှိတာပဲ။

            များသောအားဖြင့် လူ့အဖွဲ့အစည်းက အပေါင်း/အနှုတ်  အမှတ်တစ်ခုခုမှာပဲရပ်နေလေ့ရှိတယ်။ သူတို့က ကိုယ်ရပ်နေတဲ့
အမှတ်ကလေးကမှန်ပါတယ်ဆိုပြီးကျန်တဲ့သူကို လက်ညှိုးထိုးတော့တာပဲသံသရာ။ အလယ်က သုညကို သူတို့မမြင်ကြတော့ဘူး။ ကပ်ကျော်ကလေးဖြစ်နေကြတယ်။

            အဲ…သုညကိုမြင်ချင်ရင်တော့ ခင်ဗျား လူ့အဖွဲ့အစည်းထဲကထွက်မှဖြစ်မယ်သံသရာ။မြင်တဲ့အချိန်ကျရင် ခင်ဗျားဟာ Outsider ဖြစ်သွားပြီ။ခင်ဗျားကို လူ့အဖွဲ့အစည်းက လှောင်ပြောင်ကြလိမ့်မယ်။တွယ်ရာမဲ့သူလို့။

            တစ်ခုတော့ သတိပေးလိုက်မယ်။ ဗုဒ္ဓပြောခဲ့တဲ့သုညဆိုက်အောင်ရှုပါဆိုတာအဲဒါကိုပြောတာလို့ ကိုယ်ယူဆတယ်။ ခင်ဗျား နားလည်အောင်ပြောရရင် ပရမတ်အနက်ဆိုတာပဲ။

၃။

            Freelance Lifestyle ကို ကိုယ် အရမ်းသဘောကျတယ်။ဘာဖြစ်လို့လည်းဆိုတော့ ငွေကြေးချုပ်နှောင်မှုက အတန် အသင့် လွတ်ကင်းလို့။

            ဘုရားတရားလုပ်ပါလို့ ကိုယ့်ကို တရားလာလာချနေတဲ့သူတွေရယ်။သဘောတရားမပါတဲ့လက်တွေ့၊ လက်တွေ့မပါတဲ့ သဘောတရားဆိုသူတွေရယ်လို့ ပြောတဲ့သူတွေကို ကိုယ်သိပ်ရယ်ချင်တာပဲသံသရာ။ တရားဆိုတဲ့စကားလုံးအဓိပ္ပါယ်မပြောနဲ့။ သူတို့ တွေဆုပ်ကိုင်ထားတဲ့ ဗုဒ္ဓတရားထဲက “သံဃ”ဆိုတဲ့အဓိပ္ပါယ်တောင်နားလည်ကြတာမဟုတ်ဘူး။

            ပြဿနာကကိုယ်အဖွဲ့အစည်းထဲမှာ အလုပ်မလုပ်ချင်ဘူးဆိုတာက စတာပဲ။ ကိုယ်ကြိုက်တာက လွတ်လွတ်လပ်လပ် အလုပ်လုပ်ရတာ။ ပြောရင် စောစောက သဘောတရားနဲ့ ကိုယ့်ကို တရားချတာပဲ။ “သံဃ”ပစ္စည်းယူတာဟာ အပြစ်ကြီးတယ် လို့ဗုဒ္ဓစာပေတွေကိုမှာဖတ်ဖူးတယ်။ လူတွေက (အထူးသဖြင့်ဗုဒ္ဓဘာသာဆိုသူတွေ) သံဃလို့ပြောလိုက်ရင်သံဃာ(ဘုန်းကြီး ၊ရဟန်း) ကိုပဲပြေးမြင်ကြတယ်။ “အဖွဲ့အစည်း”ဆိုတဲ့ အဓိပ္ပါယ်ကလေးတောင်မသိကြဘူး။သူတို့ဆုပ်ကိုင်ထားတာ သူတို့အမှန်တရား…။

            အဓိပ္ပါယ်တွေကိုသိတဲ့ အာရုံသိမှုအနည်းငယ်လေးလောက်နဲ့ ကိုယ့်ကိုတရားလာချနေရင်တော့ဆောရီးပဲသံသရာ။ ခင်ဗျားတို့ သံသရာတစ်လျှောက်လုံး ကျွံနေမှတော့ ကိုယ်သိတယ်။ဗုဒ္ဓတရားကို အဲဒီလောက်သိရုံနဲ့ ကိုယ့်ကိုလာပြောမနေနဲ့။ ခင်ဗျားအဆင့်ကသူငယ်တန်းအဆင့်ပဲရှိတယ်။ လာတရားချနေရင်တော့ အခုမှ သူငယ်တန်းတက်တဲ့ကလေးကဗုဒ္ဓစာပေကို Ph.D(ကိုယ် လွန်တယ်လို့ ထင်ချင်ထင်) ဘွဲ့ယူထားတဲ့သူကို လာပြောနေသလိုဖြစ်မှာပဲ။နောက်ဆုတ် လက်ပိုက်နေလိုက်ပါ။
ကိုယ် မင်းကို အထင်မသေးချင်ဘူး။

၎။

            ပြာပုံထဲကလာတဲ့သူကပြာပူကိုကြောက်ရိုးထုံးစံမရှိပါဘူး။ ကိုယ်မ၀ရေစာစားခဲ့ဖူးပြီးပြီ။လမ်းဘေးမှာ အိပ်ဖူးပြီးပြီ။ ပက်ပက်စက်စက် အပြောခံရဖူးပြီးပြီ။ ကိုယ့်ကို အခုဘယ်လောက်ခြိမ်းခြောက်၊ကြောက်အောင်လုပ်လုပ် တုန်လှုပ်နေမှာ မဟုတ် တာ့ပါဘူးသံသရာ။ သေခြင်းတရားဆိုတာ အချိန်မရွေးခေါ်သွားနိုင်တာပဲ။ကိုယ့်ကို နင်းတက်သွားပြီးခင်ဗျားနောက်တစ်ဆင့်ဖွင့်ဝင် သွားရမှာ သေမင်းတံခါးဆို ဘွာခတ်ပြီးနောက်ပြန်လှည့်လာလို့မရဘူး။

            နိုင်ငံတစ်ခုတိုးတက်ဖို့ စနစ်တစ်ခုတည်ဆောက်ချိန်မှာပြိုင်ဆိုင်နေကြတဲ့ ခင်ဗျားတို့ရဲ့ဂုဏ်သိက္ခာတစ်ခုအတွက်နဲ့ သာမန်ရိုးသားဖြူစင်တဲ့ဘ၀တွေကို ဒေါသပြေရာပြေကြောင်း ထိုးကျွေးလိုက်ရုံနဲ့တော့ခင်ဗျားဂုဏ်သိက္ခာတက်လာစရာ အကြောင်းမရှိဘူး။ သမိုင်း မှာ အရိပ်မည်းကျန်နေပြီး ခင်ဗျားဖြတ်သန်းရတဲ့/မယ့်ညတွေမှောင်မိုက်နေမှာပဲဆိုတာကိုယ် သိနေတယ်။

            ကိုယ်တို့ငယ်ငယ်က သံလမ်းပေါ်မှာတက်လမ်းလျှောက်ကစားဖူးကြတယ်။ဇလီဖားတုံးပေါ်မှာမဟုတ်ဘဲ သံလမ်းတစ်ဖက် တစ်ချက်ကို တစ်ယောက်စီတက် အဝေးကြီးလျှောက်နိုင်တဲ့သူကအနိုင်ရတာပေါ့။ အောက်ကျတဲ့သူကအရှုံးပဲပေါ့သံသရာ။ အဲဒီလိုပါပဲကိုယ်က သံလမ်းပေါ်လမ်းလျှောက်နေတဲ့ သာမန်အောက်ခြေဘ၀ကလေးပါ။ ကိုယ့်အတွက် အောက်ကျသွားလည်း
ပြန်တက်ဖို့လွယ်ပါတယ်။ အခုကိုယ့်ကို ပြိုင်နေတဲ့သူက အဖွဲ့အစည်းထဲမှာ အမြင့်တစ်နေရာမှာပါ။ သံလမ်းပေါ်လမ်းလျှောက် တာခြင်းအတူတူသူက ဂုတ်ထိပ်တံတားပေါ်မှာ ရောက်နေတာပါသံသရာ။ သူ့အတွက် စိုးရိမ်စိတ်ဝင်လို့ စောင်းမိတာနဲ့ဟိုး ဂျောက်ကြီးထဲကို ကျသွားလိမ့်မယ် ဆိုတာ ကိုယ်သိတယ်။ အခု သူ စိုးရိမ်စိတ်တွေဝင်နေရှာပေါ့။အရမ်းသနားဖို့ကောင်းတာပဲ။

၅။

            ကိုယ့်ဘ၀မှာ တိတ်တိတ်ကလေးငိုခဲ့ရတဲ့အချိန်တွေရှိခဲ့တယ်။ဟိုး…ငယ်ငယ်တုန်းက အဖေနဲ့အမေ ရန်ဖြစ်ကြတာ သိပ်သတိရပေါ့။ တစ်ခုခုဆို အဖေက အမေ့ကို စွပ်စွဲနေတဲ့အသံကြားရရင်ကိုယ့် အမေအပေါ် ကိုယ် သံသယမရှိဘဲ အဖေဘာကြောင့် ဒီလိုဖြစ်ရ တာလဲလို့ ကိုယ်တွေးတယ်။ လင်မယားနှစ်ယောက်ကြားမှာကလေးတွေရပြီးတာတောင်မှဘာကြောင့်ခိုင်မာတဲ့ချစ်ခြင်းမေတ္တာကိုမတည် ဆောက်နိုင်ခဲ့ကြတာလဲ။ ချစ်ခြင်းမေတ္တာဆိုတာဘာလဲ။ အချစ်ဆိုတာကရော ဘာလဲ။

            အရမ်းပျော်မြူးခဲ့တဲ့အချိန်က ကိုယ် ပထမတန်းအရွယ်။ညညထမင်းစားပြီးခါစ အဖေ့လက်ညှိုးတစ်ချောင်းဆွဲပြီး လဘက်ရည်သောက်ထွက်ကြတယ်။ အဖေက ကိုယ့်ကိုမျက်စိမှိတ်ပြီး ခေါ်ထုတ်သွားတာ။ ကျန်တဲ့ အိမ်သားတွေသိပေမယ့် ဘာမှ မပြောဘူး။ မှုန်ဝါးဝါးဖြစ်နေပေမယ့် ကိုယ့်ဘ၀မှာ ပထမဦးဆုံး ခံစားခဲ့ရတဲ့ ချစ်ခြင်းမေတ္တာ။

            ကိုယ့်ကို အသေသတ်ပြီးမှ မင်း ကိုယ့်ကိုချစ်ခဲ့တာချစ်ခြင်းမေတ္တာနဲ့ ပေးဆပ်ခဲ့တာပါလို့ပြောပါသံသရာ။ ကိုယ်က သစ္စာဖေါက် ခံရဖို့ဖြစ်လာတဲ့အလှပြအရုပ်သက်သက်။မင်း ကိုယ့်ကို မွှေခဲ့တာ ပက်ပက်စက်စက်…။

            မှောင်မိုက်နေတဲ့ညတွေမှာ ကိုယ့်သိမ်ငယ်မှုတွေအရမ်းပြင်းထန်လာတယ်။ကိုယ်မျှော်မျှော်နေတဲ့ မင်းဆီကဖုန်းသံ ၀င်မလာ တော့ဘူး။ ကိုယ် အရမ်းကြောက်နေတဲ့အချိန်မင်းကိုဆက်လိုက်ရင် ကိုယ်ကြားရတာက လူကြီးမင်းခေါ်ဆိုသော….။

            ကိုယ်မပျော်ရွှင်တော့ဘူး။ ပျော်ရွှင်မှုတွေကိုယ့်အနားကပ်ဖို့ သိပ်ကြောက်သွားကြပြီ။ ကိုယ်ထပ်တလဲလဲတွေးဖြစ်
နေတာ သေခြင်းတရား။ ကိုယ်ခွဲခွါဖို့ အဆင်သင့်ဖြစ်နေပါပြီ။

            ချစ်ခြင်းမေတ္တာက အရမ်းနူးညံ့တယ်။ သိမ်မွေ့တယ်။ထိရှလွယ်တယ်။ ကိုယ့် အသက်တစ်ရက်ကြီးလာတိုင်း ချစ်ခြင်းမေတ္တာကို ခံစားတွေ့ထိရဖို့ ခက်ခဲလာတယ်။တကယ်တော့ ချစ်ခြင်းမေတ္တာမပြောနဲ့ အချစ်ရဲ့ သာမန်အနက်အဓိပ္ပါယ် အတိမ်အနက်ကလေးမှာကို ကိုယ်က ယုံကြည်မခံရတဲ့ကောင်။ ချစ်ခြင်းမေတ္တာဟာ ကိုယ့်ဆီက ဆိုက်ဆိုက်မြိုက်မြိုက်ကြီးကိုထွက်ခွါသွားခဲ့တာကြာပေါ့။
                                                                                                                                                                                                                                                                                   အောင်သက်နှင်း